رتبها

في ٦٤ دخل عبد الوهاب الجيتار لاول مره فقرقة الست ف انت عمري ؛ و علي مدار اغانيه مع ام كلثوم استخدم الجيتار ف كل الاغاني تقريبًا وبصراحه احسَّن الاستخدام وتعالوا فالثريد دا كدا اخدكوا ف رحلة ف "جيتاريات عبد الوهاب "واجمل توظيفاته ليه ونبدأ ب انت عمري
*العازف عبد الفتاح خيري

وبعدها ب سنة ف سنة ٦٥ يستخدم عبد الوهاب الجيتار ويعملة صولوهات ويكون هو بطل المقدمه الموسيقيه ف اغنية انت الحب واللي بيعزف هنا عبد الفتاح خيري برضو اللي فالاصل عازف كمان ؛ وهنا دخول الايقاع بعد الادليب او العزف الفالت اللي فالاول قصه تانيه نبقا نقولها ف ثريد انت الحب

وف سنة ٦٧ يقرر سي عبده برضو يخلي الجيتار برضو هو بطل الحكايه بس جابله اوكورديون جنبه يفرشله ويقفشله ركوز المقام وعملوا سوا احلي دويتو الناس كلها اول لما بتسمعه تعرف ان دي "امل حياتي " وهنا العازف عزيز تادروس هو اللي لعب الصولو

عشان بعد كدا ف سنة ٦٨ يعمل عبد الوهاب واحد مو اجمل صولوهات الجيتار وواحد من اجمل الصولوهات عموما حتي لما لعبته الكمانجه بعده كان اسطوري صولو للتاريخ يا سي عبده

وف سنة ٦٩ يعمل سي عبده واحد من اروق واهدي واجمل الصولوهات اللي سمعتها او هتسمعها فحياتك -صولو هذه ليلتي عزف عبد الفتاح خيري

صولو من هذه ليلتي برضو ؛ كنت المفروض انزل الصولو بس بس المزيكا كلها علي بعضها اسطوريه وخرافيه وعالميه وليها مدلول انها تتلعب كدا بس هنشرحه بعدين ؛ المهم معرفتش انزل الصولو بس وافوت العظمه دي الصولو من الثانيه ٠:١٦

عشان ف سنة ٧١ يعمل عبد الوهاب دارت الايام وكان للجيتار فيها نصيب الاسد برضو وكان عامل توليفه هايله بينه وبين الاوكورديون برضو زي ما عمل ف امل حياتي

ينهار ابيض علي الجمال وعلي جمال عزف عمر خورشيد وجمال الصولو لما يتلعب ف ضهره ايقاع ؛ موسيقي من دارت الايام

ويجي ف اغدًا القاك ويعمل شقلبظات بالجيتار وعمر خورشيد سهل عليه المهمه بعزفه الرائع ؛ وفالاغنيه دي بالذات كان الجيتار هو بطل الحكايه كلها من اولها لاخرها وكان احلي حاجه فالاغنيه صولوهات خورشيد

هنا الجيتار بيقول ٤حروف بس وهما (سي ري مي مي ) وعامل بيهم العظمه ومسلط الضوء عليه ازاي مش فاهم بس الجمله عظيمه من الصبا وكإن واحده قاعده تضرب راسها بالتراب وهي بتنوح