ليش أكثر العلاقات تتفركش بسبب قلة التواصل؟
( مااتكلم عن ان التواصل والاهتمام بين الطرفين مو ضروري )
قصدي ليش الكثير مايعرفون يحلون هالموضوع أو تنجذب لهم علاقات من هالنوع بنفس السيناريو البداية اهتمام بعدين برود وقلة تواصل بعدين تتفركش؟
تابع👇🏻

قلة التواصل بعد الاهتمام يحفز شعور الرفض المركون اللي كان خامل بداخلك اللي يحسسك إنك منبوذ أو ثقيل طينة أو فقدت بريقك وماعاد لك قبول فتبدأ حربك لتكذيب هذا الشعور والهروب منه إما بقطع العلاقة قبل يقطعها هو أو افتعال مشكلة كبيرة عشان الطرف الاخر هو يقطعها عشان ماتحس بالذنب

هذا الشعور المركون بالرفض هو اللي يكثر هالنوعيات في علاقاتك اهتمام ثم انسحاب مفاجئ، حط هذا الشعور قدامك وشوفه بكل صدق وتعامل معاه، ولاتفكرني قاصد احملك الذنب وعارف انه فيه ناس لعابين ومشوهين وانت تقدر تكشفهم من أول محادثة بوضوحك، بس حبيت ألفتك لداخلك وأوضح لك سبب تكرار هالنوعية

في كل علاقة تتكرر و تتفركش بنفس السبب واجه داخلك ماهو الشعور اللي احميه وبليز لاتعطي نفس حصانة كونك ماستر بالوعي أو عندك شهادات أصلا العلاقات عندنا مشوهه ومخربطة وحالتها حااااالة وكثير من اللي يقدمون محاضرات بالعلاقات زادو الطينة بلة بتغليف كثير من المشاعر وتزييفها

بلحظة مواجهة مشاعرك بيطلع إما خوف من الرفض أو إحساس بالعار او اللي يكون فيطلع كل المدفون، ركز عليه وخلي نيتك تحرره، ماعاد راح تحتاج مرشد يوضح لك سبب تكرار هالنمط من العلاقات:)