⛔️ دي ممكن تكون أهم تغريدة تقروها في ٢٠٢٣.
ما نفسكم تعرفوا ممكن يحصل شنو لو بس لي سنة واحدة بس عملت كل العليك واديت نفسك ١٠٠٪ من كل شي! اديت جسمك افضل ما عندك، اديت تغذيتك افضل ما عندك، اديت شغلك وقرايتك افضل ما عندك.. قدر شنو ممكن حياتك تتقلب في سنة واحدة بس؟
غيروا حياتكم👇🏽
ما نفسكم تعرفوا ممكن يحصل شنو لو بس لي سنة واحدة بس عملت كل العليك واديت نفسك ١٠٠٪ من كل شي! اديت جسمك افضل ما عندك، اديت تغذيتك افضل ما عندك، اديت شغلك وقرايتك افضل ما عندك.. قدر شنو ممكن حياتك تتقلب في سنة واحدة بس؟
غيروا حياتكم👇🏽
لو مشغول او ما عندك وقت اعمل ريتويت وارجع اقراها لما تفضى.. صدقني ما حتندم!
عايز اوريكم الليلة كيف السنة دي تكون سنتكم بالجد وتصلوا لي امكانياتك الكاملة..
إتخيلوا واحد ماشي عرس في سوبا وهو ما حصل مشى سوبا قبل كدا.. لبس وركب عربيته وقرر يتحرك بدون ما بعرف بيمشو ليها بي وين على أمل انه بالصدفة يصل محل ما ماشي.
تفتكروا حيصل من بحري للعرس؟
إتخيلوا واحد ماشي عرس في سوبا وهو ما حصل مشى سوبا قبل كدا.. لبس وركب عربيته وقرر يتحرك بدون ما بعرف بيمشو ليها بي وين على أمل انه بالصدفة يصل محل ما ماشي.
تفتكروا حيصل من بحري للعرس؟
كل سنة إحنا بنحدد اهداف عايزين نحققها.
وزي امل صاحبنا انه يوصل العرس دا بدون خريطة، بننوي نحقق اهدافنا بالصدفة بنكون محظوظين لو قدرنا نحقق شي منها أو نحافظ عليهو كم شهر بس خليك من السنة كلها.
مشكلتنا في التخطيط وكتير مننا مستخسر يقعد مع روحه نص ساعة يحدد أهدافه ويخطط ليها.
وزي امل صاحبنا انه يوصل العرس دا بدون خريطة، بننوي نحقق اهدافنا بالصدفة بنكون محظوظين لو قدرنا نحقق شي منها أو نحافظ عليهو كم شهر بس خليك من السنة كلها.
مشكلتنا في التخطيط وكتير مننا مستخسر يقعد مع روحه نص ساعة يحدد أهدافه ويخطط ليها.
اتفرجت ٥٠٠ فيديو وقريت كم مقال عن التخطيط للسنة الجديدة لكن لقيتهم كلامهم كتير وعايزين دفاتر و ومساطر وكلام كتير.. فقررت ألخص ليكم الكلام دا كله في الثريد دا.
اول خطوة.. اقعدوا مع روحكم كدا الليلة ان شاء الله نص ساعة براكم كدا.. جيبوا ورقة وقلم او افتحوا الnotes واتذكروا ٢٠٢٢،
أنجزتوا شنو فخورين بيهو واكتبوا قائمة بالحاجات دي.
بعدين اكتبوا أي فشل حصل في ٢٠٢٢ ودي اهم نقطة..
أنجزتوا شنو فخورين بيهو واكتبوا قائمة بالحاجات دي.
بعدين اكتبوا أي فشل حصل في ٢٠٢٢ ودي اهم نقطة..
اقعدوا مع كل فشل وكل حاجة خططتوا ليها وما عملتوها وشوفو ليه حصل كدا وكيف ممكن تتفادو الشي دا في ٢٠٢٣.
بعد كدا اكتبوا أهداف ٢٠٢٣ براها لكن لازم تكون بي شروط.. وكل ما كانت الأهداف شوية كل ما كان افضل ممكن بعدين في اي وقت تضيفوا وتغيروا الاهداف بعد ما تححقوها..
