بعد بحث عن كيف تتعامل مع الأشخاص المستفزين في حياتك انصدمت من الاجابه البسيطة للمشكلة خاصة إني بحثت كثييير حتى أجد جواب أستطيع تطبيقه على الواقع مع كل الأعمار وكل الكلام المستفز بدون استثناء بكمل لكم تحت الاجابه وكيف نتعامل مع اللي يحاولون يطلعونك عن طورك 🤯❌

سبحان الله لازم تلاقي في الحياة أشخاص يستفزونك أحيانًا متعمدين ويضيقون صدرك ويعكرون مزاجك طيب هل فكرت مرة إن الحل مو الرد عليهم؟ لأن هذا مرادهم لو تقول أتضايق من نحافتي بيجيك اليوم الثاني بيقول لك ليش نحيف مرة؟ وهذا لأنهم يركزون على الشيء اللي يضايقك لأنهم يستمتعون باستقزازك

لأنهم غالبًا فيهم مرض نفسي ويستمتعون بتحطيم الآخرين ومضايقتهم خاصة اللي يشعرون أنهم أفضل منهم فلذلك لو قالك مثلًا ياكثر كلامك لأنه مره سمعك تقول أحسني ثرثار أو قال يالله وش هاللبس لاتبيّن إنك تضايقت وخل ملامحك هادية أدري ودّك توريه الشغل بس هد وفكر إنه بيستمر لو شاف ردة فعل منك

أولًا حط عينك بعينه ولاتنكسر عنده أي شيء يسبونه أمدحه لبسك مدري وش فيه صدق ما أعجبك؟عاد أنا عاجبنيي مره ودايم الناس يقولون ذوقك حلو بس سبحان الله الناس أذواق وبعض الناس يقيم غيره وهو ذوقه ياكافي وقيس هذا المثال على كذا مثال بعض المواقف يبغى لها رد وبعضها لا بس أهم شي لاتبين زعلك

مع الوقت ولما مايلاقون رد خلاص بيطفشون بس كل مرة تنفعل وتتضايق وتتهجم صدقني الموضوع بيطول والضحية صحتك تجاهلهم واستفزهم أنت صح بترجع البيت متضايق بس احتى هم رجعوا متكدرين ماحصلوا ردة فعل ولاقدروا يطلعونك عن طورك مع الوقت بيتركونك ويدورون أشخاص يطلعون مرضهم عليهم وأنت تسلم منهم