رتبها

في التجربة الثانية ،الصوم للرحمن
كنت اكتب كل شيء اسويه حرفياً وأراقب .. أول يوم لاحظت افكاري تدور حول اخر موقف واخر نقاش وهذا حصل حتى في التجربة الاولى .. عقلي يجيب آخر سالفة ويلوك امها من كل الزوايا 😂 يجيبها بأكثر من سيناريو و رد .. يبغى يفصلني عن لحظة سكوني

للحظة قلت لايكون عقلي متبرمج على فكرة
( انا اذا ماشتغلت .. اموت !)
ويطول التفكير لما تجلس تجادل وتناقش افكارك وترد عليها
.. لكن يهدا لما تراقب وتترك الافكار تمشي عادي .. لاتحاسب نفسك عليها الافكار تروح وتجي

السالفة قدها انتهت من زمان وانت لازلت تناقشها في عقلك وتحاول تقنع وتقتنع ..!
أول يوم في البداية قلت مراح أفتح القرآن .. قلت خن اجلس مع أفكاري واشوف وش عندي ووش انا مهببه في حياتي 🤭
نفس الأفكار تدور في نفس الدائرة ، مشاعر لازالت عالقة

لاحظت استجابة مشاعري للفكرة على طول !
مجرد ماتجيني فكرة فيها أسى على نفسي مباشرة تتفاعل مشاعري والقي عيوني تدمع !
بعكس لما تجيني افكار رضا وشكر عن نفسي وحياتي مشاعري تستجيب مباشرة وأطمئن ..
يعتمد على درجة تصديقي للفكرة اللي تمر ايضاً ! ..لذا لازم انتبه لأفكاري

كان فيه مقاومه اكيد لحالة الصمت هذي .. لدرجة تراودني فكرة العدول عن الصوم وهو توه ماقال بسم الله ، حاولت اصومه قبل بس قطعته بعد نصف يوم ماصبرت .. بس هالمره تم الحمدلله
تسمع صوت اهلك تحت يتابعون شيء ويضحكون .. وعقلك يبغاك تستجيب وتقطع اللي انت فيه من السكون ، افكارك تشتتك

مرات اجلس اطالع السقف بس وانتبه لكل الاصوات حولي في غرفتي او من النافذه واراقب تتفسي ..
طبعاً اللي اختلف في صومي هذا عن الأول هو اني كنت انزل تحت عادي اسوي لي اكل او شيء اشربه عادي وارقى فوق غرفتي .. واهلي كلهم عارفين اني في حالة صوم

اذا شفت امي احب راسها ، اذا شفت ابوي احب راسه .. اذا شفت اختي او اخوي الصغير احضنه عادي .. اللي يضحك هم يمديهم يتكلمون بس احياناً اذا شافوني تلقائي ياخذون حالة الصمت معي 😂 كأني كاتمتهم😭😂

في المساء فتحت المصحف
وقرأت سورة البقرة كامله وكملت الثلاث اجزاء مع ال عمران .. الشعور مع القرآن دااااائماً مختلف والى الأبد غير غيييير ، سبحان الله

اليوم الثاني قرأت ١٢ جزء مقسمين على اليوم كله .. الهامات وتدبرات تجي تترا تترا .. وكنت ادونها على طول .. الدفتر تعبّى من الكلام .. ومن الآيات اللي خلتني اتفكر وابحر فيها كثير .. قد ايش القرآن ممتع وصحبته لاتمل قد ايش الوقت يمر معه سريع ، تتفكر في كلمات الله تتفكر في بديع تصويره

في اليوم الثاني طلعت برا جهزت لي كرسي وطاولة ودلة كرك .. على اساس بكمل تلاوة برا .. و بررد 🥶
مافتحت المصحف لسا كنت أكتب على الدفتر .. حسيت بقطرة ماي على رجولي بس حسبتني اتهيأ ،الا تلقائي راحت عيني ع الأرض القاها قطرة قطرة قطرة قطرة والمساحات الغامقه والمبلله تزيد ..

