ما افهم في سوالف الطاقة كثير ومهما حاولت استوعبها اضيع وارجع لمكاني في تجنبها .. بس في حوار قديم مع شخصية كانت صديقه - بس حفظا لحقها واحتراما لها لو كانت تشوف هذا الكلام مازال في بالي- ومستحيل انساه .. قالت :
"الانسان يا روضه مهما تعلّم يظل بحاجة للوهم ! يظل بحاجة مخرج خيالي .."

طبعا أنا ما أحكم ! ولا انتقد سالكي هالطريق .. ومؤمنة كلن حر بحياته وتجاربه وافكاره .. بس كلامها كان مثل الـ 💡.. لو ما كنت أؤمن بالوهم ايش احتاج عشان انجو ! ومن هنا بدأت فعلا في تكوين اطاري الشخصي اللي ارجع له كل ما حسيت اني بحاجة لهالوهم .. بعيدا عن اشياء ما افقه فيها ولا أعي

اكتب كثير ! اتأمل كثير .. ادعو واناجي الله بطريقة تريحني كثير.. ومرات اجلس افكر في اللاشيء .. لساعات .. واكتشفت ان مهما تعلّم الانسان فعلا هو محتاج متنفس .. محتاج يترك المنطق شوي على جنب ويتحرر من قيوده .. ولطالما ما يتعارض مع الشرع ليش لا ! هالكلام مو بالضرورة يناسب الجميع

بس اعرف ان فيه بنات يتابعوني ويسمعون مني مثل اختهم 💗.. بنات ترا عادي يمر يومك ما سويتي فيه شيء .. طبيعي تمر فترة خمول .. وطبيعي يكون عندك متنفس .. تأكدي بس ان مخارجك ايش ما كانت .. تكون آمنة ! صحية ! وبعيدة عن الأذى النفسي والجسدي لك💗🙏🏻