لمّا تشوف حد أعلى منك في أي حاجة .. شكل ، مال ، لمة الناس حواليه ، جوازة ، عيال ، مستوى تعليمي ، مستوى اجتماعي ، ذكاء .. الخ ؟
ساعتها قول جوا نفسك كلمة واحدة ده " فتنة " ؟
لإن ربك قال في كتابه : " وَجَعَلْنَا بَعْضَكُمْ لِبَعْضٍ فِتْنَةً أَتَصْبِرُونَ "

يعني انت فتنة ليه و هو فتنه ليك .. ازاي ؟
هو فتنة ليك علشان يظهرلك حقيقة قلبك من حسد أو غل و حب الخير ليه .. و فتنة ليه إنه يظهر له حقيقة قلبه سواء كبر ولا حب العلو ولا عجب ولا تواضع .. بس حاول ساعة لمّا تشوف حد أعلى منك إنك تحذر من حاجة..

إنك تقعد تدور على عيب فيه علشان تهدي نفسك ؟ يعني تقعد تدور وراه علشان تشوف ايه الناقص ؟ ..او تقعد تفترض سيناريوهات لاشكال نقص ما ممكن تكون موجودة في حياته لمجرد إنك بتهدي نفسك ؟
لإن فكرة إن " نقص غيري " هو اللي بيهديني شوية جوايا .. دي محتاج وقفة ليك مع نفسك ؟

بإختصار دايما هيكون في أحسن ف اقتنع بطبيعة الدنيا دي .. و احرص تنجح فيما يخصك في الفتنة دي .. إنك تتمنى له الخير و ترضى بحالك و تدعي اللي رزقه يرزقك و يباركله ؟

لو لم تنجح يا صديقي في زرع بذور الرضا في قلبك يوما .. ف سوف تظل تبحث عن نبتة السعادة في الأشياء وفي قلوب الناس .. ولن تجدها للأسف " صدقني ؟ "
#كن_ذا_أثر_طيب
منقول