فرحت بالمطر وفرحت بفضل الله قلبي خشع لهذي اللحظة بكيت ودعيت ..
تذكرت هذي الآية
اللَّهُ الَّذِي يرسل الرياح فَتُثِيرُ سحاباً فَيَبْسُطُهُ فِي السماء كَيْفَ يشاء ويجعله كِسَفًا فترى الْوَدْقَ يخرج مِنْ خلالهۖ 👈🏻فَإِذَا أصاب به من يشاء مِنْ عِبَادِهِ إِذَا هُمْ يَسْتَبْشِرُونَ🌧️

شعور بالرحمة .. رحمة الله مع كل قطرة عذبة تنزل ومع كل قطرة ماء تُحبَس ، رحمة الله أنه ساق هذي الغيمه الثقيله لأرضنا فأحياها
ولما كنت اواصل القراءة انتبهت لهذي الآية
{ أفرأيتم الماء الذي تشربون، أأنتم أنزلتموه من المُزْنِ أم نحن المنزلون ، لو نشاء جعلناه أجاجاً فلولا تشكرون }🥹

تخيّل لو ماء المطر مالح ؟
الماء اللي نشربه عذب والماء اللي ينزل من السماء عذب .. فلولا تشكرون ، ياربي لك الحمد والشكر ..
اخشع وابكي في آيات متفرقه ، لكنها ماكانت كثيرة لدرجة اني قلت هذا الصوم مو مثل اللي قبل .. وانا لسا ماوصلت للساعات الاخيرة

في آية استوقفتني فيها جمال الوصف والتسمية
( وَقَالُوا اتَّخَذَ الرَّحْمَٰنُ وَلَدًا ۗ سُبْحَانَهُ ۚ بَلْ عِبَادٌ مُّكْرَمُونَ )
عباد مكرّمون .. كلمتين استشعرت فيها درجة التكريم العظيمه اللي ربي كرّمنا فيها بدءاً من خلقنا الى أمر الله الملائكة بالسجود لآدم وتسخير كل شيء لنا

عباد .. درجة الحنان اللي شعرت فيها كيف اوصفها ؟
ايات يصف فيها ربي الأنبياء بأوصاف جميلة .. الأواه الحليم المنيب ابراهيم عليه السلام قانتا، حنيفاً ، شاكراً لأنعم الله
ولما قال ابراهيم عليه السلام من شدة حسن ظنه بربي ( سأستغفر لك ربي انه كان بي حفيّا ) ♥️
الله

انك تعرف ان ربي حفي بك حفي بدعواتك مرحّب بك دائماً شديد الإكرام يستقبلك بأجمل مايكون عليه الاستقبال ، كريم لطيف بك ، تروح له وانت تعرف منزلتك عنده ( انه كان بي حفيّا ) ♥️

وفي آية أخرى لامست قلبي .. في قصة الرجلين اللي جائوا يختصمون الى داوود عليه السلام
{إِنَّ هَٰذَا أَخِي لَهُ تِسْعٌ وَتِسْعُونَ نَعْجَةً وَلِيَ نَعْجَةٌ وَاحِدَةٌ فَقَالَ أَكْفِلْنِيهَا وعزني فِي الْخِطَابِ}
اللحظة اللي حكم فيها داوود تلتها اللحظة اللي ادرك فيها انه اختبار

لما قال { لقد ظلمك بسؤال نعجتك إِلَىٰ نعاجه ۖ وَإِنَّ كثيراً مِّنَ الخلطاء لَيَبْغِي بَعْضُهُمْ عَلَىٰ بَعْضٍ إِلَّا الَّذِينَ آمَنُوا وعملوا الصالحات وقليل مَّا هُمْ ۗ وَظَنَّ دَاوُودُ أَنَّمَا فَتَنَّاهُ فَاسْتَغْفَرَ رَبَّهُ وَخَرَّ رَاكِعًا وَأَنَابَ ۩}
🌧️ ..

المفتون مايعرف انه في فتنه واختبار الا اذا انتبه .. ادراك داوود عليه السلام واستغفاره ولما خر راكع لله وأناب .. كأني شفته مشهد وهذا المشهد تحرك له قلبي .. هل لدينا هذا الإدراك الحي الذي يجعلنا ننتبه في خضم كل احكامنا المستعجلة ؟

لنقف قليلاً ونقول .. لحظة هذا اختبار ! .. هذي فتنة .. لحظة نرجع فيها الى الله ونستغفر لحظة نخر فيها راكعين وننيب الى الله ؟
.. الكثير والكثير من الآيات فيها جملة من العبر والتوصيات لكننا لاننتبه .. كلما تذكرت سأكتب

ينفتح قلبي بين الفينة والأخرى عند آيات وآيات .. لكن شيء ما افتقده شيء ما في نفسي لازال مدفون تحت كومة لا أدري ماتكون …
تمر الساعات .. اواصل القراءة اليوم الثالث والاخير .. استيقظت صباحاً الصباح جمييل ودرجة الانتباه كانت اعلى في اليومين السابقين كنت انام الصبح كله

