رتبها

🚨موضوع الصلاه اتوقع ومتاكد انك شفت ثريدات كثير عنها .. لكن انا بتكلم باسلوب العاميه مب نسخ ولصق كلام يوصل للعقل باذن عن الصلاه بشكل عام وو تحت التغريده .. ياليت كل واحد يشوفها ♥️

اول شي خل في بالك شي واحد انت الحين كشخص عندك جزئين جزء الحياه وجزء ما بعده " القبر "الحين انت منعم بالحياه ووو.. اول ما تدخل القبر يكون الشي الاساسي المطلوب منك الصلاه اذا عندك ذا المتطلب واديته اشياءك الباقيه بتتسهل اذا مضيع للاسف كاني اقولك مع الباب ، لكن هناك الله المستعان …

بقلك اذا بتحل مشكله مع فئه لازم تعطيهم جذر المشكله وش هي ، يعني الشخص اللي يتركها وش بيكون السبب؟
- تربيه الاهل اول سبب وعامل كبير
- البيئه المحيطه
- الجهل بقدرها
- الانشغال وحب الدنيا بزياده
واخيرا الحجج الوهميه وذي لازم تحت كم خط عليها

اول ٣ اسباب نحطها على جمب لان الشخص اذا ما فهم مهمتها اذ اكبر بيفهم لكن نجي ل٤ و٥ انه الشخص يعرف فضلها ورغم ذلك يتهاون وذا شي خطير جدا !
- واتوقع سبب كلامي بالثريد ذا اللي بيشوفه ومقصر اكيد هو ٩٩٪ متهاون او منشغل بحب الدنيا بخاطبك من باب محبه لان الموضوع شوي خطير ..

عشان تعرف كيف انت وصلت لمرحله خطيره
- الايه ذي الله يخاطب اللي يتهاون بالصلاه ويأخرها عن وقتها وتوعدهم بعىذاب!
ف كيف اللي يصلي يوم ويترك ٥ او اللي ساحب نهائيا عارف كيف الموضوع خطير؟

- بعدها ركز بذي الايه جواب مختصر على طول وش دخلكم النىار ؟
- قالو ما كنا نصلي
لو كانت ذنوبك مليانه لو كنت فيك مافيك هذا حبل بينك وبين الله لا تقطعه صل وتذكر دايم ذي العباره انه ترك الصلاه مصيره "سقر "

هذي فتوى بن باز لتارك الصلاه نهائيا او اللي يتهاون فيها ويترك فرائض منها .. ركزو بالكلام الواحد لازم يعرف الخطر شوي

الحين عندك اركان دخول الاسلام ٥ هي
- طبعها الشهاده ذي الكل يسويها بعد فضل الله
نجي ل٤ الباقيه متخيل ٣ منها تسقط في اكثر من حاله اللي هي " الصيام ، الحج ، الزكاه "
- الا الصلاه ما تسقط في اي حاله ، وكل حاله لها طريقه لاتمامها

اهل العلم انقسىمو قسمين باللي يتهاونون بالصلاه اتركك بالمقطع لان الصراحه شي مخيف

( فإن خفتم فرجالا او ركبانا )
- نفهم من الايه انه الله يوم امر بالصلاه حط اقوى عذر للشخص وهو عند لقاء العدو رغم ذلك ما تسقط ،اذا حان وقتها يجب على المؤمن انه ان يصليها على اي حال مستقبل القبلة او غير مستقبلها

الصلاه لا تسقط حتى في ارض المعركه والرؤوس تطير والأشلاء تمزق ، بل شرع الله لهم صلاه الخوف ووصفها في سوره النساء ، وكثير صار يحط اعذار وهميه عشان يتهاون فيها للاسف !!

- ينقطع الحبل بينك وبين الله
- لا يكلمك الله ولا يزكيك ولا ينظر اليك
- صلتك بالله تنقطع
- توفيقك وبركتك وكل شي تبيه ما تحصله
- وللاسف مصيره اسوء بعد وضعه بالقبر

-الرسول صلى الله عليه وسلم وصيته وهو بسكرات المىوت والمرض اهلكه قال واوصى بالصلاه يعني هذا يدلك على اهميته العظيمه وانه ما يمكن نتهاون فيها ابدا !

تجربه سواها احمد الشقيري :
- سوا اثر لفحص العقل مع الصلاه وقبلها وذا الاثر بالصوره

ملخص تجربته : ان صلاتك بخشوع وادائك ومحافظتك عليها لها فائده بالدماغ
- تنشط لك جانب الرحمه بالعقل ، وتوظفه بالشكل المناسب وهذا من اهم اسباب الانتحىار بالغرب فقدانهم لهذا الجانب وهو جانب الرحمه والعقل وصارت الحياه عندهم عشوائيه ، حتى بالاثر العلمي اثبتت اهميه الصلاه !♥️

و ذا هو المقطع ، اثر العقل قبل وبعد الصلاه والفرق العظيم !♥️♥️

الفجر = ١٠ دقايق
الظهر = ١٠ دقايق
العصر = ١٠ دقايق
المغرب = ٧ دقايق
العشاء =١٠ دقايق
-عندك باليوم ٢٤ ساعه الصلاه ما تاخذ من يومك اكثر من ٨٪ بالمئه فقط ، مستخسر تحافظ عال٨٪ والجزاء الجنه ؟ لا والله عيب وشي سهل جدا لكن غلبه وساوس الشيطان تمنعنا

مايجيك سؤال احيانا في بالك كيف يعرف النبي صلى الله عليه وسلم امته يوم القيامه ؟
- الجواب مرتبط بالصلاه واذا ضيعته ف كيف تكون من هؤلاء

البعض يحسب تكرارنا بموضوع الصلاه هو تشدد وو ، الصلاه بدا فيها الرسول وختم الرساله وهو يحرص عليها
- تخيل حالك وانت مضيع اهم عمل بعد شهاده الاسلام .. الموضوع يحتاج وقفه وذي الصوره تخليك تستشعر شوي

ادعية مفيدة اذا عندك كسل وتهاون كررها دايم
- ربي اجعلني مقيم الصلاة ومن ذريتي ربنا وتقبل دعاء
-اللهم يا مقلب القلوب ثبت قلبي على دينك
-اللهم اني اعوذ بك من العجز والكسل
-اللهم أعني على ذكرك و شكرك و حسن عبادتك
-اللهم اجعل قرة عيني في الصلاة

وهذي من الخاص ناس مبسوطين انهم رجعو للصلاه بعد تضييع … فعلا الدعاء شي غيم اذا انت عندك كسل وتجاهد نفسك دايم ادعي ربك من قلبك صدقني ماراح يضيعك

انا متاكد اذا انت عندك تهاون ووصلت هنا تقول طيب ودي اتوب بس كيف ربي يسامحني كل ما مضى حاب اطمنك انه كل شي ممكن يروح وربي يسامحك شوف ذا الثريد وشوف رحمه الله فيك اذا شافك رجعت للطريق الصحيح !♥️

من الحلول اللي فاد كثير
- ذا الكتاب " فاتنني صلاه "كثير جتني عليه توصيه انه ناس كانو مقصرين وفادهم كثير بعد هدايه ربي ⬇️
وزياده من عندي تطبيق اذكار في كل شي توقيت الصلاه والاذكار وكل شي يساعدك ⬇️