معرفتي البسيطة بعلم النفس علمتني أنه التغيير أشق عبء ممكن يتكفل به أي انسان، لا أقصد تغيير سطحي لكن تغيير جوهري لطباعك ولعيوبك اللي بتأذيك وتأذي الناس التانيه. أنا كأي انسان عانيت ما عانيت فقررت بشكل منهجي أبحث بتقصّي عن طريقة أحقق بيها التغيير الجوهري دا. لحسن حظي وصلت (1)
لطريقة مدهشة في علم النفس على الرغم أنها في غاية التعقيد لكن يمكن تبسيطها واستخلاص نهج عملي ممتاز لتغيير نفسك، اسمها transictional analysis.
هي طريقة حذرة ودقيقة جدا في تحليل النفس تدعم فكرة انه اي شخص بشكل أساسي عنده "نص" بيتعبه من عمر الطفوله الى البلوغ وبيحدد سلوكه (2)
هي طريقة حذرة ودقيقة جدا في تحليل النفس تدعم فكرة انه اي شخص بشكل أساسي عنده "نص" بيتعبه من عمر الطفوله الى البلوغ وبيحدد سلوكه (2)
جيكون كيف ونمط تفكيره حيكون كيف, وحيصاحب ياتو نوعيه من الناس وحيحب ياتو شخص، وكيف حيربي أطفاله وكل شي مربوط بالسلوك والشخصية مربوط بال"نص". النص ممكن يكون ناتج بيئي وتربوي وجيني، حيبدا يتصلب من بعد عمر ال6سنوات.
(3)
(3)
التحليل النفسي دا بيقول انه خلال تعاملك مع شخص آخر حتتكلم معاه بواحد من 3 شخصيات في نفسك. يا أنك حتتلبس واحد من والدينك وحتتكلم زيه بالضبط. يا أنك حتكون كشخص بالغ وجادي وموضوعي، يا أنك حتتلبس الطفل اللي انت كنته في عمر معين وحتتكلم زي الطفل دا بنفس الفكر والمشاعر. (4)
يعني قسّم شخصية الزول لثلاثة: الوالد - البالغ - الطفل. على حسب الموقف شنو وبتتكلم مع منو انت حتتلبس شخصية واحد من التلاته ديل, ودا كله بيحصل من غير ذرة وعي منك.
ممكن تقول لمن تتعامل مع شخص انت في الحقيقة بتتعامل مع ثلاثة. في محفز بيجي من الشخص اللي بيتكلم أول وفي رد بيجي من الشخص التاني. خلال التعامل الناجح لازم يكون في توازي في خطوط المحفز والرد من غير تقاطع. زي موضح في الصورة.اذا واحد اتكلم معاك كأب رد عليه كطفل والعكس صحيح.اذا تكلم(6)
كبالغ رد كبالغ وهكذا. المهم ما يحصل تقاطع زي مثلا في الصورة الموضحة تحت. واحد سأل زوجته من المفاتيح، فبالتالي هو بشخصية بالغ لأنه موضوعي وعايز حقيقة ومعلومة بس. الزوجة قالت ليه " انت ليه بتلومني في أي حاجة بتضيعها؟" الزوجة بشخصية الطفل اللي كانته في عمر 5 سنوات وأبوها كان (7)
من النوع اللوام والانتقادي جدا، واتاثرت جدا في العمر دا بالذات وكبت مشاعر فحصل fixation فيه. لمن زوجها سألها من المفاتيح حصل لتنشيط لشخصية الطفل دا وردّت الرد المكبوت زي كأنها بتتكلم مع أبوها. الزوج حيكون فاكرها وقحة
او مزاجها سيء. (8)
او مزاجها سيء. (8)
الطريقة دي بتقول أنه اذا انت عرفت انت بتتقمص والدينك في ياتو طباع، وقدرت توعى بنفسك لمن تعمل كدا واذا كمان عرفت انت بتكون في ياتو عمر في طفولتك وكان بحصل شنو الوقت داك ووعيت بالحاجة دي حتكون بداية لتغييرك الحقيقي. بممارسات وتقنيات مستنبطة حتعرف سبب وكيفية تتعامل مع معظم عيوبك (9)
الtransictional analysisمعقد جدا حاولت أبسط فكرته العامه بقدر الامكان وحأنزل ثريدات عمليه أكثر بلخص فيه اللي تعلمته وقاعد اطبقه في حياتي الشخصية.
صورة التويته رقم (7) سقطت سهوا.
جاري تحميل الاقتراحات...