كتبت الكثير في ذلك الدفتر .. لكن بما انه ليس بقربي الآن .. فأنا أحاول ان اتذكر
في الساعتين الأخيره قبل انتهاء الصوم
وصلت لسورة الرحمن وعند آية وقفت ! كأن شيئاً في صدري تصدّع وتفجّرت من عيني ينابيع كثيرة .. تلك الكومة كأنما غُسِلت من صدري

سورة الرحمن .. وعند كل ( فبأي الاء ربكما تكذبان ) يهتز قلبي

من بدايتها
الى نهايتها آلاء الله ونعمه علينا تُذكر
وإعجاز خلقه
{مرج البحرين يلتقيان () بينهما برزخ لايبغيان ()
فبأي الاء ربكما تكذبان ؟()
يخرج منهما الؤلؤ والمرجان () فبأي الاء ربكما تكذبان }
{ كل من عليها فان ()ويبقى وجه ربك ذو الجلال والإكرام ()فبأي الاء ربكما تكذبان }

:.
لكن الآية اللي خلتني انفجر بالبكاء .: هي
بعد كل كل ماذكره ربي من آلاء ونِعَم وبديع صنع وإعجاز خلق وانه علم الإنسان و علمه البيان .. وجعل الشمس والقمر بحسبان ونجم وشجر يسجدان وأرض وضعها للأنام فيها فاكهه ونخل و حب ذو عصف وريحان .. خلْق الانسان وخلق الجان .. الى ..

" هل جزاء الإحسان الا الإحسان () فبأي الاء ربكما تكذبان " 😭
اي نعم هل جزاء الاحسان الا الاحسان ..
ربنا اللي خلقنا ورزقنا أكرمنا وانعم علينا وتفضل علينا وسخر لنا كل شيء في الأرض والسماء نقابله بالجحود والنكران .. وهو الغني عنا وعن طاعتنا

للحظة قلت ياربي قد ايش تعطينا يارب وننسى نشكرك قد ايش تتفضّل علينا وننسى نحمدك ، قد ايش تنعم علينا وننسى نسبحك ونعبدك حق عبادتك .. قد ايش ننسى نذكرك ..
كنت اتلفت في غرفتي اشوف آثار نعمته علي
سقف مايخر منه الماي .. لحاف دافي .. مدفأه .. مكتبة أبحر من معلومات ، انارة .. قلم وورقة

اقدام تشيلني فوق وتنزلني تحت ، يد تمتد الى ماترغب حمله واخذه ..عين تشوف اذن تسمع فؤاد يشعر .. نعمة الاحساس انك تحس بالبرد وتحس بالحر ،وحتى تحس بالألم ، لو تدري ان في ناس ماتشعر بالألم ينفلق راسها ويصب دم ولا تحس حتى بالخطر لأن مؤشر الألم مطفي ، استشعرت هذي النعمة لما انجرح اصبعي

وانا الف الورق وجرحني الورق .. جرح صغييير لكنك تحس بلسعته .. قلت تكفير يارب ..
ونعمه من أعظم نعمك نعمة الاحساس

هذي النعم الكثيرة اللي وين ماألتفت اشوفها واسمعها واحسها وبعد كلها اشتكي والوم ولا ارضى ؟ ..
وعند اية
وَلَئِنْ أَذَقْنَا الْإِنسَانَ مِنَّا رَحْمَةً ثُمَّ نَزَعْنَاهَا مِنْهُ إِنَّهُ لَيَئُوسٌ كَفُورٌ
وعند

وَإِذَا أذقنا الناس رحمة فرحوا بها ۖ وإن تصبهم سيئة بِمَا قَدَّمَتْ أَيْدِيهِمْ إِذَا هُمْ يَقْنَطُونَ )
نفرح بالخير .. ونقنط اذا صابنا الشر ومن دون ادراك نجحد .. ننسى اللحظات اللي كنا ندعوا الله فيها اذا مسنا الشر ليل نهار وعند النوم ولما نصحى ولما تُكشف عنا .. وننسى نشكر

{وَإِذَا مَسَّ الْإِنسَانَ الضُّرُّ دَعَانَا 👈🏻لِجَنبِهِ أَوْ 👈🏻قَاعِدًا أَوْ👈🏻 قَائِمًا فَلَمَّا 👈🏻كَشَفْنَا عَنْهُ ضُرَّهُ مَرَّ كَأَن لَّمْ يَدْعُنَا إِلَىٰ ضُرٍّ مَّسَّهُ ۚ كَذَٰلِكَ زُيِّنَ لِلْمُسْرِفِينَ مَا كَانُوا يَعْمَلُونَ}}
🤍🥹

