أبكتني :
النهارده وانا راكبه الميكروباص واحده قاعده جمبي و معاها ابنها صغير كده عنده Cancer فبيص عليها لاقيتها قاعده زعلانه كده و شكلها كان تعبان و مهموم اوي..
فلاقيت ابنها عمال يهزر معاها و يقولها اضحكي و بيحاول يضحكها و هي تضحك كده (ضحكة هم)..فجأة لقيته بيقولها و هو تعبان كده

(ماما هو انا ربنا هياخدني امتي انا تعبت من الحقن اوي) انا ف الحظه دي حسيت ان جسمي اتشل كده والله صدمني..
مامتوا قالتله لا يا حبيبي انت هتفضل معانا و مع ليلي اختك اللي بتحبها...و هي عينها مدمعه كده انا قاعده سمعتهم بصتله و قولتله انت جميل اوي و كمان قمور، ضحك كده و قالي

بس شعري وقع و مبقتش قمور زي الاول...و هو عنيه مدمعه كده ف جيت امسك ايده حقيقي ايده مش باينه من الزرقان بتاع الحقن...
قمت و طيت علي ايده و بوستها هو بص لمامته كده و هو فرحان اللي هو مستغرب اول ما بوست ايده ضحكلي كده...بعدها فضلت اهزر معاه و ضحكته و انا نازله لاقيته بيقولي ادعيلي

اكون حلو و شعري يطول من تاني قولتله مش انا بس اللي هدعيلك انا هخلي الناس كلها تدعيلك علشان تفضل جميل و تبقي معانا..
نزلت من الميكروباص وانا حرفياً منهاره و عياط و ساعتها حسيت ان ربنا فعلاً مدينا نعمه كبيييييره اوي حتي ولو صحتك مش كويسه اوي بردو اشكر ربنا لان في ناس

بتتمني تعيش بس علشان اهلها هيوحشوهم لما يموتوا
احنا معندناش مشاكل ف حياتنا
احنا معندناش هموم
احنا ف نعمة نعمة كبيره و مش حسين بيها
في ناس بتتمني بس تعيش..بتتمني متخدش علاج
انا و وعدته اني هخلي الناس كلها تدعيله علشان يخف
فضلا وليس،امرا
ادعوا له ولكل مرضي السرطان ...