تدرون عندي ان زحل الحادي عشر بالسنوية اسوء من زحل الاول ! .. ليه ؟ لان هنا الشخص راح يقطع كل تواصله مع الناس سواء قريب او بعيد ما عنده مشكله يتوحد هذي السنة لحاله وهذي مشكلة لان ممكن الي حوله يفهمونه غلط وراح يكون صعب عليه انه يصير اجتماعي او انه يرجع يتحاور مع الناس يحس ..

..يحس بالغربة اتجاهه الناس وعدم الانتماء وسهل عنده يعيش بدون سوشيل ميديا بدون انه يتكلم مع الناس بدون اي شي فيه تواصل متخيلين ؟ متخيلين يوصل هذا الشخص انه يقطع علاقاته مع قريب وبعيد وما تفرق معه لان معد يحس بالاطراف الثانية سواء مشاعرهم او غيره عشان كذا اشوفه اسوء من زحل الاول ..

اما زحل الاول في السنوية هنا راح تنصقل شخصيتة اجباري لا خياري راح تجيه دروس تعلمه ان يتغير بالغصب نفسياً معنويا فكرياً من كل نواحي حتى شكلياً لا تستغربون صقل لا نهائي شخصية جديدة بس شخصية هذي بتكون اقوى وبتكون الصح الي لازم يكمل عليها لان شخصية الي قبل ما تناسب المراحل الجاية ..

فا زحل الاول راح يغير شخصيتة ١٨٠ درجة عشان يخليه مستعد لمراحل حياته الجاية بيمر باسوء مخاوفه واكثر مواقف الي يخاف منها لكن بيطلع منها قوي ومتغير وفاهم ومعد يحتاج يرجع لاي درس قبل لان يكون خلاص فهمه مهما كان مؤلم درسه راح يفهمه ويعيده بكل سهوله

وصحيح زحل الاول نزول بالوزن برضو طالع الجدي في السنوية ، لكن اذا كان طالع ثور وزحل اول او طالع سرطان وزحل اول او طالع اسد وزحل اول هنا وزن غير ثابت هبوط وارتفاع مو نزول تام ، برضو زحل في البيت السادس نزول بالوزن ، اما مشتري بالاول ارتفاع بالوزن برضو مشتري السادس ارتفاع بالوزن