اوقف الى هنا .. وارجع بإذن الله اكتب اللي كتبته في الدفتر .. مشاعر جمييييلة تغسل القلب
روح القرآن عجيبة
… لما جات الساعه وحده بالليل وانتهى صيامي نزلت 😂😂😂
الا اسمع اختي تناديني ( عارفين متى ينتهي الصوم حقي ) قلت لها وانا من الدرج نعم نعم
الا تقول : اخييراً سمعنا هالصوت

اخواني الصغار مالحقوا يسمعون صوتي كانوا نايمين .. الصباح كذا على عشر نزلت وهم يطالعون فيني بصمت شكلهم يضحك😂😂😂
سألتهم بصوت عالي وانا ماشية في تعليق دراسة اليوم ؟؟
الا يقولون بصوت واحد اخيييراعاً 😭😂
ضحكت ، حسسوني كنهم مكتومين 😂😂😂

بس شعور حلو يشتاقون لحسي 😂😁♥️

.. تذكرت شيء
اكثر مابكاني بعد .. كثرة الآيات اللي يدعونا فيها الله اننا نسأله وندعوه وانه بيعطينا وبيجيبنا ،
انا كنت ادعوا صحيح بس كأنه دعاء بدون أمل للأسف .. واقولكم الصراحة سمعت معلومه ان كثرة الدعاء من الالحاح والالحاح مو شيء زين كأنك مو مصدق ان ربي بيجيبك ! بس لحظة !!

هذا ربي ولله المثل الأعلى.. مو واحد من الناس يمل من طلبك و سؤالك
صدقت فكرة الالحاح وحسيت ان دعواتي قلّت .. لكن في العمق كنت يائسة وهذا اللي عور قلبي اكثر كيف يئست من رحمة ربي
لكن مع التلاوة والآيات حسيت ان ربي يدعونا باستمرار اننا ندعوه ونكثر من الدعاء .. الى ان تطمئن قلوبنا

شفتوا عقد اللولو لما ينفك ؟ وتتابع اللآلئ ورا بعضها .. وزاد لما قريت الكلمة هذي في الدفتر " اذا توقفت عن الطلب فأنت في حالة يأس "
انسلّت دعواتي وطلباتي ورا بعضها ومادعيت الا كريم .. ليه كنت استحي ادعوا ؟
شفتو مقطع الطفل اللي يدعي الله ويقول اللهم اعطني الصبر وأعطني السكاكر !

انا سمعت في الأثر ان الناس كانوا يسألون الله حتى الملح للطعام
وش اللي كان يمنعنا من الدعاء؟
اذكر مره قلت لاخوي قول يارب الله كريم يرزقك السيارة اللي تبيها ، سكت ومارد وردة فعله لا مبالاه كأن هذا الشيء بعيد ، أفهم الآن ان هذ مو يأس عن الإجابة فقط هذا يأس عن السؤال بكبره

اطلب واسأل الله يهيئ لك الأسباب والأخذ بها ويهيئ لك الظروف والوسائل والناس بعد ..
راح اجيب لكم اكثر الايات اللي فيها حث على الدعاء والطلب والسؤال

ليه جبت مثال الطفل اللي كان يدعي ربي انه يرزقه حلاوة 🍬.. وهذي اقصى آمال الطفل وطموحاته ولسبب ما الحلاو كان شيء قيّم وغالي بالنسبة لنا لما كنا اطفال .. انك تتعلم تطلب الله من فضله في اصغر الاشياء الى اكبرها حتى الاشياء اللي اعتدت وجودها اطلب من الله دوامها والبركة فيها

اعرض حالتك على الله .. اسأل واطلب فإنت ماطلبت الا سميع ومجيب و كريم ..
وَقَالَ رَبُّكُمُ ٱدۡعُونِیۤ أَسۡتَجِبۡ لَكُمۡۚ
على كثر ماإحنا في أمس الحاجة الى الدعاء على كثر ماإننا ندعي قليل ونسأل قليل ونطلب قليل ! الكريم يدعوك يقولك ادعوني .. المجيب يدعوك يحثك ع الدعاء

وش اكثر من كذا عطاء وكرم ولطف وسعه ؟
احنا نستحي نطلب وندعوا ! والله يأمرنا نطلب وندعوه !
{ادْعُوا رَبَّكُمْ تَضَرُّعًا وَخُفْيَةً }
{قُلِ ادْعُوا اللَّهَ أَوِ ادْعُوا الرَّحْمَـٰنَ ۖ أَيًّا مَّا تَدْعُوا فَلَهُ الْأَسْمَاءُ الْحُسْنَىٰ ۚ }

