يمكن اكثر اشي كاسرني ، انه احساسي كان صح من البداية بس انا ضليت منكر اله ، وضليت متمسك عشان كنت احكي اكيد وسوسة شيطان ، بس يمكن اصعب شعور مريت فيه هو إنه فعلًا هنت على أخر شخص توقعت اني ممكن اهون عليه ، كان في بحياتي كثير ناس غاليين وهنت عليهم بس عنجد ما كسروني
هالإنسان عنجد كان غير ، وعنجد كان في مرحلة مستحيل يوصل الها اي شخص ، بكل بساطة هنت ، يمكن اكثر اشي ندمان عليه قديش كنت مثير للشفقة وانا متمسك وبحاول اكذب احساسي ، وبحاول اسوي اي اشي يخليني احس في الامان
كثير بحس بالشفقة على نفسي لما كنت احاول اسوي اي اشي عشان استنى من هالشخص لو كلمة ثناء ، او احفر في الصخر عشان اطلع منه نتفة احترام تجاهي ، عنجد بشفق على نفسي بكثير شغلات سويتها بدافع التمسك وكنت بس بدور ع فتات الاحترام والتعامل الحسن لحتى اكون راضي!
نزلت من قيمة نفسي ومن كرامتي وكنت ارضى بالقليل القليل واقنع نفسي انه احساسي غلط ، بس عشان العشرة والسنين والذكريات الحلوه والصعبة والمره ، عنجد كرهت نفسي وكرهت كيف كنت مجرد شخص بقلل من نفسه في سبيل انه يكمل بس يكمل
بس خلص سبحان الله م
بس خلص سبحان الله م
موقف اخير بين عنجد انه الاحساس الي قعدت فترة منكره وبحاول اموته طلع صحيح ، وانه انا فعلًا ع الرف من فترة ، والله بعلم قديش مقهور لانه بحياتي ما راهنت ع شخص ، دايمًا كنت حافظ خط الرجعة مع الكل ، بس لمره وحده بحياتي قررت اراهن
واراهن بكل ما املك حرفيًا وبمعنى الكلمة ، اقسم بالله ، في حياتي ما كانت نيتي طيبة او تفكيري نقي وطيب تجاه اي شخص بالدنيا بالقدر الي كان تجاه هالانسان ، وعمري ما خبيت سر حتى لو كان بضيع حياتي عن هالانسان ، واقسم بالله العظيم اني بكل مره كان لازم اختار بينه وبين اي شيء ثاني
كنت اختاره وانا مغمض وبدون تردد ، اقسم بالله مافي صديق بحياتي وصل لهاي المرحلة ابدًا ، بس خلص .. انا عنجد انكسرت من اخر شخص توقعت يكسرني .. كنت بحكي امي وابوي بكسروني وهالانسان لا ، مش عارف بعد قرابة ال١٠ سنين من الحياة المشتركة .. الواضح انه اجى وقت نقطة النهاية.
جاري تحميل الاقتراحات...