كثير اصبح يستهين بصغر المعصيه مثل من يسولف من بنات ويقول فقط سوالف عاديه عن موضوع عادي او اللي يشوف وينشر مسلسلات ويبرر انه شخص عاقل وماراح ياتاثر من اكبر المصايب ان الشيطان يصغر لك المعصيه وتصير عاديه بنظرك لين تطيح بالكبائر وذي قصه لعابد كيف تغير من حال الى حال بسبب ذا الشي ..
هذا كان عابد يخاف الله وله مكان خاص يعبد الله فيه ويعتزل عن الناس فكانو بني اسرائيل واثقين فيه وسمعته حلوه .. فمره ٣ اخوان كانو يبون يجاهدون ومعهم اخت وما قدرو يخلونها وحدها فاتفقو انه يخلونها مع هذا العابد والراهب
معلومه اسمه " برصيصا "راحو له وطلبو منه ينتبه لاختهم فرفض الين اصرو عليه بقوه ووافق وكانت نيته انه يخليها في بيته لكن بغرفه لحال ولا يكلمها لخوفه من الله فمرت الايام ومرت الين ..
الين جاه الشيطان وبدا معه حبه حبه قال البنت وحدها دق عليها الباب وشوف وش تبي مجرد تقضي حاجاتها وتؤجر ومن ذا الكلام في البدايه لانه فعل خير راح سوا الشي نفسه ..مع الايام صار يوسوس له اكثر قال لازم تسلم عليها كل يوم عشان لا تستوحش المكان وانقاد ورا كلام الشيطان
كانت نيته انه يسلم وهو يخاف الله فقط نيته عشان ما تستوحش.. بعدها بدا الشيطان بالخطوة اللي بعدها وهذي خطوات الشيطان اللي ربي حذرنا منه حبه حبه بعدها قال لا تصير متشدد فقط تسلم وتروح شوف يمكن البنت محتاجه شي من هنا ولا هناك خصوصا انه اخوانها راحو
ف راح وصار يكلمها من ورا الباب بعدها جاء الشيطان وقال لا تصير متشدد مو لازم من ورا الباب لا تصير متشدد وتطور الحاله وانقاد ورا الشيطان وصار يسولف معها بدون حجاب وكانت لسا نيته انه يخاف ربه
ف مرت الايام ومرت وصار الشيطان يشد عليه اكثر الين صار يناظر فيها ويلمس يدها بعدها وقع بالزىنا والعياذ بالله مع هذي البنت ف ندم ندم كبير ورجع تاب واستغفر ربه فجأه بعدها جاء الشيطان ثاني وقال الحين دام سويت فيها اذا جو اخوانها بتعترف لهم ويمكن يذبحىىونك بسبب ذا الشي
ف سمع كلامه وراح ذبىح البنت عشان لا ينفضح فيوم رجعو الاخوان مشى الكذبه عليهم لانه رجل صادق ف صدقوه فجاهم الشيطان بالحلم عن اللي سواه برصيصا واخبرهم على مكان القبر فراحوا وفعلا لقوها مىيته ف راحو عنده وكسرو بيته وفضحوه بعدها يوم الشيطان فعل فيه كل ذا جاه مره ثانيه وقال ..
اسجد لي سجده واضبطك واطلعك من كل اللي انت فيه و برصيصا بدل ما يسجد لربه سجد للشيطان فانزل الله عزوجل :
"كَمَثَلِ ٱلشَّيۡطَٰنِ إِذۡ قَالَ لِلۡإِنسَٰنِ ٱكۡفُرۡ فَلَمَّا كَفَرَ قَالَ إِنِّي بَرِيٓءٞ مِّنكَ إِنِّيٓ أَخَافُ ٱللَّهَ رَبَّ العالمين "
"كَمَثَلِ ٱلشَّيۡطَٰنِ إِذۡ قَالَ لِلۡإِنسَٰنِ ٱكۡفُرۡ فَلَمَّا كَفَرَ قَالَ إِنِّي بَرِيٓءٞ مِّنكَ إِنِّيٓ أَخَافُ ٱللَّهَ رَبَّ العالمين "
قال ابن عباس الايه هذي نزلت في برصيصا ف بعد ما سجد للشيطان لم ينقذه بل اخذوه اهل القريه ونفذو فيه الاعدام .. وقفه شوي مع نفسك وش كانت بدايه الشيطان وهل فيه شخص من القريه يتوقع انه اكثر شخص عابد عندهم يتغير كذا؟ كذا محد ضامن نفسه وممكن اي معصيه صغيره حبه حبه تكبر معك ..
وللاسف صار الواحد اذا نصح لا تشوف مسلسل او لا تسمع اغاني يقول عادي شوي ما ياثر وايماني اصلا قوي ومحد يقدر يغريني نفس الشي مع برصيصا كان عابد وو هل كان عارف انه راح يوقع بالفتن من اشياء بسيطه؟
كان مجرد سلام وتحول ل كفر .. والحين الواحد اذا نصح قالو متشدد وغيرت وترا كلها محادثه ما تاثر العابد برضو كان بينه حاجز لكن تحول بكوارث بسبب تصغير المعصيه وهذي حاليا نسمعها من حقين البثوث يقولون كلها سوالف محترمه واصلا هي حرام مهما حاولو تلطيف الجو على نفسهم
إتقوا الله وابعدو عن مواضع الفتن صحابه رسول الله اللي منهم مبشرين بالجنه ومنهم من سوو اشياء كبيره للاسلام كانو خايفين من الفتن كيف حنا وحنا بالزمن ذا وانتشرت علينا ؟الواحد لازم يوقف مع نفسه ويحط حدود ما يتعداها مهما شاف الناس تعدوها سؤال الله الثبات هو اكثر شي بيعينك باذن الله
ولحد يغتر بقوه ايمانه لانه القلوب بيد الله بثانيه يغيرها لا تصغر ذنب واجعل مراقبه الله معك دايم اسال الله ينجينا من الفتن ويبعدنا عنها نهايه رددو يوميا :
" يامقلب القلوب والابصار ثبت قلبي على دينك "…
" يامقلب القلوب والابصار ثبت قلبي على دينك "…
جاري تحميل الاقتراحات...