أي شخص عنده رغبة وشغف في الخروج بقناة يوتيوب وحساب تويتر للحديث عن المشاريع السعودية والتطورات المحلية…راسلني خاص بحسابك ومقاطعك…وإن شاء الله ماتنتهي 2023 إلا وانت مشهور بين الناس "ازهلها"…بس تكفى اتعب على نفسك "صوت ومونتاج ومحتوى"…الشهرة تبي تعب…بأدعمك ومتابعيني بيدعمونك
=

وفوقها بأتابع معك المحتوى اذا بغيت استشارات اقتصاد وسياسة…بتقول وش المقابل؟ ولا شيء…انت لك شهرتك واعلاناتك الله يرزقك…وانا ومتابعيني لنا شعور الإنجاز
لا يردك شي…ترى راس مالها مايك وكاميرا ومونتاج بسيط وانت ببيتك…المحتوى الي تقدمه بيفرض نفسه حتى لو انك جالس على رصيف بيتكم

عندك مئات الأخبار اليومية تقدر تبدع في شرحها وبثها…حسابي القديم يوم تقفل ماتحسفت على شي…كثر ماتحسفت على تقصيري في دعم أصحاب المحتوى النوعي…عندنا كنز هائل من القدرات…يبون فرصة ظهور…حسابي متواضع…لكن عندي متابعين يرفعون الراس ومايقصرون…بس يبون جدية ونماذج عملية مو أفكار