{ وَإِذَا سَأَلَكَ عِبَادِي عَنِّي فَإِنِّي قَرِيبٌ ۖ أُجِيبُ دَعْوَةَ الدَّاعِ إِذَا دَعَانِ ۖ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ }
امرين لازم نأخذ فيهم
١- فليستجيبوا لي
٢- وليؤمنوا بي
ادع الله .. استجب لله .. وآمن به وبوعده وبإجابته وبقدرته

{تَتَجَافَىٰ جُنُوبُهُمْ عَنِ الْمَضَاجِعِ يَدْعُونَ رَبَّهُمْ خَوْفًا وَطَمَعًا وَمِمَّا رَزَقْنَاهُمْ يُنفِقُونَ }♥️
اذكر جدتي الله يرحمها كانت تتقلب في فراشها وهي تدعوا الله لنفسها ولعيالها ولجدي ولأحفادها وتسأل الله من فضله وتطلب منه التسخير ، تقول الله يسخر لكم من اقوى منكم

وتقول الله يطعمكم ويفهمكم .. ويجعل لكم من درب الضيق سعه ..
كانت تدعي كثير والذكر مايطيح من لسانها .. وهي تسوي اللبن .. وهي تطعم الفروخ .. وهي راجعه تقيّل الظهر .. ولما تصحى من النوم اسمعها تذكر الله على طول .. حتى اني انتبه لها انها صحت من صوت دعائها وذكرها

وكلمة دايم تقولها احبهااا حيل لا جات على لسانها .. لما تناظر نظرة تفكر او في نصف الكلام وتقول
( سبحااانه في ملكه .. ماأحلمه على خلقه )

الآن الدفتر قدامي
كتبت
( اريد ان اتصل بربي اكثر .. أريد ان اشعر بالإلهام .. أريد ان ادرك ادراكات جديدة .. اريد الوضوح .. اريد ان احدد اهدافي لهذا العام .. اريد ان ازداد عزيمة وأعمل عليها ..
كتبت دعواتي .. وكتبت كل شيء اسويه خطوة بخطوة حركة بحركة وكل شيء انتبه له والاحظه

هدووووء يخليني اسمع كل شيء بوضوح
صوت الماكينة برا .. صوت المكيفات .. صوت نباح الكلب .. صوت المدفأه .. صوت حركة السيارات برا .. صوت الهواء .. صوت المطر صوت المفتاح صوت خروج اختي من غرفتها .. صوت صنبور الماء .. صوت توقف الماء .. صوت الورق اللي اكتب عليه.. صوت وقع القلم على الدفتر

فيه شيء كتبته مدري وش كنت افكر فيه بالضبط ، شكلها سالفة🤐
( احنا نحسب اننا نعاقب غيرنا بغضبنا .. بس الحقيقة نعاقب انفسنا بهذي المشاعر )
( الشخص اللي مايبغى يتغير طبيعي يكون مرتاح مع شخص مثله مايحب التغيير ) لأن لو الآخر كان متغيّر لاستفزه هذا التغيير ( والمتغير يستفز الساكن )

( كل وجهات النظر صحيحة من وجهة نظر اصحابها )
( عقلي يستمر في اجترار سالفة ويحللها )
( مرت على عقلي صفحات من حياتي كأنها كانت كابوس من غفلتي عن اشارات العذاب ..حسبته نعيم الى ان استيقظت )
( ابكي الآن مالذي أثار شعوري هل هو الحدث ؟ أو تسميتي لهذا الحدث )

( تساؤلي الآن هل أنا حقاً تعلمت الدروس من تجربتي أو لا ؟ )
( ماهي الرسالة الواضحه ؟)
( ماهو الشعور الذي يجب ان أكون عليه حتى لا تتكرر التجربة المؤلمه ؟)
( اراقب مشاعر الأسى وهي تخرج )
( الفكرة اولاً ثم الشعور )
( أعرف كمية الهدوء والسكينة التي اشعر بها الآن مع نفسي )

( أريد تطهير قلبي وعقلي وروحي )
آية { لكي لا تأسوا على مافاتكم .. ولا تفرحوا بما آتاكم }
( مجدداً ! تأتي أفكار بقلة الجدارة !)
( كيف اتحرر من هذا الشعور ) ؟
( عندما طلبت أمراً .. انزعجت من رغبتي هذه وكأني أقول ربما لن تحصل لماذا تتأملين )
( لكن !
( لا تكن من القانطين)

