بصراحة والحق يتقال،
الموضوع أكبر وأعمق من حذف تويتات مخالفة لتوجهات المنصة.
تخيل معايا إنت متابع ٥٠٠ حساب مثلا،
لو ال ٥٠٠ حساب (إفتراضاً يعني):
١٥٠ قالوا يمين
١٠٠ قالوا شمال
و ٢٥٠ قالوا مالناش دعوة.
وتويتر داعم للشمال، سواء برغبته أو بأمر من سلطة عليا
١

و إنت دخلت تويتر لقيت ١٠٠ تويت ورا بعض بيقولوا شمال وبيقنعوك بالشمال.
هتلاقي نفسك مقتنع تماماً بالشمال، ومؤمن إن الشمال هو الصح،
ومش بس كدة،
إنت هتدافع عن الشمال
وتهاجم و تسفه أي حد ضد الشمال.
٢

طيب لو قولتلك إن تويتر يقدر يقرر و ينفذ إنه يخليك ما تشوفتش تويتات ال ١٥٠ اللي قالوا يمين و ال ٢٥٠ اللي قالوا مالناش دعوة؟
أيوة يقدر وفعليا بيعمل كدة كل يوم وكل ساعة من خلال أدوات كتير منها فلاتر المحتوى و لوغاريتم التايملاين.
٤

بالأمانة محدش هيقدر يشرح اللوغاريتم بيشتغل إزاي لإنه مجموعة معادلات حسابية معقدة جدا، بس ممكن أبسطهالك،
تويتر هيحط فلتر إن كل تويت المفروض تظهر في التايملاين الخاص بيك لو فيها كلمة "يمين" ما تظهرش،
و لو متابع حد عمل تويت او ريتويت عن "يمين" إنت مش هتشوف التويت و الريتويت دول
٥

تويتر يقدر يظهرلك كل تويت وريتويت عن الشمال فقط،
مع إن الناس الشمال أقلية بالمقارنة باليمين و بالمقارنة باللي مالهومش دعوة.
النتيجة إيه؟
إن أنا و إنت وكلنا أعتنقنا الشمال و بقينا نعمل ترويج ليه وندافع عنه، مع إن عمره ما كان رأيك و لا حتى توجه الأغلبية بس تويتر خلاه أغلبية.
تم