القصة مش مرتبطة باللاعب نفسه في شيء، الازمة الحقيقة في الادارة اللي لا تري بعين الرأفة ولا الرحمة للفريق الاول ولا تعطي النجاح الرياضي اي اهتمام، الولد كان مخلص معانا اساساً بس الناس اللي فوق (حسب الموثوق سايمون ستون) قرروا اننا مش هنشتري حد في يناير، هنلعب ٦ شهور بمهاجم واحد

هنا الفرق الجوهري بين الادارات، كلوب عنده تخمة في مركز الولد الاساسي بس مجرد ما زادت الاصابات وهددت فرص الفريق في المقاعد الاوروبية، ورغم انه لسه دافع فوق ال١٠٠ مليون لتغطية مراكز الهجوم وعنده اتنين مهاجمين اساسيين، الادارة لم تجد حرج في التدخل والدفع

فيه تلات اربع مشاريع رياضية (up and running ) واحنا متأخرين عنهم بتلات اربع سنين، التلكؤ والتباطؤ في التعامل مع المعطيات كفيل يوسع الفجوة الزمنية دي ويخليك تبعد اكتر واكتر، النادي دا لو مرجعش مع الهولندي تين هاغ انا مش شايف انه هيقوم علي رجله في المستقبل القريب…

خاكبو كان خيار مباشر، قليل المخاطر بسبب السعر، واتحدي اني اجيب اكتر من دليل ان المدرب كان له رغبة شديدة في جلبه، وان اللي حرك وجهة اللاعب لليفربول هو تأكد معسكر اللاعب وفريق ايندهوفن ان يونايتد لن يشتري لاعبين في الشتاء…