(خلفة المصريين بتقل ولا بتزيد؟)
اللي أعرفه
إنه أهلي (وأكترهم عايشين يفي الأرياف)
الجيل ده خلفته أقل بكتير من الجيل اللي فات
فإن كان الجيل اللي فات متوسط خلفته بين 5-11 عيل
فالجيل دلوقت متوسطها بين 2-5 عيال
يعني نزل للنص
ولسة بينزل
والأسباب هي:

1-الجيل دلوقت أكتريته متعلم فبيتجوز متأخر
2-البنات بقت بتشتغل في وظايف بعيدة عن البيت والغيط فبقت مشغولة زيادة وعندهاش وقت لعيال كتير
3-كتير من الرجالة بتسافر برة وتغيب سنين ففرصة الخلفة بتقل
4-الأرياف بقو يشترو حاجات كتير من برة، ما بقاش كله من البيت زي الأول، فالعيشة بقت أغلى

5-نسب الطلاق بقت أكتر بكتير من زمان
وكتير من الطلاق بيحصل ف السنين الأولى من الجواز، ففرصة الخلفة بتقل
6-أكتر حاجة كانت تخلي الناس تخلف عيال كتير الزراعة اللي عايزة عيال كتير، ومساحة الزرع بتقل
وحتى الناس القليلة اللي عندها 5 عيال من قرايبي بيكون عشان جابو بنات ونفسهم في ولد

أما بقية الجيل مخلفين ما بين 1- 4 عيال، والمتوسط بتاعهم 3 عيال
الخلاصة:
إحنا بنشوف حوالينا في أهالينا، في مدن أو أرياف الخلفة بتاعة الناس اللي نعرفهم بتقل
فمن فين بيتقال الخلفة بتزيد، فقللو الخلفة يا مصريين!
عايزينهم يقللوها ولا يمنعوها خالص!
#مصر_للمصريين_وبالمصريين