@iknowhatodo0x01 هقولك على حاجة كان نفسي حد بقولهالي أيام الجيش بس مكانش فيه اللي يوجهني.
لو جيشك في مكتب ومبتقفش خدمة كتير، في مساعد تعليم ولا شغال على كومبيوتر مثلا في مكتب، استغل الوقت واقرا واسمع واتفرج على محتوى على قد ما تقدر.
كمل 👇🏾

@iknowhatodo0x01 في الفترة دي مش مطالب تتعلم مهارة، على قد ما أنت لازم تستغلها عشان توسع معارفك.
ولو مش في مكتب، فاستغل أي وقت فاضي عشان تعمل نفس الأنشطة دي.
بعد الجمع الصبح، وقت الخدمة، بعد الندا لو معندكش خدمة، وهكذا بقى.
(٢)
كمل 👇🏾

@iknowhatodo0x01 لما تنزل أجازة متضيعاش وتقول لنفسك "أنا نفسيتي محتاجة"، نفسيتك محتاجة تعليم ومعرفة وتحضير العالم بعد الجيش.
ولو قدرت تتعلم حاجة، طبعًا اتعلم، ولو قدرت تشتغل، اشتغل.
المهم وقتك ميضيعش.
(٣)
كمل 👇🏾

@iknowhatodo0x01 لو الجيش بتاعك فيه رياضة، شارك واجتهد فيها طول مدة الجيش وحافظ على لياقتك وصحتك، وبرضه متستسلمش لأفكار السكلية.
بس طبعًا خلي بالك كويس قوي من الكتب اللي تاخدها الوحدة. عشان عندهم حساسية من بعض العناوين.
بس كده، ده اللي كان نفسي اعمله أو حد ينصحني بيه، واتمنى تعمله.