ثريد عن المعتقدات والافكار في الخريطة السنوية او الميلادية .. 🍃
بعض الاحيان نحس ان تفكيرنا مختلف عن الي حولنا او ان حنا متمسكين بافكار حتى لو المجتمع او الاشخاص الاخرين يعتبرونها خطاء نصرر عليها ونتمسك فيها طيب ليه ؟ هنا راح اتكلم عن سبب الافكار ونوع الافكار الي تجيك ، برضو من ناحية خريطة السنوية تجي لنا سنة فجاه نحس ان معتقداتنا تغيرت ..
تغيرت سواء للافضل او للاسوء فجاه زي الي تحس انك صحيت لافكار جديدة لمعتقدات جديدة لتفكير مختلف جذري تطور فكري تطور عقلي تصير متعطش للمعلومات فضولي جدا ، .. راح اتكلم اليوم عن تفكير والافكار الي تجينا سواء سلبيه او ايجابية ، برضو راح اتكلم عنها سواء بالخريطة الميلادية او السنوية ..
.. راح انزل الموضوع كامل باذن الله في الليل اذا شفت تفاعل قوي راح انزل موضوع كامل اما اذا ما شفت تفاعل قوي راح اجزئه والناقص راح اكمله للايام جايه وروني حماسكم 💪🏻❤️ …
اعتذر على تاخر بالثريد حصل لي كم ظرف … ، عالعموم نبدا الثريد زي ما وعدتكم نبدا اولاً بالخريطة الميلادية بعدها ندخل بالخريطة السنوية يلا نبدا ؟ بسم الله ..
.. اولاً للتفكير والمعتقدات نشوف ٣ اشياء مهمة في الخريطة عطارد و البيت التاسع و البيت الثالث طيب بتقولون لي لو يا هاجس بيت التاسع و الثالث فاضي طيب وش نسوي هنا ؟ نشوف حواكم حاكم بيت وينه فيه ، يعني تدرون ان حاكم الخامس لو كان بالثالث تفكير الشخص للحب وزواج غير طيب شلون ؟ ..
.. هنا راح يشوف الحب شي والزواج شي اخر ، يدخل بالعلاقة حب ويحب وكل شي بس مو شرط يشوف الشخص هذا شريك حياته او حتى ان بيتزوجه لكن يشوفه فقط بالعلاقة طبعا على حسب الاتصالات والموجود في البيت الثالث راح يحكم لنا ، طيب وجود زحل عندنا بالثالث او بالتاسع وش بيسبب لنا ؟ هنا تمسك بافكار..
تمسك بافكار اما خاصة بالشخص نفسه او افكار مجتمع وتقيد فيها برضو هنا شخص حازم بافكار مهما صار ما راح يغير افكاره برضو صعوبة بالفهم او مشاكل بالاستيعاب وتركيز ، عطارد اقتران زحل هنا شخص يخلي افكاره لنفسه مستحيل يقولك هو وش يفكر فيه فوق انه قليل كلام يستكثر عليك انه يقول افكاره ..
.. طيب ليه ؟ لان هنا شخص يحس التغير افكاره له وبس وان محد راح يستوعب التغير الي يمر فيه فا ليه يشارك فيه ؟ رغم تلقاه صعب يغير فكرة الا بادلة وبراهين هنا يقتنع ويغير افكاره وترا بطيء بتغير معتقداته ، طيب نجي لتشتت وانتقال من فكرة لفكرة وانسان متفتح للافكار جديدة ومهتم بالتغير ..
هنا بنشوف نبتون واورانوس وجودهم بالبيت الثالث او التاسع او اقترانهم مع عطارد هنا نبتون راح يسبب تشتت ودوامه وراح يكون متردد بافكاره دايم مو عارف بـ اي اتجاهه يروح لين تجيه زي صحوه توريه طريقة كيف صحوه ؟ يعني بالمختصر صار له موقف عطاه كف عشان يصحى ويفكر زين 😂 ، لان هنا للاسف شخص
شخص هنا للاسف يكون معمي عن الصح فا لازم يصير له موقف او درس عشان يصحى ويروح لطريق الصح ، طيب اورانوس ؟ اورانوس اقتران عطارد للمعلومية ترا من دلالات الذكاء حاد لكن عاطفياً هم فاشلين بالذكاء عاطفي الا اذا فيه دلالات بالخريطة الشخص تدل على عكس ، على عالعموم اورانوس هنا ..
