لسه مشفتش سلسلة الفيديوهات بتاعت أحمد عدلي اللي قالبة فيسبوك دلوقتي، اللي بتتكلم عن التاريخ المفقود للحضارة المصرية، وكل اللي أعرفه عن الموضوع هو فكرة عامة، بس أنا مؤمن بشدة إن في حقبة طويلة جدًا في تاريخ كوكب الأرض بالكامل مفقودة. والحقبة دي مش مفقودة بالصدفة. بل عمدًا..

الإنسان زمان لحد وقت معين مكانش بدائي للدرجة اللي كنا متصورينها، ومكانش ضعيف ولا مغلوب على أمره. بل كان عنده نوع من العلوم المفقودة اللي مكنته من الوصول لأشياء احنا لحد دلوقتي منعرفهاش ومش قادرين نستوعبها أصلًا عشان نفهمها ونفسر آثارها اللي باقيالنا منهم..

ده غير ان كوكب الأرض من زمن مش بعيد أوي مر بكارثة كونية غير معروفة لينا حاليًا، لكن في دلائل علمية كتير على انها حدثت وغيرت شكل الحضارات القديمة دي للأبد، ويمكن الفترة اللي جاية هتكلم أكتر عن الموضوع ده عشان في كلام كتير جدلي وممكن مش هيعجب ناس كتير.

بس الخلاصة هي اننا لسه لحد دلوقتي مش عارفين ولا فاهمين الماضي، واللي نعرفه والمتاح للعامة مش هو الحقيقة كلها..
كون ان في شخص دلوقتي يطلع يدافع عن رأي معين باستماتة، ويقول بمنتهى العجرفة ان ده هو الحقيقة ومفيش غيرها، أصبح في العصر الحديث شيء غير مستدام ومحدش هيتقبله.

ببساطة لإن الناس دلوقتي قادرين يوصلوا للمعلومة من مصدرها، وعندهم القدرة على تنويع مصادر علمهم وتكوين رأي خاص بيهم، ومحدش وصي على حد.
بس كده.. صباح الورد ❤️
محمود علام