عايزة احكيلكم شوية عن سيوة، دي مش أوي مرة أروحها أنا وأختي وقررنا المرادي منطلعش مع شركة إنما نطلع مع حد من أهل البلد اللي عرفناهم السنين اللي فاتت وقد كان
حجزنا مع أتوبيس غرب الدلتا من القاهرة الاتوبيس كان كويس آكشلي الطريق متعب طبعًا وصلنا في ١٢ ساعة وهما كمينين بس اللي وقفنا فيهم كمين بير النص و كمين الكيلو ٧ والتفتيش كان حاجة بسيطة خالص
أول يوم روحنا وريحنا من الطريق شوية و بعدين نزلنا السفاري
السفاري في سيوة أحلى سفاري ممكن تروحوها في مصر خصوصًا لو السواق معاك رايق هيظبطك جامد في نص السفاري بننزل عند عين ماية سخنة لو حد حابب ينزل وبعدها بنكمل السفاري وبنروح ساند بوردينج للي حابب يعملها بعد كده
السفاري في سيوة أحلى سفاري ممكن تروحوها في مصر خصوصًا لو السواق معاك رايق هيظبطك جامد في نص السفاري بننزل عند عين ماية سخنة لو حد حابب ينزل وبعدها بنكمل السفاري وبنروح ساند بوردينج للي حابب يعملها بعد كده
بنعمل راكية نار ونشرب شاي وناكل بلح واحنا بنتفرج عالغروب
بليل روحنا العشا في كامب علي خالد وعيون الماية السخنة نزلنا الماية وسهرنا وكان فيه حفلة سيوية حضرناها وانتهى اليوم على كده
تاني يوم روحنا بحيرات الملح و دي غير ان المناظر تحفة للتصوير ممكن تروح معاك مايوهاتك و تنزل وحتى لو مبتعرفش تعوم مش هتغرق
بعد بحيرات الملح روحنا جبل الموتى لو مش مهتم بالآثار اوي مش هيفيدك في حاجة بس الڤيو من فوق وهمي والصور عليه تحفة
بعدها روحنا نشوف الغروب من جزيرة لسه فاتحة جديد مش كل الناس تعرفها اسمها جزيرة ايلينا و شوفنا الغروب من هناك وشربنا عصير جوافة بالريحان واي حاجة بالريحان signature هناك في البلد
بعد إيلينا انطلقنا لوادي الملوك وده مطعم رايق جدا مش في وسط البلد تقدر تشوف النجوم من هناك و الاضاءة هادية والاكل كان فراخ بدبس الرمان كانت خطيرة
اليوم التالت كان فيه قلعة شالي القديمة في وسط البلد
وبعده روحنا عين كليوباترا لو حابب تنزل الماية و تشرب عصير مانجا بالريحان او اي عصير من العصاير المميزة عندهم
وبعد كده روحنا عالمكان اللي يعتبر احلى مكان روحته ف الرحلة دي كامب دكتور أمين
وبعده روحنا عين كليوباترا لو حابب تنزل الماية و تشرب عصير مانجا بالريحان او اي عصير من العصاير المميزة عندهم
وبعد كده روحنا عالمكان اللي يعتبر احلى مكان روحته ف الرحلة دي كامب دكتور أمين
كامب دكتور أمين كامب حواليه بحيرة وكلنا هناك أحلى مبكبكة أنا كنت برقص من حلاوتها
موسى قعد يغني و جبنا الطبلة و قعدنا نغني و نرقص تحت النجوم والقمر بدر كان يوم وهمي بصراحة
نسيت اقولكم اننا قبل الكامب روحنا مزرعة سوبيك ودي بدايات محمية طبيعية فيها حيوانات كتير حلوة اوي ولعبنا مع النعام و بصراحة كانت تجربة حلوة اوي
اليوم التالت روحنا معبد تتويج الاسكندر و جزيرة فطناس
فطناس هى أشهر جزيرة في سيوة عشان كده كانت زحمة جدًا
فطناس هى أشهر جزيرة في سيوة عشان كده كانت زحمة جدًا
بليل روحنا اتعشينا في ادرار ازوار وده فندق بس القعدة فيه كانت جميلة و كنا مستمتعين جدًا بالهدوء هناك
آخر يوم المارك فيه كانت جزيرة طغاغين غروب جميل وتلعب وتأكّل الحمام وكانت لذيذة خالص بصراحة
وبكده تكون رحلة سيوة خلصت هى المفروض ٤ ايام بس مش خمسة احنا قعدنا يوم زيادة وروحنا بليل ف اتوبيس غرب الدلتا برضه
خلوني أختم الكلام بفيديو لموسى وهو بيغني
واللي ميعرفش موسى هو قائد فرقة سيوة لإحياء الحفلات
خلوني أختم الكلام بفيديو لموسى وهو بيغني
واللي ميعرفش موسى هو قائد فرقة سيوة لإحياء الحفلات
بجد سيوة مشوار عنيف آه وتكلفة ممكن تكون غالية شوية بس الطريق يستاهل حقيقي
جاري تحميل الاقتراحات...