( قلت يارب .. قلت وقولك الحق ادعوني استجب لكم )
( ارزقني من حيث لا أحتسب ووسع لي فيما آتيتني وبارك لي فيما أعطيتني )
( انا جديرة بكل حب وأستحق كل الخير من ربي )
( لسبب ما عيني تدمع باستمرار ، وأشعر أنني أغتسل بدموعي )

( أحاول تهدئة افكاري المتضاربه وأتابع تنفسي )
( نزلت للأسفل .. أعددت كوب كرك .. قبلت رأس امي .. احتضنت اخي الصغير .. كان يتكلم معي قليلاً وابتسم دون رد .. عدت لغرفتي مع كوبي .. النافذة مفتوحة .. أسمع صوت العصافير

( المغزى من حياتك ؟ التي ستخدم رسالتك ؟ )
( كلمة قالها لي أحدهم .. توقفي عن لعب دور الأمومه لأحدهم .. أنتِ لستِ أمه )
لاحظ تفاوت الأفكار ترادفها وتناقضها وتضاربها .. اشياء قديمه على اشياء جديدة على ماضي على مستقبل .. وانا في كل مره أرجّعني للّحظة

( ستعملين في المجال الذي تحبينه )
الكثير من الامور الجميلة كتبتها لنفسي
كتبت قائمة بالمهام التي أنوي فعلها بعد انتهائي من الصوم بعضها مراح اكتبها لين اسويها بإذن الله ..
حققت منها واحد حتى الآن

فيه وحده منها مو من المهام قد ماهي طلب طلبته من ربي وماأملك له شيء في اللحظة الحالية لكني ابغى هذا الشيء للمستقبل وشعور عجيب في داخلي يقول ان فعلاً ربي استجاب لي وقاعد يهيئ لي أسباب الإجابة بطريقته المثلى ♥️
اذا تحقق باذن الله برجع اكتبه في هذي التغريده حتى لو مر عليها فتره

اتابع لكم الكتابات اللي كتبتها على فترات في الدفتر واشرحها
( have a nice day )
( الجو مغيّم ) ( مطرر ) ( الكرك ريحته زاكية وطعم الزنجبيل قوي )
( ارسم دعواتي على الورق )
( على السطح .. أجلس .. كاائن صغير في كون كبير وكون كبير في كائن صغير .. اشعر ان الله يراني ويسمعني )

( انوي تفعيل اسماء الله الحسنى كلها في حياتي )
( مالخير والبركات والبشائر التي سأتلقّاها بعد هذه التجربة ؟)
( ماذا سأتعلم ؟) ( مالدورات الجميلة التي سآخذها ؟) ( كيف أعمل على تطوير مواهبي ومهاراتي بأدوات مسخره )
( أريد افكار جديدة .. الهامات.. مشاعر وقصص بهجة طمأنينه وتسليم

والكثير مما كتبت اخفيته لنفسي 🫶🏻♥️
( أعتقد أننا بحاجة للحظات الهدوء والسكون هذه .. بعيداً عن ضوضاء الناس واختلاط الأصوات والأفكار فلا تعلم أيها صوتك الداخلي وأيها الصوت الدخيل ؟ أيها فكرتك الأصيلة وأيها أفكار الآخرين ؟ .. بعيييداً عن الهرب من ذواتنا .. قريباً منا ومن الله )

كتبت شيء بعد .. في خضم التفكير .. تساعدني الكتابة على ترتيب افكاري
( مثلما تكره أن يتسلط أحدهم على أفكارك وقناعاتك .. لاتتسلط على أفكار وقناعات الآخرين .. عش مايناسبك ودعهم يعيشون مايناسبهم ) ✨
( عندما نحكم على الآخرين فإننا نعطي رسالة مفادها كبر الشيطان ( انا خيرٌ منه !))

يارب اغفر لنا تكبرنا وغرورنا وجهلنا وعنجهيتنا وظلمنا لأنفسنا وسوء اقوالنا واعمالنا وكفر عنا سيئاتنا🤲🏻
( المقبول و غير المقبول .. المسموح وغير المسموح .. هذه الأمور تستطيع تحديدها لحياتك وليس لحياة الآخرين )

وقاعدة شكلها قاعده في قلبي وكتبتها على الدفتر بلهجتي😅
( لازم تفهم هذه القاعدة .. الناس فهمها يختلف .. منظورها يختلف .. قناعاتها تختلف .. خطأ تحكم عليهم من خلال قناعاتك وتفندهم الى صح أو خطأ ) مقياسك الشخصي اللي تشوفه انت صح .. قد يكون غيرك على هدى وانت تحسبه في ضلال مبين

