الكدب انواع اخطرهم الكدب المتعمد واسهلهم الكدب التخيلي والكذب التخيلي بيكون ليه اسباب كتير لكن خليني اقول الأسباب العامه اولها تواصل الطفل مع الاهل ضعيف ٢-الطفل بيتفرج ع الفون كتير أو الشاشات بشكل عام ٣_يوم الطفل مفيهوش مهمات أو يومه فارغ محتواه ضعيف

٤الطفل دا معندوش ثقه ف نفسه وضعيف الشخصيه قدام صحابه ف بيتخيل مواقف كان بيتمني أنها تحصله أو يتخيل ردود أفعال ليه هو مقدرش ينفذها ف الواقع
٥ -تفاعل وتواصل الطفل مع صحابه مش صح
٦_اصابه الطفل باضطراب الخوف والقلق
٧-تعرض الطفل للعنف او أن الطفل مبيعرفش يعبر كويس ف المواقف الحياتيه

يعني ممكن يكون بيعبر قدام بابا وماما لكن برا بعيد عنهم لا
في أسباب تانيه كتير بنعرفها من دراسه الحاله وملاحظه الطفل
لكن حل من حلول الكذب التخيلي
هو عدم مواجهة الطفل بشكل مباشر ف البدايه لكن مناقشه الطفل ف قصته الي بيحكيها ومناقشته ف الكدب ومواجهته بشكل سلس ف حديثه

نناقشه ونعرفه بهدوء أن دا محصلش لكن غير لائق تماما أننا اقول انت كذاب غلط جدا المواجهه ف النوع دا من الكدب وكل مره نناقشه ونعرفه أنه محصلش من خلال المناقشه ودا حل شائع بتختلف نتيجته من طفل لطفل لكن ف النهايه لازم الطفل يتعمله تعديل سلوك