الناس مقتنعة إن السعي مشي على الرجلين بس، السعي نواحيه كتيرة جدًا: سعيك في تطوير مهارة إنت بتتقنها، سعيك في الخير لغيرك، ربنا مش هيسيبك محتاج حاجة إلا ويسخرلك اللي يسعالك زي ما بتسعى.
سعيك لإنجاح فكرة وسط موجة ضخمة من الانتقادات ليها أو التقليل منها.
...

سعيك لاستكمال حاجة غيرك زهدها مع أول لحظة فشل، وقال أنا مش مناسب ليها وجيت إنت كملت.

سعيك لإنك تهذب نفسك مهما كانت الظروف المحيطة بيك تمنعك.
إنت مبتمتلكش غير سعيك، النتائج دي أمر إلهي، عشان كدة ربنا بيقول: "وَأَنْ لَيْسَ لِلإِنسَانِ إِلَّا مَا سَعَى ۝ وَأَنَّ سَعْيَهُ سَوْفَ يُرَى ۝ ثُمَّ يُجْزَاهُ الْجَزَاءَ الأَوْفَى"

السعي بيضمن حتمية الوصول، ده مش كلام، دي حقيقة، ولو بعد عشرين سنة هتوصل، السعي هو أكتر حاجة ربنا بيكافئ الإنسان عليها، لو مش باللي هو عايزه، بحاجة تضاهيه أو تفوقه، وتخليه راضي.