رتبها

دي رساله من جيلان قاسم حبيت انزلها هنا على صفحه أحمد مكه علشان تقدر توصل لعدد كبير من المتابعين خدمه مني لشخصيه وطنيه محترمه.
قعة شطرنج 28 نوفمبر 2022 : و دي مش بتاعت الحرب ...و لا الاقتصاد و لا السياسة
دي بتاعت كرامتي أنا

من يوم الحرب دي ما بدأت و أنا بعمل سرد الشطرنج .... بياخده ناس كتير و بتنسبه لنفسها و مش بتكلم
يوتيوبرز بيشتغلوا منه و بقول لو مصدر رزق لهم فأنا مسامحة الدنيا صعبة ...

انما لما يوصل الامر ان واحدة قليلة الادب متربتش تتهمني اني باخد الشطرنج منها و انها هي الوااااو المبدعة فمعلش بقا أنا ممكن اوقف شطرنج تماما و للأبد
علي تويتر ست بتقول انها دكتورة قانون و علوم سياسية

و انا اسفة والله اني اقول ان كليات الحقوق لا تمنح درجة الدكتوراه في مجال العلوم السياسية اساسا و اقصي حاجة هو القانون الدولي و لا يشتمل علي علاقات دولية لأن ده برانش بتاعنا احنا .. لكن عشان تقنع الناس انها مبدعة و ان المجهود مجهودها كذبت الكذبة دي 🤷🏻‍♀️🤷🏻‍♀️

اسمها سلوي السوبي
و ده لينك الاكونت بتاعها
و ده لينك فيسبوك
facebook.com
لما ديالا بنتي دخلت لها وقالت لها انتي ازاي بالعنجهية دي في الاجابات و ده بسبب انك تجهلي الاجابات .. چيلان قاسم نفسها مش بالعنجهية دي ف حظرت بنتي بعد ما غلطت فيها

www.facebook.com

اي حد يقولها چيلان قاسم يتحظر فورا
يا حضرة الاستاذة في القانون الجنائي
▪سرقة الافكار ده اسمه تعدي علي حقوق الملكية و يعد جريمة
▪انتحالك لشخصيتي ده جريمة
▪تعرضك بالسب لبنتي ده جريمة

يا سيادة المحامية بالنقض القانون اللي انتي درستيه اللي ميهذبش من أخلاقك و يعرفك الفرق بين السرقة و الابداع .. يبقا كان تنسيق ثانوية عامة ليس إلا
أنا معرفش الحقيقة ايه البجاحة المتناهية دي انك كمان تقولي انك عارفة اني بسرق منك لكن يهمك ان المعلومة توصل ده انتي حرامية بجحة حقيقي.

♦كلام انا اول مرة أقوله
حرب چيلان قاسم مش رقعة الشطرنج علي السوشيال ميديا و بس
و لا هي مجموعة أخبار بقدر اترجمها و بس
لاااا ده الموضوع اعمق و اكبر
انا أي خبر بيتنشر غلط عن مصر بطارد الصحفي نفسه

▪ستيفن ايه كووك من يوم تقريره عن مصر و انا رديت عليه بايميلات في كل الصحف اللي بيكتب فيها ونشرت الرد علي الفيسبوك
من يوم 28 اغسطس حد فيكم سمع منه كلمة .. الرد بتاعي انا اتاخدت علي قناة القاهرة و الناس لبرنامج بتاع واحد دكتور علوم سياسية

▪اسماعيل اوزال بتاع بلومبيرج لما كتب اخبار اقتصاد غلط عن مصر .. انا بعت 8 ايميلات ل بلومبيرج نفسها ووصلتني بيه و بيني و بينه اكتر من 11 ايميل لدرجة افتكرني جهة حكومية و اخر ايميل بعتهولي كتبلي فيه شكرا لتواصل الحكومة المصرية معنا
و من يومها و لاااا خبر سلبي عن مصر منه ..

