مساء الخير عليكم تعالوا النهارده اعرفكم على (منصور) الشاب اللي طلع تلاته تربنتين الشرطه المصريه ايه حكايته و ايه حكايه الجزيره ماتيجي نشوف بتجروا ليه استنوا هنا نخلص الفيلم و نطلع عالبوكس نقضي الويك ايند 😂🚔هيا بينا نرجع الأول بالزمن لسنه ١٩٧٧ نقرب من مجموعه رجاله بيشربوا شاي
و غالبا بيحششوا 😂 و كلامهم أغرب من الخيال و نعرف اسم واحد منهم (على) بيسيبهم عشان مراته اللي بتولد و يتفقوا معاه أن نصيبه من البضاعه محفوظ بس البوليس يقبض عليهم و يتولد (منصور) نرجع بقى القاهره ٢٠٠٧ نشوف صوره قريبه للصفحه الأولى و الكاميرا تقرب من خبر مجهولين يوقفوا قطر الصعيد
بعد كده الكاميرا تاخدنا لاجتماع مع وزير الداخليه عشان نفهم اكتر ايه الحكايه لوا يتكلم و يعرفنا انها مشكله بين عيلتين و يتكلم لوا تاني و يقول ننزل و نلمهم و يبقوا عبره بس الوزير يرفض و يقول لا فيقترح لوا تاني ظابط يراقب الأمور من بعيد و يسيطر لو حصل حاجه تاخدنا الكاميرا لرعايه
مستشفى و نشوف (طارق) مع ابوه سياده اللوا بيتكلموا و فعلا بيروح يقابل مساعد الوزير عشان يعرفه طبيعه شغله ايه هناك خايفين يشوفوا (عزت حنفي) تاني 😂 و ينفذ و من طريقته نفهم انه كاره فكره انه يبقى تحت ظل حد حتى لو ابوه و نسمع حوار بينه و بين جوز اخته (رشدي) عن (منصور) واضح انه ليه
سطوه جامده و بيتعمل ليه الف حساب ينزل (طارق) مع (عواد) عشان يتعرف عالجزيره جزيره مهمله الفقر باين في طبيعه بيوتها يستغرب (طارق) من سبب تسميتها بالجزيره لأنها مش وسط الميه يرد (عواد) يقوله هي جزيره باهلها و يعرفنا (عواد) طبيعه أهل الجزيره و كبراتها عشان نبقى معاهم عالخط ٣ عائلات
عيله (منصور) و عيله (الرحايمه) و العيله التالته (النجايحه) و باقي أهل الجزيره غلابه تقريبا شغالين في أرض (منصور) كده نبقى عرفنا أهل الجزيره نشوف طارق و هو ماشي مع (عواد) يجري و يمد ايده على رصاصه و هو مصدوم و يستغرب (عواد) من صدمته و يضحك و يفهمه أن العيال دي بتعرف تتعامل مع
السلاح عادي و يقابل (طارق) ناس كتير من الجزيره ستات و رجاله و شباب اعمار مختلفه و كل واحد برأي يخليك تحتار اكتر مين (منصور) و يشوقك أكتر تقرب و تعرف (منصور) بنفسك و تضحك من ردود الناس لما يسألهم عن المخدرات و تستغرب من الفقر المرسوم بدقه على وشوشهم نقرب لدار النجايحه و سر من
أسرار الجزيره و نتعرف على (كريمه) يرجع طارق لمكتبه و يقابل (منصور) هنلاحظ انهم تقريبا سن واحد بس (منصور) هادي غامض زي الجزيره بالضبط و نشوف (طارق) مندفع متهور غريب و اعمي و رفض (منصور) انه يتكلم مع (طارق) لأنه عارف ان (طارق) مش هيفهم اختلافهم و قاله ما معناه انا مش محتاج
