الوضع المهني في الخريطة السنوية
اليوم راح اتكلم عن كيف نعرف وضعنا المهني في الخريطة السنوية ، كيف نعرف من وين تجينا الاموال ، برضو وين راح نصرف الفلوس ، هل وقت كويس لاخذ قرض او اخذ ، ديون ، هل راح تكون سنة تسديد ديون ، وامور كثيرة يلا بسم الله نبدا ؟
طبعا راح اطبق بالبداية على خريطة سنوية هذي خريطة وحده من متابعين الله يسعدها وشكرا لعطائها وافقت اني اطبق شرح على خريطتها السنوية ، نبدا نشوف البيت الثاني بـ اي برج وحواكم وكواكب المؤثرة فيه ، لاحظو معي ان البيت الثاني بالخريطة السنوية بالاسد حاكم الاسد ( شمس ) ، الواضح هنا ..
الواضح ان صاحبة السنوية تعبانه على فلوسها ومن جهدها وتعبها ولاحظو اتصالات شمس مع بلوتو سلبي بالسابع وبالثالث و اورانوس وقمر سقطو بالحادي عشر بالسابع الواضح هنا ممكن عندها شراكة عمل او بزنسس بالسوشيل ميديا تحاول تطوره لكن نجاح بطيء وتفكر تفتح كذا اشتراك سواء عملي او بزنسس ..
.. برضو وضع شراكة صعب عليها تبي تستقل من شراكة وتبدا لحالها بدون اشتراك احد من الاصدقاء لاحظو معي البيت الحادي عشر الثور حاكمه الزهرة و الزهرة بالثاني برضو عندها ماشالله مشتري و اورانوس بالحادي عشر الواضح ان عندها بزنس بالسوشيل ميديا راح يفيدها برضو بشكل بطيء لان زهرة والمريخ ..
.. الزهرة والمريخ مقابل زحل فا هذا يبطء وضع المال راح تجيها دفعات على مبالغ صغيرة ، برضو زهرة اقتران مريخ بالثاني بالسنوية سقط في البيت العاشر بالميلادية هذا ياكد ان فيه وجود بزنسس بالسوشيل ميديا ، والواضح ان شراكة مع صديقة لها بسبب اورانوس ومشتري بالحادي عشر طبعا ..
.. طبعا لاحظو وهذي اهم شي ارجع اعيد واكرررهههه وركزو فيه ( لازم اكثر من دلالة وحده ) ولقينا تقريبا ٣ دلالات تثبت الشراكة وبزنسس انه بالسوشيل ميديا ، نرجع نكمل الواضح انه يخص النساء او اكثر زبائن نساء ومستهدف فئة النساء بتقولون كيف عرفتي يا هاجس بسبب وجود زهرة عاشر وحاكم ١١ ..
وحاكم البيت الحادي عشر ثور وحاكمه بالثاني ، برضو فيه رغبة بالعمل لتطوير الوضع المادي الواضح انها متوظفة بالوظيفة اختلاط وفيه ذكور مناصب برضو اناث ، بتقولون كيف عرفتي يا هاجس ناظرو معي البيت السادس والعاشر ؟ في سنوية العاشر حتى شوفو لقينا بالصدفة دلالة ثانيه لعمل بزنسس 😂 ..
لاحظو دلالة الي لقيناها جديدة هي العاشر حمل وحاكم الحمل ( المريخ ) سقط في بيتها الثاني في الخريطة السنوية ، تمام نجي للعمل برضو السادس القوس حاكمه ( المشتري ) وسقط في البيت الحادي عشر ، هذي دلالة ثانية للبزنس بالسوشيل ميديا ماشالله الله يوفقها يا رب ، وراح ينجح ويشتهر بسبب ..
