رتبها

تويتر مكان لذيذ وشوية خبرات فى حياتنا من الصعب نوصلها في الواقع علشان كده لازم نعرف ازاى نستفيد من وجودنا فيه ونقدر نخليه في حجمه الحقيقي مجرد مكان للضحك والهزار مع شوية تحفيل كورة اومجرد تويتات حلوة تتفرج عليها مش مكان للضغط على اعصابنا ولا يأثر على مودنا خاااالص
١ يتبع 👇

مبدأيا فى شوية حاجات كده لازم نفهمها علشان الموضوع ميبقاش ضاغط على أعصابنا ..
لازم ناخد بالنا من النصابين المنتشرين بكثرة على تويتر ودول انواع كتير اوى فى منهم نصابين الفلوس زى اللى بيدخل عليك بصحوبية واهتمام لحد ما تثق فيه وبعدها يبتدى يعمل الحوار المتين زى …
٢ يتبع 👇

مثلا ان زوجته هتعمل عملية او إنه عليه دين كبير وهيتسجن او اى طريقة على حسب امكانيات النصاب نفسه، وفى نوع تانى من نصابين المشاعر ودول خطرجدا علشان بيسببوا جرح كبيرنفسيا سواء بقى راجل او ست اللى هما بيشتغلوا مشاعركم لحد ما ياخدوا الثقة يبتدوا مكالمات ثم صور ثم …
٣ يتبع 👇

مكالمة فيديو ثم تقع الفاس فى الراس وتبتدى مرحلة الابتزاز المادى غالبا وفى انواع تانى كتير منتشرة بس دى بعض النماذج ...نييجى بقى لحاجة تانى وهى شلة الصحاب والجروبات والأخوة المزيفة ومنافسات مين احلى وانضف اخوات واصحاب فى تويتر ومن الاخر…
٤ يتبع 👇

مفيش صداقات اواصحاب اومجموعة على تويتر غير لما بيتحط عليها وبتاخد فوق دماغها في الاخر مهما كانوا عاملين فيها جامدين وناصحين لازم يلبسو فى الحيط ودى حاجة واقعية..
حسابات الاندرايدج اللى بتحط صورجذابة ويدخل يريل عليها شوية رجالة مراهقة دول تضربوهم بالجزمة وبلوك ليهم كلهم ٥ يتبع 👇

نيجى بقى لنقطة مهمة بخصوص ان فى ناس كتير بتعمل اكونتات فيك او تلاقى واحدة عاملة اكونت راجل علشان تراقب بيه حد او تلاقى ذكر عامل اكونت بنت علشان يعرف يبتز البنات فناخد بالنا علشان دول كتير اوى اوعى تأمن لأى حد
٦ يتبع 👇

لما تعمل بلوك لحد او حد يبلكك اوعى تفضل شاغل دماغك بيه سيبه يولع بعيد عنك خالص الله يرحمه خد الشر وراح وبالذات لو كان فى بينكم صداقة او عشرة شوية علشان متتعبش دماغك بالاشكال دى خالص علشان مش هيبطلوا وساخة ٧ يتبع 👇

فى تويتر لازم تتوقع اى حاجة وكل حاجة من اى حد فى أى وقت لان فى ناس شياطين واشطر من ابليس ذات نفسه واوعى تثق ثقة عمياء زى الاهبل وتقول ان ده او دى استحالة تعمل كده ابدا علشان انت كده عبيط كل حاجه ممكن تتعمل عادي فلازم تاخد بالك
٨ يتبع 👇

العلاقات فى تويتر بصفة عامة مجرد مراحل يعنى من الصعب تلاقى ناس بتكمل معاك ولو لقيت حد شبهك واثبت بالتجربة بدل المرة مليون انه يستحق صداقتك ده بقى تمسك فيه بايدك واسنانك وتحافظ عليه علشان دول حاجة نادرة جدا
٩ يتبع 👇

مش كل اللى بتشوفه ع التايم حقيقة علشان هتتفاجئ ان فى ناس ممكن يبانواانهم بينهم مشاكل وحواديت والحقيقة انهم بالعكس تماما دى خطط بس علشان ينقلوا كلام او يتجسسوا عليكم وهكذا وومكن يكون العكس ان ناس بتبان صحاب واخوات وهما بيلعنوا بعض بس لسه الفرصة مجتش يظهروا حقيقتهم
١٠ يتبع 👇

