معظم ال جروبس اللي بتبيع online الحاجات اللي هي مش غالية اصلاً زي shein و primark وال drugstore makeup والهدوم اللي مش highend كلها بطلت شغل الناس كانت بتلجألها عشان ارخص واوفر من جوه مصر… كمل تضييق علي الخلق كمان كل الطبقات اتلطت الحمدلله محدش سلم المرة دي لاحول ولاقوة الابالله
مافيش حاجة نجيت الاكل الهدوم قطع غيار العربيات الفواتير البنزين الأدوية مصاريف المدارس كل شوية تلزق ضهرنا للحيط زيادة مقفل كل حاجة ومنكد علي الخلق عيشتها بجد فاضل ايه ومستنيين ايه من الناس مش فاهمة ولسه داخلين عل تخفيض تاني وسعر السوق السوده معدي ال٤٥٪+من سعر البنك فشل مابعده فشل
هو مافيش حد عاقل في المخروبة دي يقولهم ان اللي بيحصل ده غلط والخلق ضاق بيها الحال!!!! لاحول ولاقوة الا بالله
لا صناعة ولا مكونات انتاج ولا قطع غيار ولا تجارة ولا تراخيص ولا انتاج حيواني ولا زراعة اعلاف وسماد وضرايب كل حاجة غليت ع الصناع والتجار ووقفوا نشاط ومن قبلهم المقاولات الشركات الصغيرة والمتوسطة في البيت وسرحوا العمالة الشركات الجديدة بتفتح برة مصر لصعوبة الاجراءات عندك.. فاضل ايه
مصنع جرين لاند بيستغيث مربي الدواجن بيموتوا الكتاكيت لا جبنة ولا فراخ ولابيض… الزراعة الاسمدة الناس بتصوت من اسعارها المواشي بقت اعلافها مولعة تراخيص المحلات فشختهم اجراءات حتي الل راجعين من السفر بقيتوا تقشطوهم ولا قطاع الطرق ماسكنلي ٤ تولات دهب ولا موبايلين وعاملين ابضايات!!
ده حتي مستشفي ٥٧٣٥٧ بقت تستغيث من قلة التبرعات الخلق ضاق بيها ويادوب ممشية نفسها ومابقتش قادرة تساعد غيرها.. عاوزين ايه مش فاهمة انا عاوزة حد يفهمني ايه المطلوب عشان علي الاقل اعمل حسابي مش كل يوم نستفتح بخرا غموض وsuspense هاتلي من ابو ناهية وعرفني هدفك … خره عليكي بلد
كل حاجة عجن عجن الا مافي حاجة ماشية صح لا وبعين وبجباير تطلوا تتهموا الناس بقلة الرضا والحجود…٣٠ يونيو وازاحة الاخوان بقا عامل زي جون مجدي عبدالغني اتحول لعويل بيذلنا بيه بقاله بتاع ٢٠ سنة وزيادة محدش ناكره بس احنا طفحناه وطلع عين اهلنا حرفياً سعادتك !!! لاحول ولاقوة الا بالله
ومدور اوسخ لجان عل الخلق في السوشيال ميديا اي حد يشتكي تلاقي جحافل وطيان ومزايدات علي شكوة الخلق ومذيعين بيقبضوا ملايين يطلعوا يكدرونا ويتهمونا بالجحود ووزرا تطلع تشلنا وتقولنا ان اقتصادنا بيتحسد والتاني طلع يندب ان مرتبه بالدولار مايسواش!!! جرا ايه اخرة الزريبة دي ايه حد يفهمني!
لا الناس فاهمة الوضع الحالي ولا رايحين فين ولا هانفضل كدة لامتي تهزيق ولبس ف الحيط وكل واحد يتصرف مع نفسه كل يوم نصحا بختك يابو بخيت واحنا وحظنا وزي ماترسي… الضغط الاقتصادي علي الخلق لو انفجر امنياً لن ينجو احد ومش قصدي ثورات ولا تمرد هاتقلب سرقة وجرايم وقرف ع الكل محدش هايسلم
لو كل واحد نطق من مجال شغله ورص النواقص الكفيلة توقف المراكب السايرة في كل مجال هاتلطموا لا في قطع غيار صيانة عربيات ولا قطع غيار صيانة مكن مصانع ولا خامات ولا صناعات وسيطة حتي الل بيتصنع جوة مصر اكل شرب هدوم حاله واقف تجميع اجهزة صيانة المعدات الطبية مكن ال ATM وPOS وغيره كتير
جاري تحميل الاقتراحات...