استخبي مكاني معروف بالعكس انا لو عاوز اجيبك مش هتعرف تستخبي مني و يخرج من المكتب و يركب عربيته و تاخدنا الكاميرا تاني عشر سنين لورا عشان تحكي سر من أسرار الجزيره و نعرف ان (منصور) كان مجند في الصاعقه نشوف كمين شرطه يوقفهم و نسمع انهم بيدوروا عالارهابين نشوف أهل الجزيره متجمعين
أدام قصر ابو (منصور) واقفين فرحانين برجوع (منصور) من الجيش و نشوف ابوه كبيرهم اللي بيحكم و يأمر و أمره مطاع بعيد عن الحكومه و الجزيره تكشفلنا حب (منصور) ل(كريمه) و واضح خلاص ان وقت حكم (على) بيخلص ولازم يجيب مكانه (منصور) و لما قال إن (منصور) هو اللي هيقابل (حمدان) و يتجنن كبرات
الجزيره و تحتار (كريمه) من غضب اخواتها و (منصور) نفسه يستغرب من اختيار ابوه ليه و غضب (حسن) اللي يبان و هو بيحطب مع (منصور) بغل يعميه و يخلي (منصور) يكسبه و نشوف (حسن) بيعتب على (على) بسبب اختياره ل(منصور) و يفهمه ان (منصور) متعلم و يوصيه يكون سنده و نشوف (على) بينصح (منصور) ما
هو خلاص بيسلمه التركه مش فلوس و بس لا حكمه و خبره السنين كمان و قالها على حكمه الأقوى هو اللي بيقول هو اللي بيحكم واخدين بالكم 😂😉و نشوف اول عمليه يطلعها (منصور) و يحصل فيها خيانه و ينجح (منصور) انه يرجع البضاعه و نعرف أن السبب عيله النجايحه و يتقابلوا كلهم في بيت (على) اللي
يأكد على وجود خاين و لما عيله النجايحه ترفض تعاهد (منصور) عالطاعه يتأكدوا أن الخيانه منهم و يطلب (منصور)(فايقه) بنت كبير الرحايمه بعد حيرته ما بين ميراثه و حبه ل(كريمه) اللي تقف مصدومه مش مصدقه اللي بتسمعه من (منصور) و (فايقه) اللي هتطير من السعاده و يحاول (منصور) يبرر ل(كريمه)
اللي بترفض كلامه و تسيبه و تمشي و يتجوز (منصور) (فايقه) و تفهمه انها عارفه ان جوازهم جواز مصلحه و تعيش (كريمه) زي الأموات وسط أهلها و يكبر (منصور) أكتر و اكتر و يتطمن (علي) علي ابنه مع (فايقه) اللي فعلا كانت نعم الزوجه ل(منصور) و يخلف (منصور) (علي) و ينتهي دور (على) الكبير بموته
و تحاول (فايقه) تصالح (كريمه) في العزا و اهي برضه تطمن أن (كريمه) مش هتاخدوا منها مش ساهلين الحريم برضه 😂😂 و نشوف النجايحه يخونوا لتاني مره و يستغلوا العزا و يفتحوا النار على (منصور) و أهله و تهرب (فايقه) ابنها مع (كريمه) قبل ما تتقتل هي و ام (منصور) و يلم البوليس عيله (منصور)
و النجايحه ونشوف (رشدي) يحاول يهدي (منصور) و يقوله خروجه هو و رجالته أدام انهم ينسوا موضوع التار و يرفض (منصور) و يخرج هو و (محمود) اخو (كريمه) من النيابه لعدم كفايه الادله و (حسن) يتحبس في قضيه سلاح و يروح ل(كريمه) عشان ياخد ابنه و يعرفها انه هياخد تاره من أخواتها و تطلب منه
يوقف بحر الدم اللي هيسيل بس خلاص اتاخرتي يا (كريمه) و يروح لاخوه (فضل) يوصيه على (على) لحد ما يجهز و ياخد بتارهم و نشوفه بيحوم حوالين بيت النجايحه عشان يعرف خبايرهم و يطلع للمطاريد و يتفق معاهم أنهم يعيشوا عالجزيره و ليهم الأمان بس ينقصهم السلاح و دي تبقي محطه (منصور) التانيه
