حابب اتكلم فالثريد دا عن مرض كميه مهوله من البشر مصابين بيه ٣٧ مليون انسان ف امريكا مصابين بالمرض و ٩٦ مليون علي وشك الاصابه بيه وهو مرض السكر( diabetes) ايه هو السكر ويعني سكر نوع اول ونوع تاني وايه اعراضه وازاي ممكن نتجنب الاصابه بيه كل دا هتكلم عنه ب اختصار فالثريد دا
اولا مرض السكر هو مرض بيحصل نتيجه زياده معدلات الجلوكوز فالدم والجلوكوز دا هو البنزين بتاع الجسم اي اكل بتاكله سواء فيه سكر او لا لازم يتحول فالنهايه للجلوكوز سواء من دهون او بروتين او كربوهيدرات عشان تاخد منه طاقه سوا للعمليات الحيويه فالجسم او للمجهود البدني والعقلي
زياده معدل الجلوكوز فالدم بيحصل نتيجه فشل تكسيره ل ATP اللي هو وحدة الطاقه بتاعة الجسم طب فشل تكسير الجلوكوز دا بيجي منين ؟ من سببين اللي هما السكر النوع الاول والسكر النوع التاني كل واحد فيهم بيحصل خلل فتكسير الجلوكوز لسبب ما هنبدأ بالنوع الاول
اولا الجلوكوز معدله الطبيعي فالدم من 80:120 mg/DCl وعشان يتكسر محتاج هرمون اسمه الانسولين ودا بيتفرز من خلايا بيتا اللي موجوده فالبنكرياس ف مرضي النوع الاول خلايا المناعه بتهاجم خلايا بيتا لسبب مش معروف وتدمرها ف بالتالي مفيش انسيلوين يكسر الجلوكوز دا ف بيزيد فالدم عن الطبيعي
ف النوع الاول دا مرض مناعي غالبا بسبب عامل وراثي ومفيش اي طريقه نقدر نمنع بيها المرض دا اللي غالبًا بيجي للاطفال ويكمل معاهم طول حياتهم وملوش اي علاج الا حقن الانسولين اللي بتعوض الانسيلوين اللي مش بيتفرز من الجسم
النوع التاني بقا من السكر ودا البنكرياس سليم والانسلوين موجود بس الخلايا مش عارفه تستخدمه ؛ ودا بسبب ان كل الخلايا عليها مستقبلات جلوكوز (insulin receptors) ودا بتبقا زي القفل والمفتاح ؛يخش المفتاح اللي هو الانسولين جوا المستقبلات دي اللي هي القفل
ف فالنوع التاني المستقبلات دي بتتقفل ف الانسولين مش عارف يخش جوا الخليه عشان يقوم بوظيفته وهي تكسر الجلوكوز الزايد ويوديه للكبد ك جليكوچين او فالعضلات والباقي بتخزن علي صورة دهون ؛ النوع التاني دا بيكون بسبب عادات غذائيه خاطئه او عادات يوميه بنعملها غلط وممكن نتلاشي حدوثه
طب ايه هي اعراض السكر عموما .. المشهور العطش الشديد ودخول الحمام كتير ودا بسبب ان الجسم عايز يخلص من الجلوكوز الزايد دا عن طريق البول ف بيزود عدد مرات التبول عشان يخلص منه ؛وفيه ناس بتاعني من تنميل الاطراف ضعف البصر ودا لما بيهمل ف اكتشافه ويكون مرحله متأخره
طب ايه هي درجات السكر او حاجه الناس مريضة السكر diabetic ودول معدل الجلوكوز اكتر من ٢٠٠ بعد صيام ٨ ساعات
تاني حاجه حاجه اسمها ما قبل السكري pre diabetic ودول علي وشك الاصابه ودول سكرهم بيكون ما بين ١٤٠ :٢٠٠ بعد صيام ٨ ساعات ودول غالبا بيمشوا علي علاج تحفظي مع الاهتمام باكل صحي
تاني حاجه حاجه اسمها ما قبل السكري pre diabetic ودول علي وشك الاصابه ودول سكرهم بيكون ما بين ١٤٠ :٢٠٠ بعد صيام ٨ ساعات ودول غالبا بيمشوا علي علاج تحفظي مع الاهتمام باكل صحي
طب ايه هي اسباب الاصابه بالسكر ؟ قولنا النوع الاول دا وراثي ومناعي مفيش ليه اسباب انما النوع التاني بسبب عادات عذائيه غلط وهي تناول اكل ذا معدل جليسيمي عالي High glycemic index طب يعني معدل جليسيمي عالي ؟ دا معناه سرعه تكسير الاكل وتحويله لجلوكوز فالدم
والاكلات اللي هي معدل جليسيمي عالي دي زي الدقيق الابيض والسكريات والحلويات والمكرونه و العيش الابيض وكل دا بالاضافه ل قلة الحركه بعد الاكل ف بتزود مقاومه الخلايا للانسولين ف بالتالي زياده معدل الجلوكوز فالدم
طب ايه مخاطر السكر لو ومتعالجش ؟ اولا الجلوكوز حجمه كبير فالدم ف بيقلل وصول الدم لحتت كتير فالجسم زي شبكيه العين او الاعصاب الطرفيه وعدم وصول الدم ليه نتيجه واحده وهي تلف فالخلايا بعدين تبتدي تفقد الوظيفه بتاعتها عشان كدا اشهر مشكلتين ل مريض السكر هما تنميل الاطراف وضعف البصر
واكبر مشكله هي polyneuropathy او التهابات الاعصاب الطرفيه ودي اللي بتؤدي للقدم السكري diabetic foot لان الاعصاب اللي بتبوظ ويقل فيها الاحساس مسؤوله عن الاحساس بالالم ف لو حصل اي جرح فالرجل المريض مش هيحس ف هيعرضه ان يحصل عدوي فالجرح بسبب انه مش واخد باله منه
وبسبب عدم وصول الدم للاطراف كويس بسبب حجم الجلوكوز الكبير دا بيقلل معدل التئام الجروح اللي بيزيد من الطين بله وبالتالي الجرح الملوث اللي مش بيقفل دا هيؤدي لحدوث قرح ممكن تؤدي فالنهايه الي لا قدر الله بتر فالقدم ودا مشهور ف المراحل المتقدمه جدًا من مرضي السكر
طب ازاي نقلل حدوث مرض السكر ؟ اولا الالتزام بعادات صحيه فالاكل نقلل الفاست فود والسكريات واي اكل ليها معدل جليسيمي عالي زي ما قولت من شويه نكتر الحركه ونقلل الكسل وطبعًا نقطع التدخين تماما لانه من الكوارث فعلا ولو فيه وزن زايد دا من اهم اسباب الاصابه بمرض السكري لازم تخفيض الوزن
وطبعًا ناكل اكلات ليها معدل جليسيمي قليل low glycemic index ودي الاكل اللي بتحتاج وقت كبير عشان تتحول لجلوكوز فالجسم مش هيفرز انسولين بسرعه كبيره وبكميه كبيره والاكلات دي زي اي حبوب كامله زي الشوفان الارز البني والحبوب زي العدس والفول و و وطبعًا الخضروات والفواكه
وبس كدا انتهي الثريد اتمني تكونوا استفادتوا وقدرت اساعد فالفهم ولو اي حد عنده سؤال انا تحت امره
جاري تحميل الاقتراحات...