بعد كدا اكتبوا أهداف ٢٠٢٣ براها لكن لازم تكون بي شروط.. وكل ما كانت الأهداف شوية كل ما كان افضل ممكن بعدين في اي وقت تضيفوا وتغيروا الاهداف بعد ما تححقوها..
الاهداف دي ما ساي ولازم تكون عندها شروط معينة SMART.
لازم تكون محددة ما حاجة عايمة بدل تقول عايز اضعف بس، تقولوا عايزين تنحفوا ٢٠ كيلو مثلاً.
ولازم تكون قابلة للقياس: كل اسبوع ممكن توزن نفسك وتعرف باقي ليك كم للعشرين كيلو. اذا دا هدف قابل للقياس.
لازم تكون محددة ما حاجة عايمة بدل تقول عايز اضعف بس، تقولوا عايزين تنحفوا ٢٠ كيلو مثلاً.
ولازم تكون قابلة للقياس: كل اسبوع ممكن توزن نفسك وتعرف باقي ليك كم للعشرين كيلو. اذا دا هدف قابل للقياس.
تكون واقعية يعني ما تشطح وتتحمس. بناءاً على تجاربك السابقة شوف شنو الممكن يكون فيو تحدي ليك ولكن مناسب مع حياتك وزمنك.
وآخر شرط للأهداف انها تكون مربوطة بي زمن معين.. يعني عايز اضعف ٢٠ كيلو في ٤ شهور..
عايزة اقرا ١٠ كتب في ٦ شهور.. عايز امتحن شهر ٤ وكدا.
وآخر شرط للأهداف انها تكون مربوطة بي زمن معين.. يعني عايز اضعف ٢٠ كيلو في ٤ شهور..
عايزة اقرا ١٠ كتب في ٦ شهور.. عايز امتحن شهر ٤ وكدا.
اختاروا اهداف في نواحي مختلفة، هدف صحي زي الرياضة وانك تنوم بدري او تاكل كويس، هدف ذهني انك تذاكر، تقرا كتب، تتعلم حاجة.. هدف روحاني تطور علاقتك بي ربنا.
حاولوا تختاروا ٥ اهداف بالكتير. عشان تقدروا تركزوا فيها بدون ما تحسوا انه الموضوع كتير عليكم وتتعبوا وتوقفوا كل شي !
حاولوا تختاروا ٥ اهداف بالكتير. عشان تقدروا تركزوا فيها بدون ما تحسوا انه الموضوع كتير عليكم وتتعبوا وتوقفوا كل شي !
بعد كدا حنجي لي مرحلة التخطيط.. وكيف حنقيس مدى التزامنا بالخطة..
يعني لو هدفنا في ٢٠٢٣ انه ننحف معناها حنطلع منه هدف يومي زي اننا نمشي الجيم وهدف يومي ناكل سعرات معينة.
هدف اني اقرا ١٠ كتب حيديني هدف يومي اني مثلا اقرا ١٠ دقايق كل يوم والخ..
يعني لو هدفنا في ٢٠٢٣ انه ننحف معناها حنطلع منه هدف يومي زي اننا نمشي الجيم وهدف يومي ناكل سعرات معينة.
هدف اني اقرا ١٠ كتب حيديني هدف يومي اني مثلا اقرا ١٠ دقايق كل يوم والخ..
هنا ركزوا انه الاهداف اليومية تكون في البداية بسييييطة جداً وشبه تافهة من حيث التأثير لأننا في اول شهرين بس عايزين نتعود على الحاجة ونحقق الاستمرارية وبعدين ممكن نزيد..
لو عايز تبدأ عادة الجري في ٢٠٢٣، خلي هدفك اول شهرين تجري مرتين في الاسبوع والمرة ١٥ دقيقة بس!!
كونها ١٥ دقيقة فقط حيشجعك تعملها ومع الوقت حتحبها وحتزيد المدة براك.
لو عايزة تقرا كتب خلي هدفك تقرا ١٠ دقايق بس في اليوم لحدي ما تتعود وتحب القراءة.
كونها ١٥ دقيقة فقط حيشجعك تعملها ومع الوقت حتحبها وحتزيد المدة براك.