لازم يكون عندكم حدود فى التعامل والهزار والفضفضة مع اى حد علشان اوقات كتير اللى بيتقال فى خمس دقايق بيتعمل منه قصص وروايات وياريت لما تقطعوا علاقتكم بحد اوعوا تجيبوا سيرته بحلو او وحش انسوه وشيلوه من دماغكم نهائيا
١١ يتبع 👇

لو حد قال لك ان فلان بيتكلم عليك يا ريت متصدقوش حتى لو حصل علشان سواء اللى اتكلم او نقل الكلام الاتنين شوية قاذورات ولو يجرؤ كان قال فى وشك بس دول تحطهم تحت جزمتك وتدوس وتعدى بسرعة
١٢ يتبع 👇

طبعا علاقات الحب والمشاعر على تويتردى معظمها محدش ليه دخل فيها لانها بتتولد بدون ما ناخد بالنا علشان كده لو صادفتوا حد بيحبكم بجد حافظوا عليه واتمسكوا بيه بشرط ان تكون العلاقة حقيقية مش مجرد علاقة عابرة او فيك
١٣ يتبع 👇

لو فى ارتباط عاطفى او رسمى سواء زواج او خطوبة مع حد فى تويتر ابسط حاجة انك تدارى عليها لانها حاجة شخصية مش من حق حد يتدخل فيها ولا انك تغيظى فلانة او تعيش الدور على فلان علشان هى فى الاخر هتبوظ حافظوا على علاقاتكم الخاصة بعيد عن تويتر
١٤ يتبع 👇

نوصل بقى لموضوع التيمات والجروبات دى بقى موال كبير،حاجة ملهاش اى تلاتين لازمة معظمها للشقط او شوية نرجسية وسيطرة من ناس تافهة علشان يثبتوا انهم نجوم ومشهورين او حريم مش لاقية رجالة الا البعض طبعا اللى بيكون ليهم هدف واضح زى الهاشات ودول قليلين فنصيحة بلاش تيمات نهائيا
١٥ يتبع 👇

نيجى بقى لموضوع الاسبيس او المساحات ودى دنيا وعالم ابن لذينا هتلاقى فيه كل انواع البشر اللى بتشوفهم فى الواقع او حتى الاصناف اللى مسمعتش عنها هتصادف مثلا شخص عايش فى وسط الستات والحريم ووقت الصلاة يقول لك انا رايح افتح المسجد ولا واحد اهبل فاكر الاسبيس كافيه
١٦ يتبع 👇

ولا تلاقى واحد خاطب واحدة ولا ماشى معاها ومدخلها الاسبيس علشان بس يبان قدام الناس انه مرغوب وهو واخدها كوبرى علشان يظبط حريم من وراها ولا واحد محدش يعرفه غير ابوه وامه وهو مقتنع إنه نجم وكده وهو أمه متجوزة علشان تصرف عليه
١٧ يتبع 👇

وهتلاقى واحدة مثلا عايزة تتشقط عادى فبتنقى واحد من الاسبيس صوته ناعم مع شوية ناس جهلاء وكاتبين دكتور ومهندس وناس تانى داخلة بس لمجرد انها تسمع صوت حلو وناس عاملين صحاب واخوات وهما ماسكين بعض رغى فى ضهر بعض علشان بس يكسبوا نقطة على حساب سمعته
١٨ يتبع 👇

وكمان هتلاقى اشكال والوان من البشرضعاف النفوس والمرضى النفسيين والمعقدين وفتايين الدين والسياسة والكورة من العامة والاعلاميين والمشاهير بس على الرغم من كل ده هيفضل تويتر مكان ممتع بس تعرف ازاى تتعامل معاه ومش معنى كلامى ان كل الناس وحشة او اخلاقهم ضايعة
١٩ يتبع 👇

علشان فى ناس اكيد زى الفل وولاد اصول لسه محافظين على طبيعتهم
فنصيحة مهمه بقى بلاش تعمل نفسك كاريزما ونجم علشان انت مثلا مش هتاخد كاس العالم فى الاسبيسات ولا الحاصل على الاكثر فلورز ولا الاكونت المثالى خليك على طبيعتك بلاش تمثيل كن أنت يا صديقى .. ٢٠ يتبع 👇

نختم بقى الثريد ونقول خلى تعاملك مع الناس بطريقة شيك ولذيذة لما حد يعلمق لك رد عليه مش على صحابك بس لما حد يغيب اسأل عليه وراعوا ظروف بعض خليك مهذب فى ردودك متدخلش تويتات حد وكومنات بين الناس متبقاش حشرى وبلاش هجوم وفرد عضلات من الاخر طول ما هتحترم الناس انت بتحترم نفسك ٢١ ✋بااى

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد