لو يومك عدى عليك وضيعت فرض من الفروض ومزعلتش ع الفرض دا يبقى لازم تقلق من نفسك .. لو اليوم عدى عليك من غير ما تحمد ربنا ع النعم ال مدهالك يبقى صدقني لازم تقلق من نفسك ، لو جينا فكرنا في شوية حاجات بسيطه كدا وركزنا فيها وخلينا همنا كله فيها حياتنا هتتغير للاحسن ..

ممكن في نهاية كل يوم قبل ما تنام تفكر انت عملت ايه لربنا النهاردة ؟ صليت كل الفروض مثلاً ؟ قرأت ورد من القرآن ؟ طلعت صدقه ولو جنيه واحد ؟ حمدت ربنا ؟ حافظت ع صلاة الفجر في جماعه ؟

لو سألنا الأسئلة دى لنفسنا قبل ما نام حياتنا هتتغير للاحسن او ع الأقل حالتنا النفسيه والمزاجية هتتغير للاحسن .. معظمنا حالياً قبل ما ينام بيحمل نفسه هموم فوق طاقته وبيفكر في ال جاي ومتشائم من ال جاي ودايما تفكيره سلبي في حق نفسه " كلنا كدا أحياناً " ..

فإحنا لو غيرنا النظرية دى والتشائم وعدم الثقه بالله للحاجات ال ذكرناها فوق دى نفسيتنا وحياتنا هتتغير ١٨٠ ° للاحسن ..
منقول