ده بسبب الدولة ف٢٠١٦ مع اول تعويم سمحت للشركات الغير مصرية تحول ارباحها للخارج+اعفاءها من الاعتمادات المستندية فطبيعي كل الشركات المصرية هاتعمل كده بدل ثرواتها تتآكل وتتحبس بيها جوه البلد…ماينفعش ابقا ملياردير وعندي مصانع وانا مسافر تقفل عليا حساباتي ولا تمنعني من تحويل ارباح

عندك مصانع ف مصر ولا تعرف تجيب دولار تستورد بيه مواد خام ولا قطع غيار ولاتعرف تحول ارباحك برة ولو سافرت تتفسح ولا تتعالج ولا تطلع عيالك تتعلم برة تلاقي كروتك وحساباتك الشخصية اتقفلت ليه وجع الدماغ افتح شركة ف الامارات ولا انجلترا ولا أي بلد وانقل شغلك برة وسلملي ع الاستثمار

طول ما الدولة مش فاهمة ان سياساتها النقدية والاقتصادية سبب هروب الاستثمار وتمييز المستثمر برؤوس اموال اجنبية علي حساب الصناع واصحاب رؤوس الاموال المصرية لا هايجيلك استثمار من برة واللي جوه هايطلع من البلد ويخرج فلوسه وبالقانون … كملوا كمان براڤو

علي فكرة النساجون الشرقيون مش اول ناس تعمل كدة قبلهم وغيرهم كتير ومعروفين ومجالات مختلفة مش عيب ومش حرام وكله قانوني ف نغمة التخوين الل دايرة في الاعلام والل مدورينها اللجان نواح فارغ وفشل معتاد بس هم دلوقتي مزنوقين وبيحاولوا يرموا الأسباب علي اي شماعة بدل مايحلوا سبب المشكلة