- مش خايفه بكره اتحول ؟
-- ايه تتحول دي ، هتقلب ديناصور يعني؟
-هه لأ قصدي اتغير ابقى نسخه من اللي خذلوكي..
-- امم لأ مبقتش اخاف ، انا مش هدخل ف اللعبه دي تاني .. لو حسيت انك بدأت تستغل حبي ليك او تلعب ويايا استغماية المشاعر دي .. همشي يا يحيى

- بقيتي اقسى قصدك؟
-- ليه بتسميها قسوة ليه متقولش ذكاء ، نضج ، كرامه
- انا على كده هحاسب على غلطات اللي قبلي!
-- لا طبعاً اللي قبلك حب داليا البريئه اللي عيونها مغمضه اللي شايفه الدنيا شبه افلام ديزني ، لكن انت حبيت داليا اللي عيونها مفتحه وبتعرف تقول لأ..

- داليا القديمة مبقاش فاضل منها حاجه؟
-- لا فاضل لبسها ونوع الماسكره اللي بتستخدمها وازازة برفانها وموبيلها و اوضتها وسريرها ، فاضل ريحتها بس روحها لأ اتبدلت ، بقت بتعرف تاخد القرار وقادرة تسيب المكان اللي ميرحيهاش ..

- بقيتي تخوفي ، حاسس اني على كف عفريت ، لحظة ممكن اصحى الاقيكي مش موجوده !
-- للاسف يا يحيى انت زيك زي كل الرجاله ، بيبحبوا يطمنوا ان الست متعلقه فيهم وتموت من غيرهم ومتقدرش تسيبهم ، لكن مبيعملوش اللي يخليها تفضل ، عايزين اكبر حُب باقل مقابل ..
- تفتكري هقدر احافظ على وجودك ؟

-- افتكر لو انت سوي ، افتكر لاني برغم انك شايفني قاسية فـ انت لو زرعتلي وردة هزرعلك بستان ، انا مش قاسية يا يحيى انا بحافظ على قلبي ، مش هينفع اتوجع تاني صدقني .
راقت لي
منقول من
قصص عشاق