خمس حاجات لازم تتوقف عنها
- توقف عن محاولة ارضاء الناس
الواقع و المنطق بيقول انك مش هتقدر ترضي كل الناس
و هترهق نفسك جداً و هينتهي بك الحال بالتعاسة
- توقف عن الجري ورا ناس مش عايزينك
ابعد عن الناس اللي مش عايزينك او وجودك في حياتهم مش فارق معاهم زي ما فارق معاك..

اللي عايز يكون جزء من حياتك و يفضل معاك مش هيتعبك ولا هيرهقك و هتلاقيه موجود من غير مجهود
- توقف عن محاولة انك تبقي شخص كامل
الكمال لله وحده، و الكمال غاية لا يمكن تحقيقها ،، كلنا بشر و كلنا فينا عيوب لكن الافضل من محاولة انك تبقي كامل حاول تتخلص من العادات و التصرفات الغلط

- توقف عن تجاهلك لاحترامك لنفسك
احترام الناس ليك هيجي من احترامك لنفسك،،
طول ما انت بتحترم نفسك تأكد ان الناس هتحترم
و طول ما انت مقلل من نفسك لا يمكن الناس تحترمك

- توقف عن مقارنة نفسك بالآخرين
ربنا بيخلق كل حد فينا غير التاني، كل واحد فينا عنده قدرات معينة و نسب ذكاء معينة مختلفة عن باقي الناس
علشان كدا ركز علي الحاجة اللي في ايدك و طور من نفسك و متقارنش نفسك بحد
منقول