مؤلمة جدًا فكرة إن حد عزيز عليك، يحصل بينكم خلاف، فيشوفك في مكان يحاول يعمل كل حاجة بتضايقك، أو تستفزك، أو يتواجد مع ناس إنت رافضهم، أو على خلاف معاهم، أو حذرته منهم.
فكرة إن حد يضحي بيك مقابل ناس إنت بتكرههم، وبتحذره منهم، فكرة قاسية لأبعد الحدود،
...

تحسها زي شعور الطفل اللي مذنبينه وصحابه بيطلعوله لسانهم مكايدة فيه.
تخيل إنت تكون بتحترمه في غيابه، ووفي ليه لدرجة إنك بتحترم مشاعرك ناحيته، وهو بيعمل كل حاجة تضايقك، من فعل وقول.

ده اللي بيخلي رجوع الود مستحيل، في ناس بتختلف معاهم بالسنين، لكن في قلبك حب ليهم لإنهم معملوش حاجة في الخلاف محته، وفي ناس تختلف معاهم يوم، يمحوا كل اللحظات الجميلة مهما كانت قيمة.

"الصديق الحقيقي ليس من يصونك وأنتما متفقان، وإنما من يظل على الوعد والعهد في الخصام"
- نبال قندس