لو عايزة تقرا كتب خلي هدفك تقرا ١٠ دقايق بس في اليوم لحدي ما تتعود وتحب القراءة.
الاستمرارية في الشهور الاولى هي هدفنا وقليل مستمر خير من كثير منقطع. حرفياً!
الحاجة دي خلتني استمر على تعلم الاسبانية لسنتين وشوية لانه بس بعمل ٥ دقايق في اليوم. لو فرضت على نفسي اكتر كان انشغلت زمان ووقفت. لكن مهما كنت مشغول خلال السنتين كان عندي ٥ دقايق في اليوم للأسباني.
الحاجة دي خلتني استمر على تعلم الاسبانية لسنتين وشوية لانه بس بعمل ٥ دقايق في اليوم. لو فرضت على نفسي اكتر كان انشغلت زمان ووقفت. لكن مهما كنت مشغول خلال السنتين كان عندي ٥ دقايق في اليوم للأسباني.
بعد ما نقسم الهدف الكبير لي عادات يومية بسييطة بتوصلنا ليه.
والعادات تكون بتنطبق عليها الشروط القلناها قبيل، حنجي للقياس في حاجة إسمها habit tracker ودي ممكن تكون ورقة او تطبيقات بتكتب فيها الحاجة العايز تعملها وتحدد اذا يومياً او ايام معينة وتجي كل يوم بالليل تعمل صح قدامها بس.
والعادات تكون بتنطبق عليها الشروط القلناها قبيل، حنجي للقياس في حاجة إسمها habit tracker ودي ممكن تكون ورقة او تطبيقات بتكتب فيها الحاجة العايز تعملها وتحدد اذا يومياً او ايام معينة وتجي كل يوم بالليل تعمل صح قدامها بس.
عن تجربة، لقيت موضوع الورقة على الرغم من سهولته، صعب الالتزام بيهو بس التطبيقات بتذكرك براها في اوقات معينة انك تجي تعمل check للعادات. شخصياً بستخدم تطبيق habitica ومع الوقت خلاص بكون ما محتاج اقيس والموضوع بكون اتوماتيكي.
وأخيرا وليس آخرا لازم نعمل check points كل شهرين نشوف مدى التزامنا و نشوف النفع شنو والما نفع شنو والواقعية بتاعت الاهداف والنتايج الوصلنا ليها. وهنا بنقدر نعدل في العادات والكميات بطريقة بسيطة لحدي ال check point الجاية لانه الموضوع ما ثابت ومحتاج تعديل ممكن ما يزبط من اول مرة.
عارف الموضوع قد يكون تقيل عليكم لكن التخطيط مهم شديد وكلنا جربنا الطريقة بتاعت النية ساي وما نجحت معانا.
السنة دي جربو كلامي دا من باب التجربة بس وخلو التغيير يبدا منكم انتو.. ٢٠٢٣ و ٢٠٢٢ هم نفس عدد الأيام مافي جديد لكن التغيير حيكون فيكم انتوا.
السنة دي جربو كلامي دا من باب التجربة بس وخلو التغيير يبدا منكم انتو.. ٢٠٢٣ و ٢٠٢٢ هم نفس عدد الأيام مافي جديد لكن التغيير حيكون فيكم انتوا.
اقيفوا مع نفسكم شوية وصدقوني انتوا بتستاهلوا تقعدوا مع نفسكم نص ساعة تخططوا فيها ودي مفترض تكون اولوية وما رفاهية.. عشان تحققوا اي هدف في حياتكم..
وعشان السنة دي بس السنة دي! نشوف حنقدر نوصل وين لو ادينا كل شي نعمله ١٠٠٪
وعشان السنة دي بس السنة دي! نشوف حنقدر نوصل وين لو ادينا كل شي نعمله ١٠٠٪
ريتويت ومنشن اصحابك وروا بعض اهدافكم وكل فترة اسألوا من بعض واتأكدوا انه ماشين فيها.. اعملوا كوت تويت بي أهدافكم واكتبوا تاريخ عايزين الناس تسألكم فيهو وصلتوا وين.. الدراسات بتقول انه الناس البتكون اهدافها علنية فرصة انه يحققوها اعلى عشان بيكون في ترقب من الغير.
جاري تحميل الاقتراحات...