.. بسبب وجود المشتري بالحادي عشر ومع اورانوس شهرة مفاجئة ومتقطعة غير ثابتة ، طيب نرجع للعمل الواضح ان اما انها تعمل بالمكان مختلط او انها تفكر بالعمل بالمجال افضل وراح تجيها عروض وظيفية حلوة لكن متعبة لها قولو لي ليش ؟ ركزو زهرة ومريخ بالثاني سنوية سقط بالعاشر ميلادية .
يدل على وش ؟ ان مريخ ساعات طويلة بالعمل واجهاد برضو عملها غير مستقر ساعاته واضح عندها مشاكل بالتنظيم وقت لان لاحظو معي اتصالات السلبية للزهرة والقمر مع اورانوس والقمر ومع زحل مافي التزام بالوقت او تنظيم فيه عشوائية ، برضو عندها صرف عالي واغلب صرفها لنفسها برضو عندها سفر ..
راح تصرف اغلب فلوسها لنفسها لان حاكم الثاني الاسد وحاكمه ( شمس ) ، وهو في البيت الاول بالسنوية والتاسع في السنوية ممكن هنا تاخذ دورات تدريبية او تفكر بالدراسة وممكن حتى الدراسة بالخارج بس الي مقيدها او بياخر الموضوع هي الشراكة بنظرها او بزنسس انه يحتاج جهد اكثر ..
كيف عرفنا من شمس نفسها مقابلة بلوتو فيه صعوبات تحس انها مقيدتها برضو ممكن من احد الاهل والاقارب ، على العموم نرجع نكمل نلاحظ ان مريخ عذراء هي تحاول تخلي صرفها معقول وتحط ميزانية برضو واضح قاعده تحط فلوس احتياط بس للاسف تاخذ منه قليل عشان كذا تحس بالاحباط وان رغم كسبب ..
رغم كسب والمبالغ الي تجيها لكنها تجي بسرعة وتروح بسرعة بسبب المريخ دايم اقول لما يجي المريخ يخلي الفلوس كانها مويه تجي بسرعة وتروح بسرعة ، على العموم ، نشوف الاتصالات الحين هي تحكم وين صرفت فلوسها فيه نلاحظ في اتصالات مع البيت الحادي عشر وبالميلادية مع السابع واضح ان ..
ان بزنسس فيه ربح وخسارة لان فيه صرف له ومكسب له او ضغط منه وممكن بعض الاخطاء ، برضو فيه رضاء بالشراكة بالبداية لكن راح تضايقها بعدين بسبب بلوتو السابع وحاكم السابع زحل وزحلهت بالتاسع مسوي اتصالات سلبية مع الثاني راح تترك الشراكة وتستقل لحالها او ان سفرها راح ياثر على ..
راح ياثر على انتاجية شغلها او ان شريك عملها ما ينجز وتحس ان شغل كلها عليها وان هي تتعب اكثر من طرف الثاني وراح تكون راضية عن قرارها ، نلاحظ ان مريخ وزهرة اتصالها ايجابي مع نبتون التاسع وسقط بالخامس بالميلادية في رضى على صرف فلوسها بالسفر او تنمية مواهبها ودخول بدورات ..
ودخول بدورات تستفيد منها ، لكن زحل برضو بالتاسع وبالرابع واتصالاته سلبية مع الثاني واضح دفعت مبلغ كبير لسفر او دورات كانت مبالغها عالية هزت ميزانيتها ولاحظو معي اصلن من قوه انها صرف زحل بالرابع بالميلادية بعدها جلست بالبيت 😂 ، اهخ ضحكتني الله يسعدك الله يعوضك يا رب ..
عالعموم انتيهنا من تطبيق شرح على الخريطة السنوية هل تبون اطبق على خريطة ثانية ولا ابدا بالدلالات على طول ، عندي خريطة ثانية لكن بشوف منكم هل تحتاجون شرح على خريطة سنوية اخرى او لا ؟
رد صاحبة السنوية على التحليل حمدلله 🙏🏻❤️ وبما ان الاغلب يقول اطبق واكمل شرح على خريطة ثانية راح اطبق على سنوية اخرى الان بعدها راح نبدا بالدلالات ..