.. اورانوس يحب تجديد الدخول لافكار جديدة صح تشتت بس هو يحب كذا تنويع ودخول ثقافات مختلفة عادي ان مثلا يحاول يعرف معلومات جديدة بس كالهواية او يتعلم لغات جديدة تلقون ان قليل يعرفونها لكن هو يحب كل شي مميز وكل شي جديد ما يحب يثبت على معتقد واحد او على فكرة وحده وهو من الناس ..
.. من الناس الي تحب تجديد الافكار تحب تنوع تحب تاخذ فكر جديد سواء من نفسها او بشكل عام تحب الافكار الي تساعدها على تقدم وان تزيد من ذكائها صحيح هنا بيكون عندهم مشكلة تسارع الافكار وتشتت وانتقال من فكرة لفكرة حتى بالكلام ممكن ينتقلون من موضوع لموضوع اخر ، لكن هذا يفيدهم هم
.. وجود قمر بالبيت التاسع او الثالث او عطارد اقتران قمر ، هنا بيئة ومشاعر وعاطفة تاثر على تفكير شخص يعني تفكير شخص هنا عاطفي خصوصاً لو كان الثالث والتاسع حواكمه ابراج مائية ، راح يكون عاطفي بالتفكير وعنده ذكاء عاطفي ، والمواقف عاطفية او الانسانية او صدمات عاطفية هي تغير من طريقة
من طريقة تفكيره طيب لو قمر في البيت الثالث او التاسع بس بابراج هوائية هنا بيكون مشتت بين منطق وبين عاطفة بين بـ اي اتجاهه يتخذه سواء عاطفي او عقلاني ومرات يختلط عليه يعني نقول جاء عرض وظيفي كويس وبيحسن من وضعه هنا مفروض يتخذ القرار بعقلانيه صح ؟ ممكن يلخبط ويقول انا مو مرتاح
انا مو مرتاح او انا اصلن مابي ان نفسيتي ما تساعد رغم ان قرار صح وعقلاني هو قبولها لان مافي سبب لرفض فهمتو علي ؟ ممكن يتخذ مواقف تحتاج قرار عقلاني اكثر من عاطفي فا يصير الشخص يعكس بين قرارته ، فا هنا لازم شخص يفرق متى يتخذ قرار عاطفي ومتى يتخذ قرار عقلاني ويفصل عواطفه عن عقلانيته
خصوصا ان شخص هنا بيكون مزاجي بقرارته سواء عاطفيا او عقلانية فا لازم يفصل بينهم ويفرق بينهم ، طيب الزهرة سواء بالتاسع او الثالث او اقتران عطارد ؟ هنا ناس تحب الاشياء الحلوه تميلل للفن والموسيقى او الملابس وتصميم اشياء تزيدهم جمال وثقه بنفس برضو ممكن الاكل تلقون يعني اغلب تفكيرهم
عاطفي وردي بالزيادة برضو يحبون التجديد والتغيرر والكلام حلو والمعسول ما يحبون نقاشات حادة والناس الجدية بالزيادة ينفرون منهم ، يحبون الناس اللبقة بالكلام وراقيه بالكلام تجذبهم وهنا اغلب تفكيرهم عاطفي برضو عن جماليات وكماليات برضو تعرف على ناس اجانب زي كذا الاشياء الي تعطيهم متعه
طيب لو كان الشمس في البيت الثالث و التاسع و شمس اقتران عطارد ، هنا شخص تفكيره متحور عنه نفسه مو نرجسيه لا لا ، كيف ينجح وش الافكار الي تفيده يعني يدور على المعلومات الي فعلا تفيده وراح يكون فضولي يعني مثلاً لو هوائي معلومات عامه بس تطلع له افكار جديدة لو مائي معلومات نفسيه تفيده
تفيد نفسيا ، طيب لو كان ترابي معلومات بزننس وعمليه معلومات يستفيد منها لتطوير نفسه وذاته ، طيب لو ناري ؟ هنا معلومات عشوائية ومعلومات تمتعه 😂 زي مثلا دورات بيانو وعزف موسيقى ، حفلات عروض ترفيهه الفن بشكل عام زي كذا اشياء يحبها وتحمسه تعطيه حياه وروح وانتعاش وتسعده
مريخ بالثالث او التاسع او اقتران عطارد ؟ هنا الشخص شرار ونار 😂 ، ليه ؟ لانه متعصب بافكاره ياخذ نقاش تحدي ولازم يفوز وان نظريته صحيحه بيكون متعصب بافكاره ويدافع عنها لكن هل هي ثابتة ؟ لا راح تتغير بمجرد ما يمر بالضغوطات نفسيه راح يغير افكاره لما ينفجر كثير ويوصل مرحلة متعبه له
