بقول لكم قصتي مع لبس النقاب ..
وهذا الكلام اول مره أقوله،أشوف أن له داعي وممكن يفيد بنات قاعدين يمرون بنفس الي مريت فيه ..
انا وحده ماكنت البس النقاب وكبرت وانا عندي إعتقاد بأني مارح البسه لأن المسألة مُختلف فيها،كنت اشوف كثير بنات يلبسونه حتى امي تلبسه وكان يعجبني لكن الحقيقة
وهذا الكلام اول مره أقوله،أشوف أن له داعي وممكن يفيد بنات قاعدين يمرون بنفس الي مريت فيه ..
انا وحده ماكنت البس النقاب وكبرت وانا عندي إعتقاد بأني مارح البسه لأن المسألة مُختلف فيها،كنت اشوف كثير بنات يلبسونه حتى امي تلبسه وكان يعجبني لكن الحقيقة
ربي مافتح عليّ لأني انا بنفسي ماكنت مقررة اني البسه يعني باختصار تنطبق عليّ آية (إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ ) وكنت اقول اهم شي الستر بالعبايه وتغطية الشعر، لكن مع كثرة ظهور المقاطع لي بالاكسبلور
والمناقشه فيها عن النقاب بين الناس الي يقولون فرض والي يقولون مو فرض هالشي سبب لي حيرة كبيرة وحسيت انّي ضايعه ومو عارفه هو فرض او لا ، وكل فتره كانت تطلع لي هذي المقاطع وقررت ابحث في كلماء العلماء وادور على الدلائل واتعلم اكثر، ولما افكر في لبسه احس اني بختنق وانه شي صعب
والغي الفكرة من راسي وترجع لي مره ثانيه،واستمريت على هذا الحال مابين اني ابي البسه واني خايفه بنفس الوقت،لين ماجاني شعور ان ليش ماتدعين وتسألين الله؟وصرت ادعي في كل صلاة وخصوصًا في صلاة الوتر، كنت اقول يا رب انا ضايعه مااعرف وين الصح،ان كان هذا اللباس الشرعي الصحيح أعنّي على لبسه
وكنت ادعي بهذي الدعوة كل يوم بدون انقطاع، لين ماجاء رمضان في إحدى السنوات، وتحديدًا في العشر الأواخر قمت وانا عازمة على لبس النقاب ، حسيت بشي يقول لي يلا قومي وش تنتظرين؟ اشتري النقاب والبسيه والله ان الامور تيسرت وإلى الآن
كل ما اتذكر كيف صار كذا اكون مندهشه! مااقول غير يا رب لك الحمد، سبحانه ما اعظمه وما اكرمه لا يرد عبدًا التجأ إليه وطلب العون منه،وحصل معي نفس الشي بالنسبه للخمار،وسويت نفس الي سويته قبل ووفقني الله للبس الخمار وانا مقتنعه فيهم جدًا، واقسم لكم بالله يابنات
اني ماحسيت بالسعاده والراحه واللذه في الطاعه الا يوم لبسته، حتى لما اطلع واروح اي مكان احس فيه شي يحميني وحافظني، ويكفي شعور اني لما امر من اي مكان يمر فيه الرجال مايبين مني شي، والله هذا النعيم وهذي النعمة الي تستحق انّا نغبط الناس عليها مو الفلوس ولا متاع الدنيا..
حبيت اقول لكم قصتي لعلها تفيد وحده قاعده تمر باللي مريت فيه ، احيانًا الدلائل تكون واضحه قدامنا لكن نكون غافلين عنها،اهم شي ننوي فعل الطاعه وندعي بصدق وإخلاص واكيد ربي بيوفقنا ويفتح علينا، الله يثبتنا على طاعته حتى نلقاه.
جاري تحميل الاقتراحات...