بتعاندوا نفسكوا ليه ومصممين تختاروا اللي مش شبهكم ..بتعافروا علشان تثبتوا لنفسكوا ايه انكم قدرتوا ونجحتوا رغم انكم واثقين من الحقيقة عايزين تزيفوا الواقع اللي كل اللي حواليكم شايفه ومتأكدين انه مينفعش .، انا مش ضد فكره انك تعافر وتدافع عن حقك في انك تفوز بحد يستاهلك لكن…
انا ضد انك تبقي واثق ان اختيارك غلط وكل الشواهد والمواقف بتأكدلك ده وانت مصمم يكونوا هما اختيارك الاول تحت مسمي هيتغيروا في ناس مش هينفع تتحمل مسؤليه معاك حتي لو كانت المسئولية دي هي انهم يتغيروا وهتفضل مكمل معاهم في دوامه لحد ما تنهار لوحدك في الحياه
ممكن جدا تفضل عايش عمرك كله معاه بتسند نفسك وهو مسجل في حياتك غياب كل ده ليه وعلشان مين ,, النهارده انت مسئول لوحدك عن اختيارك بكره هيكون معاك شركاء تانين ملهمش ذنب وبدل ماكنت بتدفع تمن غلطتك لوحدك هيدفعوا بدالك اضعاف ,,
حكموا قلوبكم وعقولكم عمر الحب لوحده ماكان سبب كافي للاختيار ,, ولو بصيت للموضوع من زاوية المنطق والحكمه عمرك ماهتختار اللي مكنش ينفع تختاره
جاري تحميل الاقتراحات...