قصه "منقوله ".. كيف خشعت بالصلاه ؟
ماراح انزل ١٠ خطوات وتطبيق وامشي بتكلم معك بالعاميه الخشوع بالصلاه كنت دايم اسمع واشوف قصص لكن يوم اصلي احس اني ما اقدر احاول مره مرتين ثلاث احس الامر صار صعب ومستحيل الين ربي طيحني على مقطع غير شوي فيني
المقطع كان لشيخ يتكلم عن كيف تخشع بالصلاه الشيخ قال مثال ولا زال عالق معي انت يوم تحضر لمباراه وعندك دوري هل بتحضر بنص المباراه او اخرها ولا تجي قبلها دايم وتسخن وتعرف التكتيك ووو …
طبعا المثال يمكن البعض يضحك عليه لكن حرفيا يوم قارنتها فعلا طلع فيه ربط انا اطلب الخشوع بالصلاه ودايم اجي بالركعه الثالثه او الاخيره عشان ما اطول واخلص سريع هدفي ونبتي اني اخلص سريع كيف اخشع؟ فأخذت عهد على نفسي اني اطبق كلام الشيخ واجي بدري المسجد
بالبدايه الموضوع كان صعب العيال كلهم وقت الاذان يلعبون وانا اترك الملذات واروح بدري لكن مدري كيف ربي قواني وصرت اروح بدري واتكي اول كم يوم ما جاء في بالي اي شي ابعد بس وانتظر الاقامه لازال شعور السرحان باقي لكن بديت ما احس اني بخلص بسرعه
حبه حبه يوم جيت بدري شفت ذكر بالمسجد الله يحب الشخص اذا حافظ على النوافل بعدها رحت بحثت وشفت ذا المقطع انه ربي يحبني اذا حافظت عليها فعلا؟ سبحان الله وكان سبب بعد الله اني مو بس اجي بدري صرت احافظ على النوافل بعد وصارت نفس الفريضه اذا تركت وحده الوم نفسي
بعدها تغير الوضع صار عندي نوافل والفرض وبديت يوم اصلي خلف اي امام ما انتظر السرعه وقلبي مطمئن لكن احس انه في شي ناقص باقي استمرت الايام الين ربي طيحني بذا المقطع ..
بعدها قلت عندي ٧ مواضع استجابه بالصلاه ليه ما اطبق كلها او ٥ منها؟ ف صرت يوم اقرا دعاء الاستفتاح اقول بعدها دعاء ويوم اركع بعد دعاء الركوع اقول دعاء ويوم ارفع وبين السجود واخر. شي بالسجود الاخير اي دعوه في بالي اقولها
جيت بعدها اقارن بين صلاتي قبل مده والحين قبل كانت الصلاه تاخذ مني دقيقه ونص وكلها عشان السرعه الحين صرت احرص اني استغل كل نقطه بالصلاه ولا همني الوقت يوم عرفت انه في مواضع احتاجها انا اسال الله فيها اشياء دنيويه وبرضو للاخره..
وذي ايضا احد المقاطع اللي ساعدتني بالخشوع بشكل كبير
وبعدها عرفت انه من اكثر الاشياء اللي تزيد خشوعك معرفتك لتفسير الايات وغيرها يعني يوم تقرا الفاتحه تعرف المعنى ف قلبك يكون واعي وانت تقرا طبعا كل واحد وعنده منصه يشوف فيها التفسير لكن كنصيحة مني اشوف عثمان الخميس افضل اسلوبه جميل ويدخل العقل
هذي الاسباب اللي ساعدتني والله اني بالبدايه ما كنت اقدر حتى اني اسوي سبب لكن سبحان الله كنت اسال الله دايم ذا الدعاء " ربي اجعلني مقيم الصلاه ومن ذريتي ربنا وتقبل دعاء "
عظيم وغير فيني كثير صارت الاسباب حتى تجي عندي وانت مجرد مستمع وكل شي اتسهل
عظيم وغير فيني كثير صارت الاسباب حتى تجي عندي وانت مجرد مستمع وكل شي اتسهل
نهايه والخلاصه دايم في البدايه كرر الدعاء اللي قلته لك واسال الله انه يرزقك الخشوع بعدها حاول تبكر للصلوات لو تجي بدايه الاقامه اهم شي لا تتاخر والنوافل ايضا وتفسير الايات لو السور القصيره
اول الايام راح تكون صعبه عليك لان الشيطان بيخليك تنسحب ويقول ذا الطريق صعب صل نفس اول سريع وكمل واستمتع ، لا تطيعه واستمر صدقني بتجيك لذه مب طبيعيه وتخليك تشوف الحياه بمنظر ثاني اقسم بالله الشعور ما ينوصف اذا استمريت ممكن اي شي تبيه برضو يتحقق لإنك اديت الصلاه كما ينبغي ♥️
مقطع جميل للشيخ ابن عثيمين بذا الجانب
وهذا مقطع جميل لاحمد الشقيري
الله يرزقنا وياكم الخشوع بالصلاه .. صدقني الخشوع بالصلاه لا تاخذها انه اذا اجبار مو حب انه لازم تسويه ولا ما تقبل لا تفكر كذا اقسم بالله الخشوع يخليك شخص ثاني وتقول ويني من اول عن الخشوع ويوم تخشع تتمنى كل من حولك يخشعون البدايات يبيها همه لكن بعدها ربك يسهل عليك كل شي♥️
جاري تحميل الاقتراحات...