آه صح بمناسبة ورجل قلبه معلق بالمساجد ...المسجد اللي جنب الدكان عندي فيه واحد يعني متوكل شويتين كدا، لكنه لا يفوت فرض في المسجد دا ولازم يحضر كل الاوقات ويصلي ويمشي، يرجع بيته هوا ميعرفش غير طريق المسجد لانه قريب من بيته، المهم النهارده في صلاة الظهر 👇

كان النور قاطع في المنطقه فطبعا عمنا رمضان مسمعش الاذان ومجاش، بعد ما الناس صلت بنص ساعه تقريبا وخلصوا وقفلوا المسجد ومشيوا هوا جه لقي الجامع مقفول، ف افتكر أن لسه بدري فجه علي عتبة المسجد وقعد! وفضل قاعد كدا فتره طويله ممكن نص ساعه تقريبا، لحد ما واحد من الناس اللي بتصلي معانا👇

وتعرفه فتحله المسجد ودخل معاه، فرمضان بيقوله فين الناس علشان الضهر ؟ راح عم مصطفي علشان رمضان ميزعلش، قاله احنا هنقيم الصلاه ونصلي مع بعض ودلوقتي الناس هتيجي ..وبالفعل لولا أن عم مصطفي أقام الصلاه من غير المايك، وصلي بيه الضهر تاني هوا وكام واحد علشان رمضان ميزعلش! 👇

بص ؟ لك أن تتخيل أن انت بقي انت يا عاقل ياللي ربنا انعم عليك بنعمة العقل والصحه، بتعمل زي المجنون اللي في بعض الأحيان بيكون غير واعي دا ؟ محافظ علي صلاتك زيه ؟ قلبك معلق بالمساجد زيه ؟ ولا بتكسل في الصلاه وتقول ابقي اصليهم مع بعض ؟ ولا لما اروح ابقي اصلي ؟ 👇

شوف هذا شخص لا يعي يعني خلينا نقول إنه غير مكلف اصلا، يعني ليه حجه عن ربنا ..طيب انت حجتك اي بقي ؟ هتقوله اي وانت التقصير يملأ حياتك مش بس من ناحية الصلاه، لا وكمان في كل نواحي العباده مش بس في الصلاه ..الله المستعان علينا بجد 🤦💔