وقد تكون انت المسيء وتحسب نفسك محسن !؟ .. وربما تكتشف هذا الشيء بعدين
نكمل واضح اني ريضه 😅 ( ريضه يعني مطوله )
( تتحسر عليهم وانت مالك شغل فيهم ، كل انسان جاي هنا يعيش تجربته على الأرض يكتشف القناعه اللي تناسبه مو لازم يكون نسخه منك عشان يكون صح هو صح بطريقته وانت صح بطريقتك

( فلا تتدخل فيه ولا هو يتدخل فيك مو شغلك لأنه ) حسيت اني اتضارب هنا 😂
( بدون إطلاق احكام )

طبعاً اغلب الافكار هذي في اول يومين .. اليوم الاخير كانت السكينه فيه اعلى بمراحل ومشاعري اهدا واكثر سكون ..
في لحظة اتذكرها .. اشتهيت اسوي شاهي تركي خدري .. وسويته حطيت الحبق والنعناع طعمه في الراااس وموزون .. رقيت فوق اناظر الجبل من النافذه ( روس الجبال باين عليها اثار المطر )

دفئ الكوب في يدي .. لون الشاي الاحمر الخمري في عيني .. رائحته الزاكية في خشمي .. المنظر الجميل اللي اشوفه قدام عيني .. صوت العصافير .. وانا واقفه اتأمل الصوره احسها اسمعها اشوفها واشمها .. صوت في داخلي قال ( والله إني في جنه !) اللهم لك الحمد

( كيف اكون اكثر رفق اكثر حب اكثر نور ولطف )
( الجو كأنه من الجنه )
( أبغى أكتب أروع الخواطر التي تلامس القلب وتتصل بالروح مباشرة )
( أريد أن يسمع الناس خاطراتي على الطريق تكون سلوى لهم .. شحذاً لهمتهم .. طبطبه لقلوبهم فلا يأسون على شيء ولا يحزنون من شيء ،)♥️

اريد ان يجعل الله الحب والنور في كلماتي وان يلهمني ويباركني ويبارك لي ماوهبني اياه من قوّة الكلمة وطلاقة اللسان ودفئ الشعور وأن يزيدني علم وقوة وتمكين .. حتى اعمل ماأحب وأتقنه .. ارزقني يارب اهدني وعلمني وسخرني وسخر لي .. علم وعمل نافع .. حكمة وبصيرة .. رزق واسع ……

في اية ( ولكن تعمى القلوب التي في الصدور )
و
(لهم قلوب يعقلون بها )
انا لازلت اقول ان القلب والاتصال الحي برسائل هذا القلب هو اللي يدلنا على الله
العقل مفيد لكن عمليات مستمره من التفكير اكثرها افكار تبرمجنا عليها لايِعرف صحيحها من خاطئها .. يفيدك التفكر بالعقل لما تتصل بالقلب

( اعقل بقلبك ) ♥️
كثير يعارضون ان القلب هو الدليل ويقولون ان العقل هو الدليل .وطايحين شتم في هالقلب المسكين ويقولون انه مودينا بستين داهيه وان العقل هو المنقذ دائماً !.. لكني هنا اخالفكم ،احيان عقلك يحاول يقنعك بأفكار توديك في تسعين داهية مو ستين ويحاول يخليك تتجاهل شعور قلبك

ليش ابراهيم عليه السلام قال ليطمئن قلبي ؟
كل الأسئلة وكل التفكر والتبحّر مرادها شيء واحد اطمئنان القلب ..
وقد يخالفني الكثير وبشده ويواصلون لوم القلب وشتمه وانه اساس القرارات الخطأ وهو حبيب والله لكن عاد بكيفكم ..
طيب ليه يادلال اقتنعتي بهذي الفكرة ؟
اليكم الإجابة

في الأحداث المهمه والقوية اللي صارت في حياتي كان فيه إشارات ومؤشرات
( قلبي يحس بعدم الراحه فيها )
( لكن عقلي يعطيني باستمرار قراءة مختلفه عن الواقع )
القلب يقول :مو مريح
العقل يقول :لا طبيعي
القلب ينقبض
العقل :هذا يحصل طبيعي كملي
القلب : هذا اضطراب .. هذا خطأ
العقل : لا صح

وطبعاً ما أوصف لكم درجة الضيق اللي كان يحسها قلبي ، كان ينقبض ! قلبي كان يبي يحميني .. رسالة قلبي كانت واضحه واللي احسهكان بالمعنى الحرفي ( مو مريح ) .. فكأن عقلي تبرمج ان هذي المشاعر صحيّة وطبيعيه فلمّا آخذ شور عقلي فأنا بآخذ بهذي البرمجة الخاطئة .. واتجاهل قلبي