طبعا هذي سنوية ثاني لمتطوعة اخرى بالثريد ، اشكرك على عطائك ❤️ ، عالعموم ما اطول عليكم نشوف البيت الثاني نلاحظ انه السرطان ونلاحظ ان بيتها الثاني في الميلادية هو الثامن على بداية الثامن برضو فيه ليلث ، هنا واضح جتها صعوبات مادية بهذي السنة برضو ممكن ليلث استغلال مادي او عطاء ..
.. او عطاء زايد من صاحبه السنوية برضو نلاحظ درجة ليلث ١٢ وهي الحوت فيه استغلال مادي او خداع مادي واجهته هذي السنة وممكن مرو عليها الناس يحاولون يستغلونها مادياً باول تغريها ، نلاحظ اصلن ان ليلث سنوية قريب من كايرون ميلادية و بالثاني واضح مرت بالخداع قديم خلها معد تثق بالاشخاص ..
.. وتخاف من خداع المادي ، حلو نجي الثاني نلاحظ ان سرطان حاكم السرطان ( القمر ) ، قمرها في السادس سقط بيتها الاول في الميلادية لكنه بالعقرب برضو القمر اقتران بلوتو ، الواضح ان دخلها من الوظيفة واضح ان فيه اعداء بالوظيفة كثير لان لاحظو انه بالعقرب فوق هذا قمر مقابل اورانوس بـ ١٢ ..
.. هي اصلن حاسه فيهم وتطنشهم واضح انهم نساء لانه قمر و بيوت مائية واورانوس بالثور واضح الحقد بالخفاء وهي اصلن مو مرتاحة شوفو وضع القمر واتصالاته ، برضو فوق انهم اعداء اتصال قمر مع اورانوس واضح جتها ظروف مفاجئة احتاجت للمال فيها رغم كان وضعها مالي سيء برضو لاحظو ان فيه اتصال ..
.. اتصال سلبي مع زحل التاسع وسقط بيت الرابع واضح ان كان فيها صعوبات بالسفر للعائلة برضو كانت تبي شي تدخله لكن مقدره وقتها كانت صعبة ، برضو اللاحظ ان كانت موفره فلوس بسبب اورانوس ١٢ واتصاله السلبي مع حاكم الثاني يدل على ان كانت فلوس تجمعها بالخفاء وراحت بسبب ظرف مفاجىء احتاجته ..
اخر نقطة وهي مهما كان وضع صعب لاحظو معي حاكم الثاني اتصال ايجابي مع مشتري تقريبا تحسن وضع المادي بداية سنة مو بس وضعها حتى وضع الاهل برضو ممكن جتها ترقية لان نبتون عاشر تغير وضعها فجاه للاحسن حمدلله وماشالله مو بس هي حتى الاهل واما هي لقت منصب افضل او ترقية او شخص من الاهل ساعدها
طبعا بما ان خلصنا شرح على رغبة الناس بددا اقول متى يكون الوضع المادي كويس بالسنوية ، حلو طبعا واكيد اولاً صديقنا المشتري لما يجي بالثاني خصوصا لو حاكم الثاني بالثاني برضو لو مثلاً حاكم الثاني بالعاشر بنعرف ان فلوس جت من العمل او السوشيل ميديا ، اذا حاكم الثاني في خامس ..
.. راح يكون بسبب موهبه طورتها واستفدتو منها مادياً ، طيب لو ثامن اما تسديد ديون او اخذ قرض وديون اما رد حقوق كيف رد حقوق ؟ شخص خذ مالك ؟ راح يرجع لك ممكن بعد محكمة فيها سلب حقوق مالية راح ترجع لك كلما كانت الاتصالات ايجابية وحواكم سليمة واتصالاتها كويسه راح يجيك رزق ووفره مالية..
