حاولوا وعووا الامهات الجداد و الاهالي حولكم انو التلفزيون و الشاشات من تلفون و ايباد و غيرهم قبل السنتين ممنوع منعاً باتاً لانو كثير مشاكل نفسية زي القلق و الاكتئاب و العدوانية و العزلة و اضطرابات بالشخصية و زيادة نسبة فرط النشاط و قلة التركيز و مشاكل اخرى عديدة تنتج بسبب الشاشات

و حتى الدراسات بتحكي يفضل انو ما يتعرضوا للشاشات لحد ال٥ او ال٦ سنوات بس لانو هاد الاشي صعب فعلى الاقل اول سنتين هدول خط احمر
و اذا وحدة مضطرة احط اولادها عند حماتها او امها تخوفهم بهاد الموضوع لانو في تهاون من هاي الناحية
و المشكلة الحضانات مو كلهم بيلتزموا كمان

الموضوع مو مزحة ابداً، عم بيجونا على العيادة اطفال بعمر ال٣ و ال٤ ما عم يعرفوا يحكوا رغم انو عضوياً سليمين مية بالمية و السبب الرئيسي انهم على التلفون طول اليوم
مهم الطفل يلعب و ينطنط و يركض حتى لو هاد الاشي مزعج بالنسبة للاهل بس هاد هو الطبيعي و لازم ما نثبطه عشان 'نرتاح' احنا

و بالكلام للام و للاب على حد سواء، لانو ايام نفس الزوج ما بتحمل ازعاج الاطفال بتضطر الام تسكتهم باي طريقة، حتى لو كانت مضرة الطريقة، الاطفال لازم ينعطوا مساحة اثناء اليوم طول الوقت يفرغوا فيها طاقتهم، و الاب و الام لازم يتحملوا

هاد عشان مصلحة الطفل قبل اي اشي، و هم رح بشوفوا الفرق كيف انو تربيته لما يكبر كثير رح تكون اسلس من الطفل اللي اغلب الوقت على الشاشات، يعني صح رح تتغلبوا اولها بس على المدى البعيد كثير اريح