واحد ما كتبش كتاب واحد فى حياته و مسميينه العالم الجليل و بيقدسوه و فاكرينه علامه زمانه..وهو كل خراءه جايبه من الكتب الصفرا وطارشهالهم بفلحنته فى وشهم.
بالذمة دى عقول تعمر بلد؟!!!

حقيقى مش قادر أفهم ازاى ان لسه فيه كتير - وبكل اسف منهم متعلمين ومثقفين - مش قادرين ياخدوا بالهم انه مجرد شخص عنده موهبة رص الكلام واللعب بالألفاظ بالاضافة للغة جسد عالية ومؤثرة قدر يسحر عقولهم و يخدعهم انه هو بس اللى عارف مراد الله..اللى كان بيبدأ بها كتير من كلامه..

انتم للدرجة دى مغيبين و مسحورين؟!!
لأ والأنكى النوعية اللى تقولك اه فيه حاجات فى كلامه مش بتعجبنى وله أخطاء..بس بحبه وبحترمه ولسه بسمعه..!!!!!!!
دى اسمها فى علم النفس حالة انكار..
شايف الكوارث اللى سببتها آراءه صوت و صورة..وبرضه مش قادر ومش عايز تصدق انه كارثة وحلت على بلدنا.

انتوا عارفين هو ليه طول العمر ده ماكتبش كتاب واحد؟!
لانه بكل بساطة حاينكشف ومش حاينتشر..
حاينكشف لأن القارئ حاينفرد بالكتاب مع نفسه بعيد عن أى مؤثر (لهجته ولغة الجسد) فحايفكر فى المكتوب كويس..
و مش حاينتشر لأن الكتاب مش حايدخل كل جمعة فى كل بيت شئت أم أبيت.

هتلر كانت موهبته فى خطابته .. و عن طريقها قدر يحشد بلد بحالها و حارب بيها نص العالم..
لكن فى الآخر دمر بلده و شعبه وبلاد وشعوب تانية.
للأسف الأغلبية عقولها فى ودانها.