.. بس كلما كانت سلبية ممكن ترا تكون خسارة وعدم مكسب لك ، طيب متى يكون برضو وفرة مالية وجود زهرة بالثاني اتصالاتها ايجابية ، اما سلبيك معناتها ان شخص يصرف فلوس على كماليات وجماليات وعلى نفسه او اكل وغيره فا بالمختصر فلوسه قاعده تروح على الفاضي ، لما يكون قمر او عطارد بالثاني ..
.. هنا الشخص يفكر بالمشاريع تفيده يفكر يفتح دخل اضافي له لكن قمر رغبة بتحسين وضع المادي وبتكون تهمه لكن من كثر تعلقه يمكن ما تجيه فا عشان كذا دايم احذر وانبهه ان كلما تعلقت بالشي ما راح يجيك ، عالعموم اما عطارد اذا كانت اتصالاته ايجابية هنا افكار مميزة وناجحة ممكن تفيده مستقبلا..
.. اما اذا كانت سلبية قلق بالوضع مهني تجيه افكار عابرة لكن بعضها مشاريع فاشلة او خوف وترردد من فتح مشروع او حتى انه يسوي دخل اضافي ، طيب نجي لكوكب شمس هنا تركيز الشخص بالمادية عالي ممكن يحاول ذي سنة يوصل لاهداف مالية مثلا لو كان هدفه هذي السنة يشتري بيت او سيارة عالعموم راح يبني
.. راح يبني اهداف بس مشكلة الشمس هنا مو شرط يحققها هو يبني اهداف ويضع خطط لمستقبله المادي وتركيزه المادي عالي بيكون بس مشكلته صاحب السنوية بيربط استحقاقه بنفسه بالمادية كيف ؟ يعني كلما جته فلوس او حقق اهدافه كلما حب نفسه وحس انه منجز كلما ما انجز اهدافه او خسر فلوس كلما بداء ..
.. بداء يجلد نفسه ويكرهه نفسه وينزل استحاقه بنفسه فا هنا لازم ننتبه ان ما نربط استحقاقنا بالماديات ابداً ، عالعموم نكمل ، اورانوس هنا كوكب مفاجئات اما تجيك فلوس كثيرة او عكس تخسر فلوس بشكل مفاجىء برضو يدل على ان فلوس تجي فجاه ما تجي بالشكل ثابت يعني المقصد لو انت فاتح بزنسس ..
.. طبيعي اوقات يكون فيه ارتفاع ومكسب وطبيعي اوقات يكون قليل يعني بالمختصر مو ثابت زي الراتب ، حتى لو كان فيه راتب بيحس صاحب السنوية ان وضعه المادي مو ثابت بعض الاشهر وضعه كويس وبعض الاشهر لا راحت فلوسه فجاه ، نرجع ننكرر كلما كانت الاتصالات ايجابي وحواكم وكواكبها كويسه معناته خير
ان شا الله ، عالعموم نجي لنبتون هنا فيه وفرة مالية بس لازم هنا شخص ينتبه على ماله سواء من الاستغلال او الخداع برضو ممكن تجيه اموال فجاه اذا ايجابية اذا سلبيه ممكن يتعرض لخداع او يكون معطاء بالزيادة لدرجه العمى وهذا شي يمكن يجذب له اشخاص يستغلونه مادياً ، طيب نجي لـ بلوتو ..
.. بلوتو هنا معناته صرف زايد عن حده ولازم شخص يحط احتياطات برضو يدل ان ممكن حتى ادخرت مالك يمكن تجيك ظروف مادية مفاجئك تتطر فيها انك تستخدم الاموال المدخرة ، برضو ممكن صاحب السنوية يحس ان الناس تصادقه عشان مال او يجذب الناس تصادقه عشان فلوسه وتبي تستغله مادياً او ان يبون ..
