كل صديق مايراعيك شعورياً ولا نفسياً أنت غير ملزم بالاستمرار معه ، بأخر فتره تأكدت إن الاصدقاء لهم دور بالنفسيه سلبياً ولا ايجابياً ، فيه اشخاص تبعد عنهم لإن حديثهم فقط يحزنك فوق حزنك وفيه اشخاص تتحمس للطاعات والحياه بمجرد الحديث معهم ، لا تبعد اصدقاءك بقوه فجاة

بهدوء ولين ورفق أبعد الشخص اللي يأذيك نفسياً ، ومن شخص مجرب الشخص اللي متعلق فيك لدرجه يكون أناني في بعض علاقاته لأجلك هذا يحتاج رفق اكثر من غيره

وبدوركم كبشر لا تأذون الاصدقاء بالتملك والغيره وغيرها الصداقه أبسط من كذا واجمل ، مو لازم الشخص يكلمك ٢٤ ساعه عشان يكون صديق مفضل ، اهم شيء تحبون بعض لدرجه تخافون على سوء مشاعر الاخر وتكونون عون على الخير وطبعاً افضل الحب هو الحب بالله ، ولا درجه بالحب تعلى على الحب بالله

ومن شخص مجرب الفرص للمحبين تستاهل تعطيهم اياها ، ما اشجع على قطع العلاقات نهائيا بالعكس حاول تكون لين حليم صبور ، اللين مرحله قلبك بيقول فيها وقف ؛ الفرص ماعادت تنفع .