السودان عشان يقدر يجيب السلاح و الكاميرا تاخدنا وراها في رحله (منصور) للسودان في الوقت اللي (كريمه) كانت بتاخد بالها من (علي) الكاميرا تقرب من وشه ساكت بس جواه نار و يوصل للريص (ميرغني) و يجيب السلاح و يرجع للمطاريد عشان يرجع الجزيره تاني و ياخد تاره بس الاول يجيب جماعه ارهابين
ل(رشدي) بس الغريبه بقى ان واحد منهم يبقى ملوش دعوه بالحوار ده بس (رشدي) يقوله سييه ليه عوزه صداع من العداله 😂 و (منصور) يقوله نطلع الجبل نسبكها ياخد (رشدي) حفنه تراب و يرميها عليهم و يقوله خلاص هما كده تمام صداع تاني من الشفافيه 😂 و طبعا الصفقه تتم لما الحكومه تدي كتف للمجزره
اللي هتحصل و يتفق معاه أن المطاريد ينزلوا يعيشوا عالجزيره و يجيبوا الإرهابيين لحد عند (رشدي) بيه صداع تالت من الوطنيه 😂كده نقرأ الفاتحه عالنجايحه😂و يقابل (منصور) (كريمه) اللي بتحاول تكون صوت عقله بس خلاص تو ليت يا (كريمه) السفينه ليفت ذا مينا 😂😂و يرجع للجبل تاني عشان يجهز
الرجاله و هو بيوعدهم بجنه الجزيره و هنا اسمحولي اقول حاجه (منصور) تلميذ شاطر فهم الدرس بتاع ابوه و نفذه بمعلمه لو مكانش قوي و جرئ مكانش فرض قانونه حتى عالحكومه نرجع للفيلم و تولع الجزيره (منصور) بيحارب 😂و يرجع (منصور) الجزيره بعد ما يقتل (محمود) عشان كده بيختلف أهل الجزيره
عليه لو منتفع هيبقى سيده اما لو كان سبب في قطع لقمه عيشه يبقى مجرم ونشوف التغيير حتى في لبس (منصور) الجلابيه العمه العبايه فهم انه لازم يكون من اهل الجزيره عشان يقدر يكون كبيرها المهم نشوف بقى الجانب الداهيه من (منصور) و هو بيظبط (رشدي) ما خلاص مفيش حد هيتسلم تاني يبقى نظبط
مخدرات كل فتره عشان يبان أن كله طبيعي و بقى كل فتره راجل يتسلم بس أهله في عين (منصور) كده عرفنا سر (منصور) و الجزيره نرجع بقى ل(طارق) اللي بدأ يراقب (منصور) بس ما يعرفش برضه يمسك عليه حاجه و نشوف اهتمام (منصور) باهل الجزيره و تاخدنا الكاميرا تاني للمستشفى و نعرف من سياق كلام
(منصور) مع (طارق) أن (منصور) يعرف سياده اللوا ما يهتمش (طارق) لتلميح (منصور) و يدخل يتطمن علي ابوه و الكاميرا تسحلنا معاها تاني و نشوف(طارق) و مجموعة ظباط بيتناقشوا هيعملوا ايه و يستقروا على زراعه اجهزه تصنت بس (منصور) يعرف و يركب جهز تشويش عليهم و نروح لمكتب (رشدي) و نشوفه متعصب
من أسلوب (طارق) وفي مكالمه تليفونيه يطلب من مساعد الوزير أن (طارق) يلتزم بالقوانين و يقفل مع اللوا و نشوف (رشدي) بيعاتبه عالخطوه دي اللي ممكن بسببها يتهدر دمه بس طبعا تهور (طارق) عاميه عن الحقيقه و لما (رشدي) يحس ان الشده مش هاتلين دماغه يدخل بنغمه انت اخويا
يتبع
يتبع
جاري تحميل الاقتراحات...