او يبون يدفع عنهم صاحب السنوية لكن طبعا مو بشكل صريح من الممكن ترا تجذب اشخاص زي كذا حتى لو كان البيت الثاني عقرب له نفس التاثير ولا ننسى ان عقرب له حاكمين ( بلوتو ) و ( المريخ ) بلوتو صعوبات مادية ، المريخ صرف زايد عن اللزوم كلهم تدل على ان مادية صعبة خصوصاً لو كان الثاني عقرب..
.. نجي لزحل هنا صعوبات مادية ممكن الشخص يقترض المال وبرضو راح يلاحظ ان فلوس تجيه بشكل بطيء عكس السابق ، برضو ممكن يدل انه راح يوفر امواله ويلتزم بالخطة مالية تحسن وضعه برضو ممكن يدل على محاول تسديد ديون له او رغبة بتسديد الديون ، واكثر شي يدل على ان صاحب السنوية راح يحط خطة ..
خطة مالية تفيده ويتلزم فيها بالحزم وصرامة وممكن عشان يحقق هدفه يبيه هو وجود زحل اقتران المشتري في البيت الثاني في الخريطة السنوية برضو دلالة على تسديد الديون ، برضو ترا من دلالات زحل الثامن تسديد ديون او اخذ قرض وديون ، على عالعموم نجي لاخر نقطة من كواكب بعدها ندخل على حواكم ..
.. اخر كوكب هو المريخ هنا الفلوس تجيك بسرعه وتروح بسرعه يعني بداية شهر زي الفل والياسمين نهاية شهر معد تطلع بسبب طفره 😂 ، هذي مشكلة مريخ راح يكون شخص صرفه جدا عالي والفلوس كانها مويه تجي من هنا وتروح من هنا ، برضو ممكن يحدث مشاكل بالبنوك او حسابات ولازم ننتبه ان بعض الاحيان ..
.. ان المريخ يدل على سرقه فا لازم تنتبه حتى مو شرط سرقه حقيقه ممكن بحسابك بنكي نفسه تحصل مشكلة وتلقى ان تم سحب منك برضو مو شرط فلوس دامه بالثاني ممكن حتى ممتلكات شخصية لك اغراض لك ، برضو ضياع بعض المال او الاغراض بسبب تسرع والعجلة ، حلو نجي لاخر نقطة بالثريد الا وهي الحواكم ..
حاكم البيت الثاني في الاول الشخص هنا يبي يرفع استحقاقه بنفسه ويبي يسعى لاهدافه بنفسه ويكون مستقل مادياً بدون مساعدة احد فا تلقى هذا الشخص ماله من تعب جبينه بالمعنى الحرفي ، حاكم الثاني بالثاني تركيز على المال ايضا اما وفرة مالية او انتكاسة مالية على حسب وضع حاكم اذا منتحس وسلبي..
.. يعتبر انتكاسه ماليه وضعه كويس وفره مالية ، حاكم البيت الثاني في الثالث هنا الدخل اما من السوشيل ميديا اما من الاقارب والاخوان والاخوات اما من مكان تعليمي اما من عمل حر تدل على اشياء كثيرة لكن هذي ابرزها ، حاكم البيت الثاني في الرابع من طبيعي وبديهي من الاهل او دعم مالي كبير ..
.. كبير من الاهل برضو ممكن يدل على رغبة داخلية بتحسن المال ومحاولة جذب المال ، برضو مساعدات من الاهل والناس القريبة مالياً ممكن برضو وظيفة او شغل انت تسويه وانت بالبيت زي كذا ، حاكم البيت الثاني في الخامس موهبه تطورها اذا كانت ايجابية ورفع استحقاقك فيها وتحسن نفسيتك مو شرط ..
