هما إتخانقوا .... و زعلانين من بعض.
بس بيوصلها المشوار اللي هي رايحاه ومش هايقعد في البيت ويسيبها تتبهدل بالولاد لوحدها . .وبيعاملها كويس قصاد الناس ... ومش بيهينها ولا بيشتمها ولا بيضربها... ولا بيصحيها في وسط الليل عشان تعمله أكل على سبيل العقاب....

ولا بيمنعها انها تروح تزور أهلها.
مهما حصل وطول ما هم في بيت واحد ..فهو راجلها وأمانها وسندها.
وهي كمان زعلانة ...بس بتعمل له أكل وبترتب البيت قبل مايوصل .... ولما أهله بيجوا يزوروهم بتستقبلهم أحسن إستقبال ...

ولما بيزور اهله بتروح معاه لو هي متعودة تروح معاه او بتجهز الولاد عشان ياخدهم معاه من غير ماتتخانق معاه عشان ماياخدهمش .. ومش بتتكلم عنه بشكل وحش قصاد الولاد .. وبيبقى مش سهل عليها انه يفضل زعلان منها.
سوء التفاهم مش مبرر لسوء الخلق.....

وحسن الخلق الحقيقي بيبان وقت المشاكل والاختلاف مش وقت التفاهم.
قال رجل للحسن: إن عندي ابنة لي وقد خطبت .. فمن أزوجها؟ قال: «زوجها من يخاف الله فإن أحبها أكرمها وإن أبغضها لم يظلمها»
قال رسول الله صلى الله عليه وسلم (أَلَاْ أُخبِرُكُم بِنِسَائِكُم فِي الجَنَّةِ ؟!

كُلُّ وَدُودٍ وَلُودٍ ، إِذَا غَضِبَت أَو أُسِيءَ إِلَيهَا أَو غَضِبَ زَوجُهَا ، قَالَت : هَذِه يَدِي فِي يَدِكَ ، لَاْ أَكْتَحِلُ بِغُمضٍ َحتَّى تَرضَى )
#دفا_البيوت
#محمد_فتحي
منقول