الفترة الاخيرة كثير جدا سالوني عن الدورات الجميله او المفيدة في قسم التغذية بتكلم عن بعضها اللي جربتها بنفسي .. اول دورة هي IFM therapeutic food plans عن طريق ال Institute of functional medicine
الدورة الثانية عبارة عن موديول ممكن يتاخد لوحده ككورس من جامعه امبيريال لندن تخصص الدورة حساسية الطعام خلصت حقت دي السنه بس هي تنزل كل سنه .. مستواها متقدم شويتين ويحتاج قراية قبل الدخول
برضها غالية وهي على حسب الاوضاع كانت زمان كلها حضوري وبعدين في كرونا اتوقع سارت اون لاين السنه دي كانت هيبريد نصها حضوري ونصها اون لاين
imperial.ac.uk
imperial.ac.uk
الهيئة العامة للغذاء والتغذية السعودية تقدم دورات وورش عمل من وقت للتاني والصراحة دوراتهم مميزة جدا .. ادخلو الموقع واختارو وورك شوب ويطلعلكم المتوفر حاليا .. اغلبها ببلاش 😎
ثم عندكم دورات سلامه الغذاء ودورات الهاسيب ودورات الايزو كلها جميله ومهمة وفي مراكز كتيرة بتعطيها اهم شي تسجلو في مركز يكون معتمد شهادته
وعندنا كورس فنااااااااان هو دورة مثقفي السكر تتعمل في المستشفيات الكبيرة كل سنه مرة مدتها شهر شغلها كتير وفيها اختبار بس مرة حلوة لكن غالية ومتطلبات القبول كثيرة
وعندكم الكورسات القصيرة اللي تنعمل من الاخصائيين والدكاترة وفي منصات تعلن عن الدورات الطبيه اذا احد يعرف اسماءها بليز يحطها عشان الجميع يستفيد
كذلك عندكم التدريب المدفوع ممكن تقدموا في اي مستشفى طلب تدريب اذا عندهم غالبا يكون بالشهر وتتدربو في القسم
واخيرا عندنا مواقع كثيرة نقدر ناخد منها دورات زي Coursera مرة فنان يحط دورات من جامعات عريقة وبعضها مجاني وفي التغذية والصحة والابحاث
في كمان موقع Catalyst جدا جميل وعنده دورات مسجله اسعارها معقولة ومستواها متوسط وجميل
catalysttraininglab.com
catalysttraininglab.com
اي احد عنده كمان مصادر للدورات والتعليم المستمر بليز يرسل هنا ونساعد بعض
طبعا تختلف قوة الكورسات عن بعضها بس الحقيقة انا جربت كل اللي كتبته وكله كان مفييييد جدا المهم يكون عندك الرغبة في تعلم شي جديد ويكون عندك الشغف 😎
جاري تحميل الاقتراحات...