مو شرط تكسب فيها اموال بس راح تكون مبسوط وانت تطور مواهبك في هذي السنة وراح تحسن من نفسيتك وثقتك بنفسك برضو اما الاشخاص الي عندهم اطفال راح يصرفون كثير على اطفال وتركيز عليهم كبير تبونهم يستقرون مادياً وراح تدلعونهم ، حاكم البيت الثاني بالسادس هنا مرتبط بالشيئن الوظيفة او روتين
هنا ممكن شخص بدايات بالوظيفة تعتبر وظيفة توها بادي فيها ومحسنه وضعه مادياً ، او ان شخص ما زال على نفس روتينه ويبحث عن وظيفة يستقر فيها كلما كانت كويسه معناته مرتاح كلما سيئه معناته مو مرتاح فيها ، حاكم البيت الثاني في السابع ممكن هنا شراكة عمل راح تفيده مهنياً برضو ممكن حصول ..
.. حصول اموال من الشريك ( زوج ) فقط ، حاكم البيت الثاني في الثامن ، هنا عاد عدد وما راح نخلص بس بكتب ابرز شي رقم واحد ممكن مثل ما ذكرت سابقاً اخذ قرض او دين او العكس تسديد الديون والقروض واذا كان زحل بالثامن يزيد من هذي الدلالة حلو ، مساعدات مالية من كل شخص فلوس فجاه بدون تعب ..
.. لو فيه محكمه الله يبعد الشر عنا وعنكم وسلب حقوق كلما كانت ايجابية راح ترجع الحقوق لصاحب سنوية واذا سلبية العكس صحيح يعني ما راح ترجع وفيه ظلم لصاحب سنوية ، تقريبا هذي ابرزها ، حاكم الثاني في التاسع رغبة بالتطوير امورك تعليمية دورات تغير افكار رغبة كبيرة بالسفر او تجميع لسفر ..
.. حظوظ مالية وفرص مالية كويسه لصاحب السنوية ، حاكم البيت الثاني في العاشر اموال من العمل ، ايضا من السوشيل ميديا ، من الاب او اشخاص لهم مناصب الخ .. ، الحادي عشر من شراكة اصدقاء من الاصدقاء من السوشيل ميديا ، الثاني عشر مو شرط مال شخص هنا يحتاج رفع استحقاقه وثقته بنفسه اكثر برضو
برضو ممكن خداع او ان شخص تجيه فلوس بشكل مفاجىء من كل مكان وبشكل سري يعني صاحب السنوية متكتم على هذا الموضوع وما يحب يفتح موضوع المادي والمال مع احد حتى مع نفسه او ان داخلياً ممكن الموضوع مقلقة ومو مريح فا يقعد طول سنة يشيل هم المادة بس تلقاه ممكن يصرف بس هي افكار تدور براسه ..
طبعا حمدلله خلصنا الثريد على خير اتمنى انك استفيدو واتمنى تطبقون على خرايطكم وتقولون لي وش طلع معكم نقطة مهمة جداً جداً يا حبايبي قلبي الثاني مو بس ينحصر على المال برضو له دخل بالاستحقاق والثقه بالنفس و الممتلكات الشخصية حتى سلسالك حتى مفاتيح تعتبر من ممتلكاتك برضو ممتلكات اراضي
او بيوت او سياره وغيره يعني اكيد لو انت ما عملت بالاسباب ما راح تجيك برضو الخريطة السنوية تعطيك فرص تقدر تقبلها وتقدر ترفضها يعني مو شرط ١٠٠٪ راح تصير بس راح تعطيك فرصة كبيره انك تحققها اذا عملت بالاسباب طبعا تفرق عن الاشخاص الي عندهم دلالات كثيرة واضحة كلما كثرت الدلالات كلما ..
تاكذ الموضوع وباذن الله راح يتم و الله يكتب الي فيه الخير للجميع اتمنى استفدتو واستمتعو بالثريد 🙏🏻❤️
طبعا نسيت اذكر اخر نقطه الا وهي ان الدلالات يا حبايبي ما تنحصر على شي واحد كتبت ابرز دلالات لكن دلالات كثيرة والخريطة السنوية وكواكب والاتصالات .. الخ ، هي الي تحكم بالنهاية فا قدر الامكان حاولت اتكلم عن ابرزها باختصار
جاري تحميل الاقتراحات...