هنا راح يستوعب ان افكاره ومعتقداته غلط وان قاعده تدمره فا هو يرجع خطوة وراء يحسن وضعه وافكاره وترا هو يفهمها وهي طايره بس يحب عناد ،برضو سريع التغير وسريع بالكلام وسريع بالافكار اما اذا كان منتحس مريخ ممكن يحمل افكار تضره هو شخصياً وما تفيده بالعكس تدمره فا انصح اصحاب هذا الاتصال
انصح بالتفريغ نشاطهم زايد سواء بالكتابة او رياضة او غيره لانه تصير عندهم طاقة زايده وما يعرفون كيف يتخلصون منها ، نجي للمشتري اذا كان بالثالث او التاسع او اقتران عطارد ؟ هنا الشخص متعطش للمعلومات ثقافته واسعه لا تحصى ولا تعدد تلقاه ماشالله بكل مجال وكل شي عنده خبره حتى لو معلومه
حتى لو معلومه بسيطه يحبون يفيدونك بالمعلومات ما يبخلون عليك يحبون فلسفه 😂 ، برضو هذي الناس ايجابية ومشرقة وعندهم قوه اقناع رهيبة سهل عندهم الاقناع مهما كنت عندي وطاقتهم مريحة سواء بالكلام او الافكار ومتجددين ويحاولون يحسنون كل شي ، بس مشكلتهم من كثر الايجابية يتدمرون لما يصير
لما يصير شي عكس توقعاتهم يتحطمون بسرعه ، طيب لو كان مشتري منتحس هنا افكاره راح تكون للاسف متشائمة ينظر للسلبي اكثر من الايجابي برضو خصوصا لو كان ترابي راح يهمه كلام الناس ومعتقدات مجتمع و اراء المجتمع وافكار المجتمع اكثر من رايهه وافكاره بتكون افكاره مو هو الي بناءها متبنيها
طيب لو كان بلوتو في الثالث او التاسع او اقتران عطارد ؟ هذا الشخص بتعمق بمعلوماته مو سطحية تلقاه خبرة بالمجال او مجالات متعددة لكن بالعمق يعطيك معلوماته بالتفاصيل وهنا ينجذبون للمعلومات الغريبة والغامضة والالغاز برضو من الناس الي تحب تحتفظ بافكاره الخاصة وعدم الافصاح عنها
هنا يغير تفكير الشخص تحولات النفسية او ظروف قاسية او تحولات نفسية قوية مثلاً مرور باكتئاب او فقد سواء عاطفي انفصال وغيره ، ظروف قاسيه خسارات اموال او فشل او تحمل مسؤوليات كثيرة هنا الشخص يتغير من تحولات الي يمر فيها ، نجي لاخر نقطة وهي وجود عطارد بالتاسع والثالث بدون كواكب مؤثرة
هنا الشخص راح يكون ذكي وسريع بديهة متقبل للتجديد وفضولي درجة اولى لكن مو للناس لا ، فضولي للمعلومات والثقافة يطمح لذكاء دائم يحب يكون ذكي وان عنده مخزون معلومات كثيرة وان هو الي يعلم مو يتعلم من احد رغم انه يتقبل انه يتعلم من غيره بس يحب يعطي معلومات اكثر من انه ياخذها من احد
هنا شخص ما يحتاج شي عشان يغير تفكيره هو يتغير وينمو بالمواقف كل موقف يصير معه يحلله ويحاول يستنتجه ، واصلن راح يكون الشخص يحب النمو وتطور الفكري الدائم والتعلم ، على العموم اذا كان الثالث او التاسع مائي هنا راح يكون تفكير الشخص يميل للعاطفة خصوصا لو عنده هيمنة بهذي بيوت
اذا كان بيت الثالث والتاسع ترابي راح يميل هنا للمنطقية والعقلانية وتحليل ، اذا كان هوائي يميل للعشوائية ومعلومات كثيرة وبين المنطق والعاطفة ، اما اذا كان ناري راح يكون تفكيره متحور عن نفسه وعن عاطفة وعن سعادته ومعلومات متنوعه ومتغيرة ، برضو الي كتبته ينطبق على حواكم مثلا اذا كان
اذا كان حاكم الثالث ميزان ؟ حاكم الميزان هو كوكب ( الزهرة ) هنا اقرو الي كتبته عن الزهرة ، برضو مثلا لو التاسع حاكمه العقرب ، له كوكبين ( المريخ ) و ( بلوتو ) اقرو عن كوكبين مريخ وبلوتو ، من ناحية الخريطة السنوية راح اكمل الثريد بكرا باذن الله ان شا الله انكم استفدو من ثريد 🙏🏻❤️
جاري تحميل الاقتراحات...