تعالوا احكيلكم حكاية😌
اول امبارح حماتي اتخانقت مع ولادها وطبعا انا مش بتدخل لان دي ام مع اولادها وهما احرار مع بعض. المهم سمعتها بتعيط صعبت عليا ونزلت اطيب خاطرها واقولها حقك عليا. شتمتني ووجعتني جدا رغم اني مالقتش ولا كلمة خارجة عن الحدود.قلتها طيب يا امي كتر خيرك بس انا زعلانة

قالتلي اتفلقي😕قلتها تصبحي علي خير وسيبتها وطلعت شقتي وانا جوايا بركان غضب وغليان مش طبيعي.. ايه ده انا ماردتش عليها ليه؟انا ما اخدتش حقي ليه؟ انا اصلا ايه خلاني نزلت ماكنت سيبتها تعيط؟ كل ده كان جوايا لحد ما جوزي رجع البيت😌حكيتله وقولتله علي فكرة امك قالتلي كذا وكذا وكذا

وعلي فكرة اهو انت اللي كذا وكذا وكذا🫣الراجل قالي ماشي انا موافق مادام ماردتيش علي امي وحقك عليا.. امبارح الضهر لقيت الست حماتي طالعة عندي وتقولي انا جعانة خلصتي الغدا ولا لسة😳كاعرفش ايه اللي خلاني اقولها حالا يا امي اتفضلي ادخلي وامسك ايديها ابوسها😏

ودخلت المطبخ وعملتلها تصبيرة سريعة وشاي علي ما الغدا يخلص.. واتغدت معانا وبعد الغدا لاقيتها بتطبطب عليا وتقولي حقك عليا انت بنت اصول ومالكيش دعوة انا بس ماصدقا اني اتفش في اي حد😔فضل لساني في بؤي ومعرفتش ارد عليها وبعدين اخدتني في حضنها وعيطت وقالتلي امك وابوكي ربوكي احسن تربية

مش زي ولاد الوسخة ولادي اللي امهم ماعرفتش تربيهم🫣وفتحت خناق تاني مع جوزي 😂😂😂