تدرون فيه ناس الله يصطفيهم ويرزقهم نور البصيره يعني يصيرون فاهمين حقيقه الامور يعرفون ان هذا حق وهذا باطل ومتوقعين ايش بيصير
بعطيكم امثله وبقولكم كيف نصير منهم

مثلا هذا الشخص فعل معصيه وصارت له مشكله يعرف ان المشكله الي صارت له من شؤم معصيته
الانسان العادي مايفكر كذا ولا يحس كذا هم فيهم وعي غريب غير عن الكل سبحان الله
ومثلا شاف حدث غريب يحس اذا هذا الي صار يرضي الله او لا ؟ حتى لو ماكان يعرف الحكم ربي يخليه يحس

كيف نصير منهم ؟
بالقرب من الله وبتدبر ايات الله والتفكر والتأمل والعلم النافع والدعاء
الله ماينعم هذي النعمه لاي احد
وفيه ناس تكون فيهم بس الله يشيلها منهم بسبب تهاونهم وتساهلهم بالذنوب والمعاصي

ترا فيه تفاصيل كثير رهيبه عن البصيره وعن كيف تكون وكيف تصير اكثر من الي انا قلتها لكم الحين
اذا ودكم تعرفونها اكثر شوفو
محاضره محمد المنجد عن البصيره الي قبل ١٠ سنوات
وبتعرفون كمان الرسول ايش كان يدعي عشان يقدر يميز الامور كلها وتنكشف له الحقائق