شوية دردشة ❤️
في شُغلي بحاول دايمًا أتفوق وآخد كورسات وأتدرب يمكن بشكل أوفر قد يبدو للبعض إنه WOW وإزاي بيعمل كده، ولكن خلال فترة شغلي واللي بدأت من زمان حتى وأنا طالب في الكلية ملقتش أي شخصية أقدر أقول إنها قدوتي أو إني لازم أبقى زي الشخص ده ودايمًا كنت ببص على الأجانب
١/٥

شخصيات أجنبية أنا بتابعها وشايفها Leaders وبحاول أعمل زيهم، ويمكن دا برضو ميزني شوية لأن الاجانب طبعا متفوقين عننا وكويس إننا نوصل لنفس مستواهم في الشغل، لكن في حقيقة الأمر فيه قدوة ليا معايا من 3 سنين وانا بتابعها وحتى من قبل م نرتبط ونتجوز، هيا سحر، فعليا بحاول أبقى زيها
٢/٥

في أمور كتيرة جدًا، سحر بتقدر تعمل حجات كتيرة أوي في نفس الوقت وأنا مبقدرش أعمل ده، سحر بتقدر تخلي بالها من كل حاجه في البيت، كل حاجه Perfect ونضيفه وكل يوم أكل وغسيل وكل الأمور دي، وفي نفس الوقت 4 سنين شغل عمرها م اخرت دقيقة واحدة، ملتزمة بكل معنى الكلمة
٣/٥

وفوق كل ده مخليه بالها من تالا بشكل أوفر برضو ومهتم بكل حاجه، غير كده بتحاول تتعلم وبتتفرج على مسلسلات برضو وبتعمل كل حاجه.
لما بقارن نفسي بقى أنا بقول إني عمري م أقدر أعمل اللي هيا بتعمله، ربنا يقويها، بتحب البيت ومهتمة بنفسها ومهتمة بكل تفاصيل الشغل، يارب مكونش بحسدها 😃
٤/٥

بتعلم منها حجات كتيرة جدا يمكن هيا متحسش بده خالص، لكن حرفيًا أنا شايفة قدوة وبحاول أعمل زيها جدًا، لكن هي مجرد محاولات 😃
من أول يوم شوفت فيه سحر، أول يوم حرفيًا وأنا قررت أرتبط بيها، والحمدلله على ده
أنا ممكن أعمل رواية ولا كتاب عشان لسه في تفاصيل كتيرة 😃
٥/٥