لو بقالك كتير شغال على حاجة ومفيش نتيجة، كمل قراية 👇
ممكن تكون بتحب تشتغل على حاجة قوي، ممكن تكون كويس فيها جدا... بس للأسف مابتحققلكش أي نتيجة حقيقية، على الأقل في الوقت الحالي.
عشان مش مطلوبة!
الشغف كدبةكبيرة مبتأكلش عيش،أو خلينا نقول بيأكل اللي بيتاجروا بيه.
تابع 👇
(1)

مابقولكش تجاهل اللي بتحب تعمله تمامًا،لكن خليه في خانة الهواية في الوقت الحالي، وركز على مهارة أو مجال،يكون مطلوب ويحققلك دخل بعد 6 شهور لسنة من بدايتك فيه.
إبني أساس مادي يدعمك ويدعم هوايتك،وفي المستقبل هتلاقي نفسك بتطلع بأفكار عظيمة تخص اللي بتحبه،لأن نفسيتك أحسن.
تابع 👇
(2)

بقت أحسن عشان الدخل، وعشان حققت نجاح في مكان تاني وده هيشجعك، ده غير أن بقى عندك خبرة حقيقية في السوق وهتلاقي دماغك بتشتغل بشكل أفضل.
إبني بشكل أفقي واعمل أساس قوي وبعدين انتقل للعمودي، عشان العمودي من غير أساس هيقع.
تابع 👇
(3)

وده مش استسلام، لكن ذكاء في التعامل مع حياتك، أنت لسه بتنحت في نفس الجبل، لكن في منطقة صخورها أنعم شوية وهتاخد وقت أطول. بس لما توصل الناحية التانية هتكون اتعلمت كتير وفهمت أكتر وتقدر تتحكم في وقتك ودخلك بشكل أكبر.
ماتجيبش ورا، حط الحلم على الرف شوية واشتغل على الواقع.
(4) 👇

وده مش معناه أنك تجري ورا أحلام الربح السريع غير المنطقي،لكن تختار مجالات"حقيقية"فيها شغل حقيقي ومستقبل حقيقي،لا تسويق شبكي ولا هرمي ولا بتاع.
مهنة وحرفة ومهارة...مش جروب تليجرام ولا موقع استقصاءات رأي روجله انفلوانسر Sellout، يديك سنت على استقصاء ياخد ١٠ ساعات.
(5)
يومك فل.