كيف تعرف إن الشركة اللي تتصل فيك تبا تخرفك؟ (سواء كانت شركة تأمين أو تمويل أو تداول)
١. مستعد يتصل أي وقت حتى خارج أوقات الدوام، وممكن ينتظرك لين تخلص شغلك، ويسألك متى فاضي ويرجع يتصل لك.
٢. يتصل كل مرة من رقم مختلف، أو يرسل شخص مختلف.
٣. يعطيك العرض الأغلى دايما، ويتكلم فقط

عن ربحك، ويفرش لك الدنيا ورد، وما يخبرك شو عليك إلا لو وافقت وطحت في الفخ.
٤. لو قلت ما عندك فلوس بيعطيك العروض الأقل، وبيسألك عن دخلك ويدخل في تفاصيل شغلك، وهو م له دخل.
٥. لو كان قبل اسمك "د" بيكون ع باله إنك مليونير، وخاصة لو معك حساب بنكي بإسم الشركة.
٦. لو طلبت منه ايميل

رسمي أو رسالة بالعرض بيقولك بعدين.
٧. يتكلم وايد يبا يضيعك، والغالب إنها إمرأة
(لأغراض تسويقية) وتتكلم وايد دون ما تجمع ولاشيء، ويختارون وحدة دلوعة وصوتها حلو.
٨. شعور حلو بعد ما تسمع نبرة خيبة الأمل في صوتها بعد رفضك للعرض 😇😄👊
٩. تحثك إنك تسجل تو لأن بعدين بيكون معها زحمة

أو العرض بيخلص، أو أو أو ... طبعا الهدف إنك في هذه اللحظة تكون تحت ضغط وهي تستغل هذا الأمر.
١٠. تبين لك إن ممكن تنسحب بعدين لو تحب، وعلى الأغلب بيكون الموضوع مش صحيح.
١١. بتقول لك مضمون وفيه شهادات وأوراق ووو
لذلك #احذروا
انتظر ... اسأل ... فكّر... وبعدين قرر .