ياما ياما افكار تبرمجنا عليها وأخذها عقلنا اللا واعي .. مشاعر الاضطراب والقلق والتوتر وعدم الراحة وانك ماتقدر تكون على طبيعتك مع شخص تحبه مثلاً وقلبك دايم مقبوض وبطنك فيه طيور مدري فراشات ماتقدر تتكلم ولا تاكل ولا تتصرف بشكل حقيقي حتى .. تبرمجنا انها طبيعي وهذا الحب🌚

ترى حتى انشغالك بالمحبوب طول الوقت (وياشاغل بالي ومدري وش) تدرون انه مو صحي اذا مستمر ومايخليك تركز في مهامك اليوميه وساحبك طول الوقت؟فيه تطرّف وعدم اتزان هنا كيف عاد اذا اضطرب نومك بسببه ؟ اقوى مؤشر ،لكن قراءة العقل له حب🤷🏻‍♀️
لاحظ قد ايش القلب والجسد صادقين معك ولاحظ تلاعب الافكار

ان شاءالله اني برّئت القلب من الاتهام الموجّه له😁♥️

فيه آية أخرى لامست قلبي ( اقولكم الدفتر تعبّى تعبّى )
لما انتشرت شائعة الإفك عن امنا عائشة رضي الله عنها وقال الله عن اللي خاضوا فيها ( اذ تلقونه بألسنتكم وتقولون بأفواهكم ماليس لكم به علم .. وتحسبونه هيناً وهو عند الله عظيم ) عظيم !
وقال ربي التوجيه اللي مفروض نعمل به

{ولولا إذ سمعتموه قلتم .. مايكون لنا أن نتكلم بهذا سبحانك هذا بهتان عظيم }
الله لو كلنا نعمل بها ، ونقول مايكون لنا ان نتكلم بهذا .. فلا نجري طايرين ناخذ اول خبر نسمعه وننشره ونخوض فيه واحنا لا سمعنا بأنفسنا ولا شهدنا بعيوننا فكيف نخوض مع الخائضين ؟ ( سبحانك هذا بهتان عظيم )

لكن فيه فئة غييير تعاملوا مع الشائعة بشكل مختلف ،. فئة تطلب الله انك تكون منهم ، فئة كذبوا الأقاويل ودافعوا عن أم المؤمنين .. وظنوا بأنفسهم خيراً
{ لَّوْلَا إِذْ سَمِعْتُمُوهُ ظَنَّ الْمُؤْمِنُونَ وَالْمُؤْمِنَاتُ بِأَنفُسِهِمْ خَيْرًا وَقَالُوا هَٰذَا إِفْكٌ مُّبِينٌ }

دعتني ذي الآية لموقف حصل في مجلس يخليك تتفكر في مدى الثقه اللي قد تكون بين شخصين احدهما غائب عن المكان والموجودين كانوا يتكلمون عن موقف هذا الشخص الغائب وفسروا مقاصده بطريقتهم ..
الشخص الحاضر والمقرّب من هذا الغائب سمعهم دافع و قال
( مايقصد كذا .. انا اعرفه )
جمال المعرفة

آية اخرى شدت انتباهي
( كذلك لنثبت به فؤادك 👈🏻ورتلنه ترتيلا )
الترتيل هو شيئاً بعد شيء ، وليس بمفهوم الترتيل اللي اخذناه انه جمال الصوت بالقراءه
…
آية يشكي فيها حبيبنا محمد الى الله .. عنّا !
( يارب ان قومي اتخذوا هذا القرآن مهجوراً )

فيه آية حسيتها مرعبه
لما أهل النار قالوا ( مالنا لانرى رجالاً كنّا نعدهم من الأشرار ) !
حكموا على الناس بالشر والضلال في الدنيا .. ولقوا نفسهم في مكان الأشرار بالاخرة .. والاشخاص اللي كانوا يعدونهم اشرار مو معهم !

فيه آية اعتبرها تلخيص لصفات الشخص اللي يبغضك وما يحبك
١- إن تمسسكم حسنة تسؤهم
٢- وان تصبكم سيئة يفرحوا بها !
ان جاك خير ضاق صده ، وان جاك شر فرح شمتان فيك 🤷🏻‍♀️
الحل
( وإن تصبروا وتتقوا لايضركم كيدهم شيئاً ، ان الله بما يعملون محيط ) تكفي احاطة الله مايضرك شيء بإذن الله

احد الصفحات اللي كتبتها .. ماعليكم من الخط .. قاعدون ارويكم احسن صفحه وساتره على الباقي😭