ده لما حب يسأل افتتاح بورصة الدهب في مصر بعتلي يتأكد مني و يتأكد هي سبايك ال BTC شغالة في مصر و لا ايه
▪صحيفة بيلد الالمانية و دي اكبر صحيفة صفرا في ألمانيا لكن أوسع انتشارا من ديرشبيجل نفسها
نشرت خبر انها مش هتسلم منظومة صواريخ لمصر و هتوديها اوكرانيا وجابت سيرة حقوق الانسان..

سيبت انا شغلي و بيتي و عملت فايل فيه تقارير بيزنس انسايدر و بولتيكو و اندبندنت و لوفيجارو .. عن تاريخ بيلد في تزييف الاخبار
و كل الاخبار اللي اتكتبت عن مصر فيها من 2011 و مدي كذبها و التقارير المصرية وبيانات المتحدث العسكري و الرئاسي..

و روحت بيها برلين مقر الجريدة و سلمتها ل شتيفان هايرڤمان و ممشتش إلا أما اخدت منه ميعاد تاني نتناقش فيه مع بعض
روحوا علي جريدة بيلد هتلاقوا مقال في 18 يوليو عن قدرة مصر لإمداد اوروبا بالغاز .. ده مجهودي أنا مع الصحفيين اللي هناك و التواصل معاهم

▪كل بيان بعته حسين بهي الدين الخاين لمنظمة green peace قبل مؤتمر المناخ كنت مجندة موظف هناك يبلغني بيه و ببعت قصاده 5 تقارير تكدبه
▪كل مدعين الاقتصاد علي الفيسبوك انا اللي وقفتلهم و النتيجة هو منعي من الابليكشن كله
كل ده انا بعمله لوجه الله ثم وجه الوطن عشان عيون بهية ..

لا باخد يورو من حد بالعكس استضافت 3 صحفيين من بيلد غدا و قهوة علي حسابي في اغلي ريستوران في لوكسمبورج عشان يعرفوا ان ولاد مصر شبعانين ... لا عندي جهة بتحطلي فلوس في البنك زي كل الخونة اللي برا بيضربوا فيها ولا عايزة ده يحصل
معرضة للاعتداء اي لحظة ومش هاممني..

بعتمد علي شبكة علاقاتي في قلب روسيا نفسها و بولندا و الدانمارك و فرنسا عشان اعرف كل كبيرة و صغيرة .. بناتي بيفصصوا كل المواقع الامريكية و الانجليزية
اي شركة سياحة طلبت مساعدة متأخرتش عنها و ما اعلنتش و رفضت أخد اي حاجة من أي حد
ومبكتبش ده عشان مش بسعي ورا شهرة و لا شو..

انتي بقا يا حرامية يا بجحة مين و بتعملي ايه غير انك بتسرقيني و بتحقي نجاح وهمي من مجهودي وتعبي
افتحي الاهرام المصرية و البشاير و مدونة العين و جريدة الشارقة و موقع السعودية اخبار 24 و انتي تعرفي مين هي چيلان قاسم اللي بتتهميها بالسرقة

الحقيقة اني حاسة بالاهانة بشكل صعب جدااا .. و بطلب منكم تردوا عني الاهانة دي
كل كومنت عندها في تويتر تحطوا فيه ريبلاي لينك قناة التليجرام t.me
و كل كومنت في فيسبوك تعملوا عليه ريبلاي باللينك
انا مستحقش اتهان بالشكل ده من ناس عديمة الاخلاق ...

t.me

دي حملة انا بشنها علي الست دي ومش هكتب ولا كلمة في الشطرنج قبل ما اللي عندها يعرفوا مين الحرامية.
و بتمني تساعدوني فيها بصفتي أخت او ابنة أو أم لأي واحد منكم

و بلغوها اني راجعة تويتر بحساب موثق و هقفلها حسابها تماما هناك عشان سبام السرقة في تويتر بقا يتسبب في قفل الحساب ومنع من الدخول تاني .. دي قوانين ايلون ماسك بقا
ده طلبي منكم و بعتذر طبعااا عليه .. لكن مبعرفش اعيش متهان كرامتي ابدااا
ودمتم أصدقاء و عائلة أحبها ❤

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة