بعد ماشفت سكره بنت ساره الودعاني بسم الله عليهااااا كيف فصحية بعمر مبكر حبيت اكتبلكم خطوات لزيادة المحصول اللغوي للطفل :
تكلللمي مع طفلك بأي شيء ولكن بلغة واضحة و صحيحة مانقول تيتو نقول اجلس مانقول امي نقول اكل من الشهور الأولى اشرحي له ايش تسوين له الحين اعطيك حليب حبيبي ونغير الحفاظه الخ ليش تبكي حبيبي ايش مضايقك الحين نسويه تكلمي وبس بصوت مسموع
لما يبدأ يكبر شويه ويقول كلام تفهمينه بس بالحقيقه مو مفهوم ضروري تعيدين الصياغة له وتقولين له الكلمات بطريقه صحيحه و تطلعين مع ناس عندهم نفس عمر طفلك عشان الاختلاط يشجع الطفل اكثر على الكلام
انتبهي طفلك يتفرج على الشاشات لوقت طويييل ! واتبعي الوقت المحدد لكل عمر في مشاهده الاجهزه، لما يجلس الطفل ساعات طويله على التلفزيون يصير متلقي فقط و لا يعرف يتكلم وتفصله عن الواقع اضرارها كثيرر
اللعب مع الطفل يفرررق بلغته لازم تشاركين طفلك الأنشطة والألعاب والأغاني الي يحبها ، لما تعطينه وقت خاص وجيد راح يفرق معه بكلامه ، عن طريق تكرار العبارات والسوالف بيساعده على النمو الفكري،
كل مره ضروري تضيفين جمل و كلمات ومعاني جديدة لما تتواصلين مع صغيرك ، هذي الطريقة تساهم في تنمية المهارات اللغوية عنده من خلال اضافة كلمات ممكن يستخدمها بعدين للتعبير عن الي يبغاه بسهولة
القراءة من أهم الاشياء لتنمية مهارات الطفل اللغوية ، مرررره يستمتعون الاطفال لما يسمعون القصص ويشوفون الصور ، عشان كذا ضروري تقرين لاطفالك الكتب بصوت واضح وبطريقة مفهومه ومناقشة الطفل في أحداث القصة عشان تتطور مهاراته اللغوية
جاري تحميل الاقتراحات...