كل فترة لازم تقعد مع نفسك تهذبها وتربيها..
ايه الألفاظ الي مكنتش بقولها وبدأت اقولها ؟!
مين من الناس أسأت الظن فيه وطلع أحسن مني ؟!
ايه العبادة اللي كنت مواظب عليها وحاليا مبعملهاش ؟!
ايه الذنب اللي كنت نافر جداً منه وحالياً بقع فيه أحياناً ؟!

ايه الأثر اللي لو توفيت حالا هيفضل موجود وباق مني في قلوب الناس ؟!
هتلاقي كمية تنازل ووقوع رهيب من اليوم للتاني .. للأسف احنا في زمن فتنة ، فتنة عجيبة فجأة اللي مكنتش بتعمله هتلاقي نفسك بتعمله وتجاهر بيه
لو موقفتش وقفة صارمة .. وكنت حازم جدا مع نفسك فللأسف هتبدأ تنحدر في السقوط

كل مدى بزيادة جداً ولدرجة مش هتعرف تسيطر على نفسك بعدها
متحاولش تلاقي مبرر لنفسك .. مفيش أصل الناس كلها بتعمل .. أنت هتتحاسب على أعمالك أنت..
مفيش أصلي لو معملتش هيقولوا عليا ؛ الخوف من اللّٰه وفقط .. وقفة تفوق بعدها..
نفسك اللوامة لو مغلبتش نفسك الأمارة بالسوء .. فأنت في خطر

خطر شديد جداً ومحتاج وقفة وإعادة تأهيل